Səbuhi Xasayev (əsgər)

Səbuhi Xasayev ({{DVTY}} şablonu boşdur) — Gəncə şəhərində qulluqçu ailəsində anadan olmuşdu. 1980-ci ildə 5 saylı orta məktəbi Qızıl medalla bitirmişdi. Daşkənd Dövlət Universitetində hüquqşünas ixtisasına yiyələnmişdi. Daşkənddə prokuror köməkçisi işləyirdi. Tarixin ağır günlərində Gəncəyə qayıdaraq Qazax hərbi qarnizonunun prokurorluğunda baş müstəntiq vəzifəsində çalışmağa başlayıb. 1994-cü il martın 29-da leytenant Xasayev Gədəbəy rayonunun Şınıx bölgəsində xidməti vəzifəsini yerinə yetirərkən mina partlayışı nəticəsində faciəli surətdə həlak olmuşdu.

Səbuhi Xasayev
Xasayev Səbuhi Lüdviq oğlu
Şəxsi məlumatlar
Doğum tarixi
Doğum yeri Gəncə
Vəfat tarixi (30 yaşında)
Vəfat yeri Şınıx (Gədəbəy)
Vəfat səbəbi Şəhid
Vətəndaşlığı Azərbaycan Azərbaycan
Milliyyəti Azərbaycan
Həyat yoldaşı Ofelya Xasayeva
Uşağı Elvin Xasayev
Atası Lüdviq Xasayev
Anası Qeysun Xasayeva
Hərbi fəaliyyəti
Rütbə Leytenant
Döyüşlər Qarabağ müharibəsi
Təltifləri "İgidliyə görə" medalı

Həyatı[redaktə | mənbəni redaktə et]

Xasayev Səbuhi Lüdviq oğlu 1963-cü il mayın 15-də Gəncə şəhərində qulluqçu ailəsində anadan olmuşdu[1]. 1980-ci ildə 5 saylı orta məktəbi Qızıl medalla bitirmişdi. Əlaçı olan Səbuhi sinif yoldaşları arasında "milyonçu" deyə çağırılırdı. Səbəbi isə aldığı qiymətlərin hamısının əla olması idi. İdmanı sevirdi. Daşkənd Dövlət Universitetində hüquqşünas ixtisasına yiyələnmişdi. Daşkənddə prokuror köməkçisi işləyirdi. Daşkənddə prokuror köməkçisi işləyirdi. Tarixin ağır günlərində Gəncəyə qayıdaraq Qazax hərbi qarnizonunun prokurorluğunda baş müstəntiq vəzifəsində çalışmağa başlayıb, savadlı, prinsipial, obyektiv hüquqşünas kimi ad çıxartmışdı. Neçə vaxtdan bəri "İlişib qalan" on beş cinayət işinin istintaqını qısa müddətdə uğurla başa çatdırmışdı. Hər yerdə olduğu kimi döyüş bölgəsində də xain, xəbis az deyildi. 1994-cü il martın 29-da leytenant Xasayev Gədəbəy rayonunun Şınıx bölgəsində xidməti vəzifəsini yerinə yetirərkən mina partlayışı nəticəsində faciəli surətdə həlak olmuşdu.

Ölümündən sonra[redaktə | mənbəni redaktə et]

Səbuhinin indi özü kimi qoçaq, qorxu bilməz oğlu Elvin adlı övladı böyüyür. Oxuduğu 5 saylı məktəbdə şəhidlər guşəsi yaradılıb. Səbuhinin böyüyüb boya-başa çatdığı küçə isə onun adını daşıyır. Səbuhi Xasıyev ölümündən sonra "İgidliyə görə" medalı ilə təltif olunmuşdu. Azərbaycan prokurorluğunda yaradılan şəhidlər muzeyində Səbuhinin də şəkli asılmışdı. Eynal Əliyevin "Azərbaycan Respublikası Prokurorluğu tarixindən səhifələr" kitabında Səbuhi haqqında yazı və şəkli verilib. Mənzilinin yanında Səbuhi Xasayevin ruhuna hörmət əlaməti olaraq xatirə bulağı çəkilmişdir[2].

İstinadlar[redaktə | mənbəni redaktə et]

  1. ↑ "Arxivlənmiş surət". 2022-11-02 tarixində arxivləşdirilib. İstifadə tarixi: 2022-11-02.
  2. ↑ "Arxivlənmiş surət". 2022-11-02 tarixində arxivləşdirilib. İstifadə tarixi: 2022-11-02.