Sabir Əhmədli

Vikipediyada bu ad-soyadlı digər şəxslər haqqında da məqalələr var; bax: Sabir Əhmədov.

Əhmədli Sabir Məhəmməd oğlu (10 iyul 1930, Cəbrayıl – 17 aprel 2009, Bakı) — nasir, publisist, 1955-ci ildən Azərbaycan Yazıçılar Birliyinın üzvü, Azərbaycanın Xalq yazıçısı (1992), Əməkdar incəsənət xadimi (1984), Prezident təqaüdçüsü.[1]

Sabir Əhmədli
Sabir Məhəmməd oğlu Əhmədli
Doğum adı Sabir Əhmədov
Doğum tarixi 10 iyul 1930(1930-07-10)
Doğum yeri
Vəfat tarixi 17 aprel 2009(2009-04-17) (78 yaşında)
Vəfat yeri
Milliyyəti azərbaycanlı
Təhsili Azərbaycan Dövlət Universitetinin Filologiya fakültəsi
Fəaliyyəti yazıçı, dramaturq, ssenarist
Əsərlərinin dili Azərbaycan dili
Janrlar teatr pyesi, povest
İlk əsəri "Poçtalyon"
Mükafatları "Azərbaycan Respublikasının xalq yazıçısı" fəxri adı — 1992 "Azərbaycan SSR əməkdar incəsənət xadimi" fəxri adı — 1984
"Xalqlar dostluğu" ordeni "Qırmızı əmək bayrağı" ordeni

Həyatı və fəaliyyəti

[redaktə | mənbəni redaktə et]

Sabir Əhmədli 1930-cu il iyulun 10-da Azərbaycanın Cəbrayıl rayonunun Cəbrayıl kəndində anadan olmuşdur. Orta təhsilini başa vurduqdan sonra 1946–1951-ci illərdə Azərbaycan Dövlət Universitetinin Filologiya fakültəsində təhsil almışdır.

1951–1954-cü illərdə Cəbrayıl rayon mərkəzində müəllim işləmişdi. 1955–1956-cı illərdə Şükürbəyli kəndində orta məktəbin direktoru işləmişdir. "Ədəbiyyat və incəsənət" qəzeti redaksiyasında ədəbi işçi, Nəsr şöbəsinin müdiri (1956–1993), baş redaktor (1993–1996) işləmişdir.

1955-ci ildən Azərbaycan Yazıçılar İttifaqının üzvüdür. Sabir Əhmədli Azərbaycan Yazıçılar İttifaqının Mirzə Fətəli Axundov adına ədəbi mükafat komissiyasının sədri seçilmişdir.

Ədəbi fəaliyyətə 1951-ci ildən "Pioner" jurnalında çap olunan "Poçtalyon" hekayəsi ilə başlamışdır. Bədii əsərlər və publisistik məqalələri ilə dövri mətbuatda müntəzəm çıxış etmişdir. 1961-ci ildə onun "Bir payız axşamı" kitabı çıxmışdı. 1989-cu ildə Azərnəşrdə ikicildlik əsərləri çap edilmişdir.

Qarabağ hadısələrinə həsr etdiyi irihəcmli ədəbi-publisistik məqalələri — "Qarabağın gecikmiş yazı", "Qarabağın qarlı səngərləri" "Ədəbiyyat və incəsənət" qəzetinin 1992–1993-cü illərdə dərc edilmişdir. Əsərləri keçmiş SSRİ xalqlarının və xarici ölkə xalqlarının dillərinə tərcümə edilmişdir.[1]

Sabir Əhmədli 2009-cu il aprelin 17 Bakıda vəfat etmişdir.[2]

Kitabları

[redaktə | mənbəni redaktə et]
  • "Kütlə"
  • "Axirət sevdası"(2003)
  • "Şəhid ruhu"(2004)

Mükafatları

[redaktə | mənbəni redaktə et]
  • "Əmək şöhrətinə görə" medalı ilə təltif edilmişdir (1975)
  • "Əməkdar incəsənət xadimi" fəxri adı (1984)
  • "Qızıl sünbül" ədəbi mükafatı laureatı (1991)
  • "Azərbaycanın Xalq yazıçısı" fəxri adı (1992)
  • "Xalqlar Dostluğu" ordeni
  • "Qırmızı əmək bayrağı" ordeni

Əsərləri

[redaktə | mənbəni redaktə et]
  • "Aran" ikihissəli roman (1962)
  • "Pillələr" (1964)
  • "Yamacda nişanə" (1973)
  • "Toğana" (1981)
  • "Yasamal gölündə qayıqlar üzürdü" (1984)
  • "Mavi günbəz" povestlər (1984)
  • "Gedənlərin qayıtmağı"
  • "Yasaq edilmiş oyun, Gülməli kişinin axırı" (1988)
  • "Kütlə" (1999)
  • "Bir lotunun arvadı"
  • "Öpmə məni öpərəm səni"
  • "Sevişməyin cəzası"
  • "Görünməz dalğa"
  • "Dünyanın arşını" (1985)
  • "Yanvar hekayələri"

Filmoqrafiya

[redaktə | mənbəni redaktə et]
  1. Evlənmək istəyirəm (film, 1983)

İstinadlar

[redaktə | mənbəni redaktə et]
  1. ↑ 1 2 "Sabir Əhmədli" (Azərbaycan-dili). anl.az. 1 fevral 2019 tarixində arxivləşdirilib.
  2. ↑ "Azərbaycanın xalq yazıçısı Sabir Əhmədli vəfat edib". 2018-08-26 tarixində orijinalından arxivləşdirilib. İstifadə tarixi: 2018-08-28.