Sebastien İzambard

Sebastien İzambard (7 mart, 1973, Paris, Fransa) fransız pop müğənni və İl Divo qrupunun üzvü.

Sebastien İzambard
Sébastien Izambard
Sebastien İzambard
Ümumi məlumatlar
Doğum tarixi	7 mart 1973 (51 yaş)
Doğum yeri	Paris, Fransa
Milliyyəti	Fransa
Musiqiçi məlumatları
Fəaliyyəti	Müğənni aktyor
Fəaliyyət illəri	2000-davam edir
Janr	operatik pop
Musiqi alətləri	Piano, Gitara
Səs tembri	tenor
Albom şirkəti	Sony BMG
Əlaqəsi	İl Divo
Üzvlüyü	İL Divo
Vikianbarda əlaqəli mediafayllar

Sebastien İzambard 7 mart 1973-cü ildə Parisdə kasıb ailədə dünyaya gəlmişdir. Atası İzambardın altı yaşı olanda anasını, İzambardın özünü və nənəsini evdə yalnız buraxıb qaçmışdı. Kasıbçılıq içində olduqlarından İzambard bir dəfə mağazadan yemiş oğurlamış və anasına aparmışdı. Anası isə onun yemişi oğurladığını öyrəndikdə İzambardın geri qayıdıb mağaza sahibindən üzr istəməsini tələb etmişdi. İzambard böyüdükcə musiqiyə olan sevgisi artırdı.

O ilk dəfə Fransada pop musiqiçi kimi fəaliyyətə başlamışdır, ilk olaraq Libre adlı albomu işıq üzü görmüşdü. Si Tu Savais adlı musiqisi isə Fransada ən çox dinlənilən mahnılar arasında birinci yerdə qərarlaşmışdı. Oxumaqdan əlavə İzambard həm bəstəkardı, həmçinin piano və gitarada çalmağı bacarır.

Əsas məqalə: İl Divo

2003-cü ilin dekabrında o dörd kişi müğənnidən ibarət beynəlxalq İl Divo qrupuna qoşuldu. Qrupda ondan başqa ispaniyalı bariton Karlos Marin, amerikalı tenor David Miller və isveçrəli tenor Urs Büler yer alırlar.

İl Divo qrupunun nəzdində iki arzusunun olduğunu qeyd etmişdi: dördlük üçün musiqi bəstələmək və fransızca oxumaq. Belə ki, qrupun Ankora adlı ikinci albomunda iki musiqi məhz fransız dilində səslənir: "Je Crois en toi" və "Pour Que Tu M’Aimes Encore".

Qrupun ilk albomu İl Divo adlanır. Albom 2004-cü ilin noyabrında işıq üzü gördü və bir ildən də az bir vaxtda beş milyondan çox satış həyata keçirildi. İkinci albom - Ankora 7 noyabr 2005-ci ildə Birləşmiş Krallıqda, üçüncü albom Siempre isə 21 noyabr 2006-cı ildə ABŞ-də, 27 noyabr 2006-cı ildə isə beynəlxalq satışa çıxarıldı.

Sebastien İzambard 2005-ci ildə Avstraliyada turda olarkən tanış olduğu Renee Merfi ilə evlidir. 20 mart 2008-ci ildə onların Luka və Rouz adlı əkizləri dünyaya gəlmişdir. 23 may 2011-ci ildə isə onların üçüncü övladı Cud dünyaya göz açıb.

2000 - Libre

2004 - Il Divo

2005 - Ancora

2006 - Siempre

2008 - The Promise

2011 - Wicked Game

2013 - A Musical Affair

2015 - Amor & Pasión