Rza Bədəlov
Rza Bədəlov (25 sentyabr 1915[1], Bakı[1] – 1987, Bakı[1]) — texnika elmləri doktoru (1965), professor, AMEA-nın müxbir üzvü (1968). [2][3][4]
| Rza Bədəlov | |
|---|---|
 | |
| 1968 – 1976 | |
| Əvvəlki | Ənvər Qasımzadə |
| Sonrakı | Mirzə Ağa Bağırov |
| Şəxsi məlumatlar | |
| Doğum tarixi | 25 sentyabr 1915[1] |
| Doğum yeri | |
| Vəfat tarixi | 1987 |
| Vəfat yeri | |
| Təhsili | |
| Fəaliyyəti | mühəndis-mexanik |
| Elmi fəaliyyəti | |
| Elmi dərəcəsi | texnika elmləri doktoru |
.svg){kind=small}
Həyatı
[redaktə | mənbəni redaktə et]Rza Bədəlov Bakı şəhərində 25 sentyabr 1915-ci ildə anadan olub. Ali təhsilini 1941-ci ildə Azərbaycan Dövlət Neft və Sənayə Universitetində alıb. Universitetin Neft-mexanika fakültəsində Mühəndis-mexanik ixtisası üzrə təhsil alıb.[2][3][4]
Əmək fəaliyyəti
[redaktə | mənbəni redaktə et]Rza Bədəlov 1941–1944-cü illərdə "Əzizbəyovneft" trestinin Mexaniki təmir zavodunda mühəndis-konstruktordan sex rəisinə qədər müxtəlif vəzifələrdə işləyib. 1944–1947-ci illərdə AzSİ-nun aspirantı olub. 1947–1968-ci illərdə AzNKİ-də baş müəllim, dosent, professor, dekan müavini, Neft-mexanika fakültəsinin dekanı, Nəzəri mexanika kafedrasının müdiri vəzifələrini icra edib.[2][3][4]
Rza Bədəlov 1968-1976-cı illərdə Azərbaycan Politexnik İnstitutunun rektoru və Nəzəri mexanika kafedrasının müdiri olub. Habelə 1976–1987-ci illərdə AzNKİ-nun Neft-mədən mexanikası və Maşın və mexanizmləri kafedrasının müdiri vəzifələrini icra edib.[2][3][4]
Elmi fəaliyyəti
[redaktə | mənbəni redaktə et]Rza Bədəlov dağ süxurlarının dağıdılmasının mexanikası sahəsində tanınmış alimdir. Elmi tədqiqatların sahəsi: mədən-maşın mexanizmlərinin nəzəriyyə və praktikasının tədqiqi; süxurdağıdıcı alətin işçi elementlərinin formasının, optimal parametrlərinin, yerləşdirilməsinin müəyyənləşdirilməsi.[2]
Rza Bədəlov 1953-cü ildə namizədlik, 1965-ci ildə isə "Üçşaroşkalı baltaların işinin səmərəliliyinin tədqiqi" mövzusunda doktorluq dissertasiyalarını müdafiə edib. 1968-ci ildə Azərbaycan EA-nın müxbir üzvü seçilib. Rza Bədəlov 100-dən artıq elmi məqalənin və bir sıra monoqrafiyaların müəllifdir.[2][3]
Mükafatları
[redaktə | mənbəni redaktə et]Rza Bədəlov "Qırmızı Əmək Bayrağı" ordeni və "Rəşadətli əməyə görə" medalı ilə təltif olunub.[2]
Vəfatı
[redaktə | mənbəni redaktə et]Rza Bədəlov 1987-ci ildə Bakıda vəfat edib.[2][3][4]
İstinadlar
[redaktə | mənbəni redaktə et]- ↑ 1 2 3 4 5 6 https://science.gov.az/en/forms/skanchavshiesya-chlenyikorrespondentyi/3307.
- ↑ 1 2 3 4 5 6 7 8 "Bədəlov Rza Əbdül oğlu" (Azərbaycan). science.gov.az. 21.09.2021 tarixində arxivləşdirilib.
- ↑ 1 2 3 4 5 6 "Azərbaycan Dövlət Neft və Sənaye Universitetinin məzunları" (Azərbaycan). nkpi.az. 7-7-2022 tarixində arxivləşdirilib.
- ↑ 1 2 3 4 5 "4-cü rektor - Rza Bədəlov" (Azərbaycan). www.aztu.edu.az. (#archive_missing_date) tarixində arxivləşdirilib.