Sanna Marin

Sanna Mirella Marin (16 noyabr 1985^[1], Helsinki^[4]) — 10 dekabr 2019-cu ildən 2023-cü ilə qədər Finlandiyanın Baş naziri.

Sanna Marin
fin Sanna Marin
Finlandiya parlamentinin üzvü[d]
Vəzifədədir
22 aprel 2015-ci ildən
Finlandiyada bədəliyyə müşaviri[d] (Tampere)
2012 – 2015
Finlandiyanın Baş naziri[d]
10 dekabr 2019 – 20 iyun 2023
Əvvəlki	Antti Rinne[d]
Sonrakı	Petteri Orpo[d]
Finlandiya nəqliyyat və kommunikasiya naziri[d]
6 iyun 2019 – 10 dekabr 2019
Əvvəlki	Anu Vehvilainen[d]
Sonrakı	Timo Harakka[d]
Partiya rəhbəri[d] (Finlandiya Sosial Demokrat Partiyası[d])
23 avqust 2020 – 1 sentyabr 2023
Əvvəlki	Antti Rinne[d]
Sonrakı	Antti Lindtman[d]
Finlandiya parlamentinin üzvü[d]
17 aprel 2019 – 12 sentyabr 2023
Şəxsi məlumatlar
Doğum adı	Sanna Mirella Marin
Doğum tarixi	16 noyabr 1985(1985-11-16)[1] (38 yaş)
Doğum yeri	Helsinki, Finlandiya[4]
Partiya	Finlandiya Sosial Demokrat Partiyası[d]
Təhsili	Tampere Universiteti[d] (2007–2017), Suupanniitti məktəbi[d], Pirkkalan yhteislukio Silmu[d]
Fəaliyyəti	siyasətçi
Həyat yoldaşı	Markus Raikkönen[d] (2020–2023)[2]
Uşağı	1[3]
Elmi fəaliyyəti
Elm sahəsi	siyasət[5], yerli idarəetmə[d][5], sosial-demokratiya[5]
sannamarin.net
Vikianbarda əlaqəli mediafayllar

O, 2015-ci ildən Sosial Demokrat partiyasından Finlandiya Parlamentinin üzvü və 6 iyun 2019 – 10 dekabr 2019-cu il arasında Nəqliyyat və Rabitə Naziridir.^[6]

Antti Rinne baş nazir vəzifəsindən ayrıldıqdan sonra Finlandiya Sosial Demokrat Partiyası 8 dekabr 2019-cu ildə Marini yeni baş nazir vəzifəsinə namizəd seçdi.^[7][8] Parlament tərəfindən təsdiqləndikdən sonra, 34 yaşında Marin həm dünyanın ən gənc baş naziri, həm də Finlandiyanın ən gənc baş naziri oldu. O, həmçinin Mari Kiviniyemi və Anneli Yattenmyakidən sonra ölkəsinin üçüncü qadın baş naziridir.^[9][10][11]

Marin 16 noyabr 1985-ci ildə Helsinkidə^[12] anadan olub və Tampereya köçməzdən əvvəl Espoo və Pirkkalada yaşayıb.^[13]

Marin 2004-cü ildə 19 yaşında Pirkkala liseyini bitirib.^[14] 2017-ci ildə Tampere Universitetində inzibati elmlər magistri dərəcəsinə yiyələnib.^[6] Marin 2006-cı ildə Sosial Demokratik Gənclik partiyasına qoşulub və 2010-cu ildən 2012-ci ilə qədər birinci vitse-prezident vəzifəsində çalışmışdır.^[15][16]

Marin 2008-ci ildə Finlandiya bələdiyyə seçkilərində namizəd idi, lakin seçilmədi.^[15][17] 2012-ci ildən siyasətdə aktiv oldu.^[18] 2012-ci il seçkilərində, 27 yaşında Tampere Bələdiyyə Məclisinə seçildi, bu, siyasi karyerasında bir irəliləyiş anı idi.^[9][19] 2013-cü ildən 2017-ci ilə qədər Tampere Şəhər Şurasının sədri olub. 2017-ci ildə yenidən Şəhər Şurasına seçilib.^[20] O, həmçinin Tampere bölgəsi Məclisinin üzvüdür.^[6] 2013-cü ildən 2016-cı ilə qədər Pirkanmaa Regional Şurasının üzvü olub.^[12]

Marin 2014-cü ildə Sosial Demokrat Partiyası sədrinin ikinci müavini seçildi.^[6] 2015-ci ildə 30 yaşında Finlandiya Parlamentinə Pirkanmaa seçki dairəsindən millət vəkili seçildi.^[21][22] Dörd il sonra o, yenidən seçildi.^[23] 6 iyun 2019-cu ildə Marin, nəqliyyat və rabitə naziri oldu.^[6]

2019-cu ilin dekabrında Antti Rinnenin Finlandiyanın Baş naziri vəzifəsinə keçmək üçün Sosial Demokrat Partiyası tərəfindən namizəd göstərildi. Rinne, poçt tətilini idarə edərkən çox tənqid edildi, lakin ən azı 2020-ci ilin iyununda keçiriləcək bir qurultaya qədər partiyanın rəsmi lideri olaraq qalacaq.^[24][25] Sosial Demokrat Partiyasından namizədliyini verən Sanna Marin əsas rəqibinə 3 artıq səslə qalib gəlib. Onun rəqibi Antti Lindtmandan 29 səslə məğlub olub. Sanna Marin isə 32 səslə ölkənin baş naziri seçilib.^[26] Bildirilir ki, Sanna Marin kabinetdəki 18 nazirdən 12-nin qadınlardan ibarət olduğu beş partiya koalisiyasının yaratdığı hökuməti idarə edəcək.^[27][28]

Yeni seçilən baş nazir ətraf mühitin və təbiətin qorunması, qaz yanacaqlarından istifadə edən nəqliyyat vasitələrinin qadağan edilməsi yönündə fəailiyyəti ilə də tanınır. Qeyd edək ki, yeni seçilən gənc baş nazir Marin, Finlandiyanın NATO üzvlüyü mövzusunda da sərt fikirlər səsləndirirdi.^[26]

Marin özünü eyni cinsli valideynlərin (iki qadın) övladı olduğu üçün özünü göy qurşağı ailəsindən gəldiyini təsvir edir.^[29][30] O, eyni zamanda ailəsində yeganə uşaq idi və ailəsində universitetə gedən ilk şəxs idi.^[31]

Sanna Marin Markus Rayikkönen ilə ailəlidir. Bir qız övladı var.^[32][33][34]

• Finlandiya
• Sauli Niinistö
• Mari Kiviniyemi

• Sanna Marin  (ing.)
• No photo available. Represent Sanna Marin? Add or change photos at IMDbPro SEE RANK Sanna Marin  (ing.)
• Baş nazir seçilən 34 yaşlı qadın dünyanın gündəmində…

Vikianbarda Sanna Marin ilə əlaqəli mediafayllar var.

Vikisitatda Sanna Marin ilə əlaqədar sitatlar var.