Seyfulla Əsədullayev

Seyfulla Qüdrət oğlu Əsədullayev (19 iyun 1924, Ərçivan – 28 iyul 2011, Bakı) — ədəbiyyatşünas, əməkdar elm xadimi.

Seyfulla Əsədullayev
tal. Әсәдуллајев Сејфулла Ғодрәти зоә
Doğum tarixi	19 iyun 1924(1924-06-19)
Doğum yeri	Ərçivan, Azərbaycan
Vəfat tarixi	28 iyul 2011(2011-07-28) (87 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı
Təhsili	Azərbaycan Dövlət Müəllimlər İnstitutu (–1949), Azərbaycan Dövlət Pedaqoji İnstitutu (–1951), Moskva Dövlət Universiteti
Fəaliyyəti	ədəbiyyatşünas, yazıçı, pedaqoq
Əsərlərinin dili	talış dili, Azərbaycan dili, rus dili
Üzvlüyü	Azərbaycan Yazıçılar Birliyi
Mükafatları

Seyfulla Qüdrət oğlu Əsədullayev 1924-cü ildə anadan olmuşdur. 1942–1945-ci illərdə Böyük Vətən müharibəsində iştirak etmişdir.^[1] 1947–1949-cu illərdə Bakı Slavyan Universitetində təhsil almışdır. 1951-ci ildə ADPU-nu fərqlənmə diplomu ilə bitirmişdir. 1956–1959-cu illərdə M. V. Lomonosov adına Moskva Dövlət Universitetində Filologiya fakültəsinin Rus sovet ədəbiyyatı tarixi kafedrasının aspirantı olmuşdur. 1959–1966-cı illərdə Azərbaycan Dillər İnstitutunda müəllim, baş müəllim, dosent, dekan müavini, fakültə dekanı vəzifələrində çalışmışdır.

1959-cu ildə namizədlik, 1970-ci ildə doktorluq dissertasiyası müdafiə etmişdir. 1971-ci ildə professor elmi adı almışdır.

1966-cı ildən BDU-da kafedra müdiri vəzifəsində işləmişdir (Rus ədəbiyyatı tarixi kafedrası (1967–1984); Müasir rus ədəbiyyatı kafedrası (1984–2011). Azərbaycan Yazıçılar Birliyinin, Beynəlxalq Ədəbi Tənqidçilər İttifaqının üzvü olmuşdur.

O, rus ədəbiyyatı, ədəbiyyat nəzəriyyəsi və rus-Azərbaycan ədəbi əlaqələrini tədqiq etmişdir.

20 monoqrafiya, 2 kitab və 500-dən artıq ədəbi-tənqidi məqalənin müəllifidir. Rəhbərliyi ilə 26 elmlər namizədi, 11 elmlər doktoru hazırlanmışdır.

Əməkdar elm xadimi adına və "Şöhrət" ordeninə layiq görülmüşdür.