Səxavət Quliyev (şəhid)

Səxavət Bostan oğlu Quliyev (17 noyabr 1963 - 16 avqust 1992) — Qarabağ müharibəsi şəhidi.

Səxavət Quliyev
Səxavət Bostan oğlu Quliyev
Şəxsi məlumatlar
Doğum tarixi	17 noyabr 1963
Doğum yeri	Muğanlı, Xocavənd rayonu, Azərbaycan SSR
Vəfat tarixi	16 avqust 1992 (28 yaşında)
Vəfat yeri	Qarabağ, Azərbaycan
Vətəndaşlığı	Azərbaycan SSR Azərbaycan
Atası	Bostan Quliyev
Hərbi fəaliyyəti
Mənsubiyyəti	Azərbaycan Ordusu
Xidmət illəri	1991-1992
Döyüşlər	Qarabağ müharibəsi

Həyatı[redaktə | mənbəni redaktə et]

Səxavət Quliyev 17 noyabr 1963-cü ildə Xocavənd rayonunun Muğanlı kəndində anadan olmuşdur. 1979-cu ildə Muğanlı kənd səkkizillik məktəbini bitirən Səxavət elə həmin ilin sentyabrında Martuni rayon 125 saylı Orta Texniki Peşə Məktəbinə daxil olmuşdur. 1982-ci ildə geniş profilli traktorçu - maşınist peşəsi üzrə bu məktəbin tam kursunu bitirərək ümumi orta təhsil almışdır. Elə həmin il O, hərbi xidmətə yollanmışdır. Hərbi xidmət müddəti bitdikdən sonra Səxavət "Kalinin" adına kolxozda işləməyə başlamışdır.

Qarabağ müharibəsi başlanan vaxtlarda Xocavənd rayonunun Muğanlı kəndində özünümüdafiə dəstəsi yaradılmışdı. Səxavət də bu dəstənin fəal üzvlərindən biri idi. 1991-ci ildə Səxavət yeni yaradılmış Muğanlı kənd Milis Bölməsi sıralarına yazılmışdır. Onun son döyüşü 16 avqust 1992-ci ildə olmuşdur. Həmin gün kəşfiyyatçılar "Gülmətəpə" deyilən ərazidə yerləşən erməni postunu ələ keçirmək üçün əməliyyatlara başladılar. Əməliyyatın planına əsasən, topçular düşmənin həmin mövqeyini atəşə tutmalı, sonra 15 nəfərdən ibarət dəstə üzvləri çaşdırılmış düşmənin üzərinə hücum etməli və oranı ələ keçirməli idilər. Səxavət digərlərindən 10 metr qabaqda erməni səngərinə doğru irəliləyirdi. Səxavət Quliyev düşmənin hücumunu dəf edən zaman minanın partlaması nəticəsində 16 avqust 1992-ci ildə şəhid olmuşdur.^[1]

Ailəli idi, 2 övladı yadigar qaldı.

Həmçinin bax[redaktə | mənbəni redaktə et]

• Qarabağ müharibəsi
• Erməni terrorizmi
• Azərbaycanlıların Soyqırımı Günü

İstinadlar[redaktə | mənbəni redaktə et]