Salvia subg. Rosmarinus

Rozmarin (lat. Salvia subg. Rosmarinus) — bitkilər aləminin dalamazçiçəklilər dəstəsinin dalamazkimilər fəsiləsinin adaçayı cinsinə aid bitki növü.

Rozmarin
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Lamidlər Dəstə: Dalamazçiçəklilər Fəsilə: Dalamazkimilər Yarımfəsilə: Pişiknanəsikimilər Triba: Nanəkimilər Cins: Adaçayı Növ: Rozmarin
Beynəlxalq elmi adı
Salvia subg. Rosmarinus J.B.Walker, B.T.Drew & J.G.González, 2017
Şəklin VikiAnbarda axtarışı NCBI   39177

Həmişəyaşıl, çoxillik kol bitkisidir. Vətəni Aralıq dənizinin qərb sahilləridir. Azərbaycanda park və bağlarda dekorativ bitki kimi becərilir. Uzunmüddətli şaxtalarda bitkinin aşağı hissəsi məhv olur. Yarpaqları iynə şəklindədir. Açıq sahələrdə 2 m-ə qədər uzana bilər. Çiçəkləri bənövşəyi rəngdədir. Ətirli çiçəkləri var. Meyvələri fındıqcadır. Yazdan başlayaraq payızın axırlarına kimi çiçəkləyir. Az qulluq tələb edən bitkidir.

Günəş şüaları lazımdır. Temperatura tələbatı isə istisevən bitkilərə aiddir. Temperatur yayda 23-25 °C, qışda 10-13 °C-də (15 °C-dən yuxarı olmamalıdı) saxlanılmalıdır. Yayda eyvana qoymaq lazımdır. Suya orta tələbkardır. Quraqlığa davamlı koldur. Ağır və turş torpaqlarda yetişmir. Torpağa tələbkar deyil, şoran torpaqlarda da yetişir. Toxum, qələm və kolun bölünməsi ilə aparılır. 7,5 sm uzunluqda kəsilən qələmlər stimullaşdırıcıya qoyulur, torf və qum qarışığına əkilir və isti yerdə saxlanılır. Köklənmə 1 ay çəkir.