Silvestr Stallone

Bu məqalədə çoxsaylı problemlər mövcuddur. Zəhmət olmasa, səhifəni redaktə edərək və ya mövcud problemləri müzakirə səhifəsində diskussiya edərək həll edin. Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz. Bu məqalənin mətnini Azərbaycan dilinə uyğunlaşdırmaq lazımdır. Məqalədə cümlə quruluşlarındakı yanlışlıqları və orfoqrafik səhvləri düzəltdikdən sonra {{Azərbaycanca deyil}} şablonunu silməyi unutmayın. (iyul 2024) (Learn how and when to remove this template message)

Silvestr Qardensio Stallone (ing. Silvestr Stallone; 6 iyul 1946^[1][2][…], Hells Kitçen^[d], Manhetten, Nyu-York, Nyu-York ştatı, ABŞ^[3]) — ABŞ aktyoru və filmmeykeri. Rokki və Rembo rollarının ifaçısıdır. O, 1977-ci ildə ekranlara çıxan "Rokki" filmindəki roluna görə "Oskar" mükafatına namizəd göstərilib. 2016-cı ildə çəkilən "Krid" filmində Robert "Rokki" Balboa obrazını yenidən canlandırıb. Bu ifasına görə "Qızıl Qlobus" mükafatına layiq görülüb.

Silvestr Stallone
ing. Sylvester Stallone
Doğum adı	Sylvester Gardenzio Stallone
Doğum tarixi	6 iyul 1946(1946-07-06)[1][2][…] (78 yaş)
Doğum yeri	Hells Kitçen[d], Manhetten, Nyu-York, Nyu-York ştatı, ABŞ[3]
Fəaliyyəti	kino aktyoru, kinorejissor, ssenarist, film prodüseri
Fəaliyyət illəri	1968-ci ildən
Təhsili	Mayami Universiteti
Boyu	1,77 m
Mükafatları
IMDb	ID0000216
sylvesterstallone.com
Vikianbarda əlaqəli mediafayllar

Silvestr Stallone 1946-cı il iyul ayının 6-sı ABŞ-nin Nyu-York ştatının Nyu-York şəhərində yerləşən Manhetten borosundakı Hells Kitçen məhəlləsində anadan olub. Onun atası ABŞ-yə köçmüş italiyalı immiqrant Frenk-Stallone-böyük (ing. Frank Stallone, Sr., 1919–2011^[4]) bərbər vəzifəsində çalışmış, anası Jaklin Stallone (Jaklin Leybofiş) isə əslən Ukrayna yəhudisi olan astroloq, rəqqas və boks təbliğatçısı olmuşdur.^[5] Anasının doğuşu ağır keçmiş və həkimlər yanlışlıqla Stallonenin sinirlərini zədələmişdir. Onun dodaqları, dili və çənəsi iflic olmuşdur. Öz sözlərinə əsasən uşaqlığı elə də xoşbəxt keçməyib. Üzü ilə baş vermiş problemlər sonradan onun bir növ vizit kartına çevrilmişdir Valideynləri həm Silvestrə həm də onun qardaşı Frank Stallone-kiçikə qarşı çox laqeyd idilər. Valideynləri 1957-ci ildə boşandıqdan sonra 11 yaşlı Silvestr öz atası ilə qaldı. Davranışla bağlı problemləri olduğu üçün tez-tez oxuduğu məktəblərdən xaric edilirdi. Onun qiymətləri olduqca pis idi və o tez-tez sinif yoldaşları tərəfindən ələ salınırdı.

Uşaqlıq illərində o öz fantaziyalarında özünü super qəhrəman kimi canlandırırdı. 15 yaşında Stallone Filadelfiyaya, anası və onun yeni ərinin yanına köçür. Bu vaxtlar o ağırlıq qaldırma ilə məşğul olur və emosional pozğunluqları olan uşaqlar üçün nəzərdə tutulmuş "Deveraux High School" məktəbində təhsil alır. Burada o həmçinin qılınc oynatma, futbol və disk atma kimi idman növləri ilə məşğul olur və məktəb pyeslərində rol alır. Məktəbi bitirdikdən sonra Stallone İsveçrənin Amerika kollecində atletik təqaüdü qazanır. Burada o qızların atletika üzrə məşqçisi olur və məktəb tərəfindən təşkil edilən Artur Millerin "Satıcının ölümü" adlı əsərində baş rolda çıxış edir. ABŞ-yə qayıtdıqdan sonra, Mayami Universitetində təhsil almış və 1969-cu ildə Nyu-Yorka köç etmişdir.

İlk öncələr Stallone bir sıra aşağı səviyyəli teatrlarda rollar qazanırdı. Gənc yaşlarında hətta bir sıra yumşaq pornofilmlərdə də çəkilmişdi. 1971-ci ildə Stallone Vudi Allenin "Bananas" filmində rol alır. Amma 1971-ci ildə ona müraciət etdiyi "Xaç atası" filmində rol vermirlər. 1973-cü ildə "No Place to Hide" filmində baş rola çəkilir. 1974-cü ildə aktrisa Saşa Çak ilə ailə həyatı qurur və Kaliforniyaya köçür. 1974-cü ildə "The Lords of Flatbush" filmində rol alaraq uğur qazanır. "Rokki" filmi üçün yazdığı ssenari dərhal aparıcı film studiyalarının fikrini cəlb edir. 1976-cı ildə çəkilmiş "Rokki" filmi bir neçə kateqoriyada Oskar mükafatına layiq görülür.

Stallone artıq Hollivudun "A" kateqoriyalı aktyorları arasına düşmüşdü. O 4 ədəd əlavə "Rokki", "Rembo" və "F.I.S.T." filmlərinin ssenarilərini qələmə almış və onlarda çəkilmişdi. Rejissor debütünü isə "Paradise Alley" adlı əsəri ilə etmişdi. Bundan başqa o, başqa rejissorlar tərəfindən çəkilən "Demolition Man", "Hakim Dredd" və "Cop Land" filmlərində rol almış və hətta yaşlanmış şerifi təsvir etmək üçün 30 fut kökəlmişdi. Stallonenin "Stop! Or My Mom Will Shoot" və "Oscar" kimi filmləri uğurluluq və gəlirlilik cəhətdən müvəfəqiyyətsiz olublar. 1998-ci ildə baş qəhrəmanlarından birini səsləndirdiyi "Antz" cizgi filmi olduqca böyük uğur qazanır.

Silvestr Stallone üç dəfə ailə həyatı qurub. Onun ilk evliliyindən iki oğlu, üçüncü evliliyindən isə üç qızı dünyaya gəlib. İlk həyat yoldaşı olan Saşadan iki oğlu Sage və Seargeoh doğulub. 1979-cu il təvəllüdlü oğlu Searhgeoh-ə autizm diaqnozu qoyulmuşdur. 1985-ci ildə Stallone Saşa ilə boşanır və Brigitt Nilsenlə ailə həyatı qurur. Bu evlilik 1987-ci ilə qədər davam edir.

1997-ci ildə isə Ceniffer Flavinlə ailə həyatı qurur və cütlüyün üç qızı dünyaya göz açır.

Stallonenin oğlu Sage Moonblood Stallone 2012-ci ildə 36 yaşında olarkən ürək xəstəliyindən vəfat etmişdir.

Vikianbarda Silvestr Stallone ilə əlaqəli mediafayllar var.

• Rəsmi saytı