Sükut pozuntusu (film, 2014)

"Sükut pozuntusu" — rejissor Qüdrət Həmidovun 2014-cü ildə "Nərimanfilm" kinostudiyasında ekranlaşdırdığı film.

Sükut pozuntusu
Janr	dram psixoloji
Rejissor	Qüdrət Həmidov
Prodüserlər	Nəriman Məmmədov Orxan Həmidov
Ssenari müəllifi	Qüdrət Həmidov
Baş rolda	Nuriyyə Əhmədova
Operator	Elşən Əliyev
İstehsalçı	Narimanfilm
İlk baxış tarixi	2014
Filmin növü	qısametrajlı bədii film
Müddət	25 dəqiqə
Ölkələr	Azərbaycan
Dil	Azərbaycan dili
İl	2014
Rəng	rəngli

Yaşlı qadın (Nuriyyə Əhmədova) oğlunun ölümündən sonra sükut içinə qapanır və cəmiyyətdən özünü ayırır. Sükut onun ən yaxın dostuna çevrilir. Onun həyatında hər şey elə səssiz olur ki, anidən gələn bir telefon zəngi onun sükutunu pozur. Bir neçə zəngdən sonra o, aydınlaşdırır ki, onun telefon nömrəsi səhvən bir qəzet elanında yazılıb. Telefon bir dəqiqə susmur, hamı qəzetdəki elana görə zəng edir. Yaşlı qadın bir tərəfdən gələn zənglərə sevinir başqa bir tərəfdən isə sükuta xəyanət etmək istəmir. Ona görə də o, hər gələn telefon zənginə cavab verir və özü-özü ilə mübarizə aparır. Lakin sükut xəyanəti sevmir, ya sükutun dostu ol ya da o sənin düşmənin olacaq.

• Filmdə Akif İslamzadənin ifasında "Ötən günlər" mahnısından istifadə edilmişdir.
• Film aktrisa Nuriyyə Əhmədovanın kinoda son işidir.
• Həyatda qızını vaxtsız itirmiş aktrisa Nuriyyə Əhmədova filmin ssenarisini oxuyan kimi filmdə çəkilməyə təmənnasız razılaşmışdı. Aktrisanın dediyinə görə, bu ssenarini həyatda yaşamışdı. Bununla bağlı filmin rejissoru qeyd edirdi:^[1]

Filmdə bir səhnə var ki, ana ağlayır və gözündən yaş gəlir. Bu kadrı çəkməmişdən öncə qrimçi Nuriyyə xanımın gözünə süni göz damcıları tökmək istəyəndə o etiraz etdi. Mən elə bildim ki, Nuriyyə xanım ssenarini başa düşməyib və bu səhnədə ağlamaq lazım olduğunu bilmir. Çəkilişə start verən kimi Nuriyyə xanım həqiqətən təbii göz yaşları tökməyə başladı. Hətta operator mənə baxaraq səhnəni dayandırmağı məsləhət gördü, mən isə səhnənin bitməyini gözlədim. Kadr çəkiləndən sonra o, 20 dəqiqə özünə gələ bilmirdi. Bir tərəfdən, rolunu təbii oynamasına görə sevindim, digər tərəfdən də onun yarasını təzələdiyim üçün kədərləndim. Qüdrət Həmidov

Ssenari müəllifi: Qüdrət Həmidov

Quruluşçu rejissor : Qüdrət Həmidov

Quruluşçu operator : Elşən Əliyev

Səs rejissoru : Teymur Abdullayev

Səs operatorları : Zaur Məmmədov, Əliabbas Qasımov

Montaj edənlər : Ramil Əhmədov, Qüdrət Həmidov

Rejissor assistenti : Kamran Həmidov

Operator assistenti : Rahib Hacılı

İşıqçı : Novruz Novruzov

Qrim ustası : Cəmilə Rəcəbova

Geyim rəssamı : Olqa Şabanova (Olga Şabanova kimi)

Səhnə tərtibatçısı : Vüqar Əhmədov

Texniki heyət : Aqil Həsənov, Vüqar Mustafayev, Mirzəhməd Seyidəliyev

Fotoqraf : Ramil Əhmədov

Ev sahibi : İlqar İsmayılov

Sürücülər : Vüqar Əhmədov, Samir Murtuzəliyev, Rahid Abbasov

İcraçı prodüser : Rüstəm Şəfiyev

Prodüser : Nəriman Məmməodov, Orxan Həmidov

Nuriyyə Əhmədova – yaşlı qadın

Leyla Şahbazova

Qüdrət Həmidov

Nəzifə Məmmədova

İsmayıl İsmayılov

Kənan Məmmədov

Kristina Hüseynova

İlqar İsmayılov

Orxan Həmidov

İlqar İsmayılov

Vüqar Əhmədov

Pərviz Musayev

Ənvər Həmidov

• "Sükut pozuntusu" (2014, BAKI)

Azərbaycan filmlərinin siyahısı

Filmi izlə