Siyavuş Qurbanov
 | Bu məqalədə heç bir məlumatın mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
Qurbanov Siyavuş Sabir oğlu (1966, Aydıngün, Salyan rayonu – 1993, Tap Qaraqoyunlu, Goranboy rayonu) — şəhid.
| Siyavuş | |
|---|---|
 | |
| Şəxsi məlumatlar | |
| Doğum tarixi | 22 İyul 1966 |
| Doğum yeri | Azərbaycan |
| Vəfat tarixi | 29 İyul 1993 |
| Vəfat yeri | Goranboy, Tapqaraqoyunlu |
| Vəfat səbəbi | 1-ci Qarabağ müharibəsində şəhid olmuşdur |
| Dəfn yeri | Salyan rayonu, Qaraçala qəsəbə Şəhidlər xiyabanı |
| Dəfn tarixi | 30.07.1993 |
| Vətəndaşlığı | Azərbaycan |
| Milliyyəti | azərbaycanlı |
| Uşağı | Qurbanlı Sənubər |
| Hərbi fəaliyyəti | |
| Qoşun növü |
Hərbi dəniz donanması Piyada qoşunları |
| Xidmət illəri |
Oktyabr 1984 - Oktyabr 1986 Mart 1993 - İyul 1993 |
| Döyüşlər | 1-ci Qarabağ müharibəsi |
Həyatı[redaktə | mənbəni redaktə et]
Qurbanov Siyavuş Sabir oğlu 1966-cı ildə Salyan rayonu Aydıngün kəndində (indiki Yeni Uluxanlı kəndi(https://goo.gl/maps/jduVyAW15oyJxRQL9)) 6 uşaqlı ailənin 5-ci övladı olaraq dünyaya gəlmişdir. 1972-ci ildə Salyan rayon Aydıngün kənd orta məktəbində I sinfə başlamışdır. Məktəbdə oxuyarkən həm dərslərindəki nailiyyətləri ilə, həm də müsbət davranışı ilə fərqlənmişdir. İdmana böyük həvəsi olan Siyavuş, məktəbdə oxuyarkən futbolla da məşğul olurdu. Dəfələrlə futbol üzrə yarışlarda fərqlənmə diplomu almışdır. O, həmçinin nağara alətində ifa etməyi çox sevmiş və hobbi olaraq onunla da məşğul olmuşdur.
Təhsili[redaktə | mənbəni redaktə et]
10-cu sinfi başa vurduqdan sonra Bakı şəhərində Neft-kimya texnikomunun "Qaldırıcı qurğular üzrə mühəndis" ixtisasasına qəbul olmuşdur. Təhsilini başa vurmağa 6 ay qalmış hərbi xidmətə yollanmışdır. Hərbi xidməti Rusiyada Murmanks şəhərində Hərbi dəniz donanmasında keçmişdir. Hərbi xidməti bitirdikdən sonra təhsilini başa vurmaq üçün texnikoma qayıtmışdır. Təhsilini bitirdikdən sonra öz ixtisası üzrə Rusiyanın Tümen şəhərinə təyinat almış və 2 ilə yaxın işlədikdən sonra Azərbaycana qayıtmışdır. Bu dəfə yenə təyinat alan Siyavuş Qurbanov Rusiyanın Penza şəhərinə yollanır və orada çalışarkən gələcək həyat yoldaşı ilə tanış olur. Onlar hər ikisi Penza şəhərində Politexnik İnstitutuna qəbul olurlar. Bir müddət sonra Rusiyada başlayan daxili çaxnaşmalar səbəbilə Azərbaycana qayıdırlar
Döyüşlərdə iştirakı[redaktə | mənbəni redaktə et]
İlk hərbi xidmətini 1984–1986-cı illərdə Rusiyanın Murmansk şəhərində hərbi dəniz donanmasında başa vurmuşdur. Daha sonra 1993-cü ilin mart ayında 1-ci Qarabağ müharibəsi zamanı Vətəni qorumaq üçün könüllü olaraq — Kəlbəcərə yollanan Siyavuş Qurbanov, 1993-cü ilin iyul ayında Goranboyda (Tapqaraqoyunlu) qızğın döyüşlər zamanı aldığı qəlpə yarasından şəhid olmuş və Salyan rayonu Qaraçala qəsəbə Şəhidlər xiyabanında dəfn olunmuşdur. Yaşadığı kənddən ilk şəhid olduğu üçün ilk dəfə 1995-ci ildə köhnə məktəbə, daha sonra isə həmin kəndin yeni tikilən məktəbinə şəhid Siyavuş Qurbanovun (Siyavuş Qurbanov adına Yeni Uluxanlı kənd tam orta məktəbi) adı verilmişdir. Həmçinin, kəndin küçələrindən birinə də onun adı verilmişdir.
Xatirəsi[redaktə | mənbəni redaktə et]
Şəhid, https://az.wikipedia.org/wiki/Qara%C3%A7ala Salyan rayon Qaraçala qəsəbəsində yerləşən Şəhidlər Xiyabanında dəfn olunmuşdur. Salyan rayon Yeni Uluxanlı kənd məktəbi(https://www.facebook.com/profile.php?id=100089286862545) Şəhidin adını daşıyır. Evli idi. Ondan yadigar, qızı, Qurbanlı Sənubər qalmışdır.