"Səni axtarıram" — 2011-ci ildən Azərbaycanın Azad Azərbaycan TV, ANS TV, Xəzər TV və ARB kanallarında yayımlanan tok-şou.[1] Verilişin aparıcısı Xoşqədəm Hidayətqızıdır.[2]
| Səni axtarıram | |
|---|---|
| Janr | Tok-şou |
| Aparıcı | Xoşqədəm Hidayətqızı |
| İstehsalçı ölkə | Azərbaycan |
| Dil | Azərbaycanca |
| Veriliş | |
| Kanal |
Azad Azərbaycan TV (2011—2015) ANS TV (2015—2016) Xəzər TV (2016—2021) ARB (2021—) |
| Translyasiya dövrü | 5 aprel 2011 |
| Xronologiyası | |
| Oxşar verilişlər |
Xoşqədəmlə axtarıram səni (ANS TV) Səni axtarıram Xoşqədəmlə (Xəzər TV) |
Veriliş 2010-cu ildə "Azad Azərbaycan TV kanalında efirə çıxan "Sən tək deyilsən" verilişində yayımlanan "Səni Axtarıram" adlı rubrika vasitəsi ilə doğmalarını itirən insanların axtarışına başladı.[3] Çox saylı müraciətlərin və tamaşaçıların etimadı sayəsində "Səni Axtarıram" 2011-ci il aprelin 5-dən etibarən Xoşqədəm Hidayətqızının müəllifliyi ilə rubrika kimi deyil, 2 saatlıq veriliş olaraq efirdə yayımlandı.
26 aprel 2015-ci il tarixindən veriliş "Xoşqədəmlə axtarıram səni" adı altında ANS TV-də həftənin bazar günü, saat 22:00-da yayımlanırdı.
Veriliş 2016-cı il sentyabrın 25-dən 2021-ci il iyulun 30-dək "Səni axtarıram Xoşqədəmlə" adı altında Xəzər TV-də yayımlanıb.
2021-ci il noyabrın 22-dən etibarən həftəiçi 5 gün ARB-də "Səni axtarıram" verilişi yayımlanır.
2013-cü ildə veriliş çəkiliş zamanı real faktlar yox, quraşdırılmış səhnələrdən istifadə etdiyi üçün Azərbaycan cəmiyyəti tərəfindən tənqid olunub.[4]