Slovakiya coğrafiyası

Slovakiya — əsasən dağlıq ərazilərdən ibarət olan ölkə. Mərkəzi Avropa yerləşən və dənizlərə çıxışı olmayan dövlət.

Slovakiyanın.[1] sahəsi 49 035 km², sərhədlərinin ümumi uzunluğu isə 1 474 km təşkil edir. Sahəsinə görə dünyada 128-ci sıradadır. Ərazisinin 98,1 % quru, 1,9 % su sahələri təşkil edir. Qonşu dövlətlərlə sərhədləri:Avstriya 91 km, Çexiya 197 km, Macarıstan — 676 km, Polşa 420 km, Ukrayna — 90 km.[2]

Relyef

[redaktə | mənbəni redaktə et]
Slovakiya relyefi

Relyefi əsasən dağlıqdır. Ərazisinin böyük hissəsini Karpat dağları tutur. Karpat dağlarının ən hündür hissəsi ölkənin şimalında yerləşir və Tatra adlanır. Nisbətən düzənlik sahələr əsasən ölkənin cənub-qərb və cənub-şərq hissəsində Dunay çayı hövzəsi ərazilərdə yerləşir. Karpat dağlarının və Slovakiyanın ən hündür nöqtəsi Gerlaxovski Ştit dağıdır (Gerlachovský štit). Hündürlüyü 2655 m təşkil edir. Ölkənin ən alçaq nöqtəsi Bodroq çayı hövzəsidir ki, hündürküyü 94 metrdir. 48.845 km² ərazinin 31% əkin torpaqları, 17% otlaqlar, 41% meşələr təşkil edir. Yerdə qalan 8% isə qayalı dağ silsilələri və digər yararsız torpaqlardır.

İqlimi

[redaktə | mənbəni redaktə et]

İqlimi mülayimdir. Yayı isti, qışı soyuq və rütubətli keçir.[3]

Nəqliyyat

[redaktə | mənbəni redaktə et]

2000-ci ilə olan məlumata görə Slovakiya yol şəbəkəsi 42.696 km-dir. 3.341 km birinci sinif yollar, 3.734 km ikinci sinif yollar, 10.401 km üçüncü sinif yollar və 25.220 km yerli yollardan ibarətdir. Dəmir yollar şəbəkəsi 3,512 km təşkil edir. Əsas su nəqliyyatı 172 km naviqasiyaya malik Tuna çayıdır. Digər naviqasiya çaylar: Vah və Bodroq. Əsas çay limanları Bratislava və Komarnodur.

Əhali

[redaktə | mənbəni redaktə et]

2006-cı ilə olan məlumata görə Slovakiyada 5.391.000 nəfər yaşayır. Əhalinin 85 % slovak, 9,7% macar, 1,7% rumın, 0,8% çex, 0,4% rus, 0,2% ukraynalıdır. Ölkədə orta sıxlıq hər km² 110 nəfər düşür.

İqtisadiyyat

[redaktə | mənbəni redaktə et]

Neft və qaza olan tələbatını idxal hesabına ödəyir. Atom stansiyaları enerjiyə olan təlabatın 55, 7 % ödəyir. Su elektrik stansiyaları 13,9%, daş kömür 10,9%, təbii qaz, 7,9% neft isə 2,4% təmin edir. Kənd təsərrüfatı [ redaktə ]

Əsas bitkilər buğda, arpa, qarğıdalı, şəkər çuğunduru və kartofdur. Üzümçülük geniş əraziləri əhatə edir. Donuz, mal-qara və qoyun maldarlığın əsas sahələridir.Slovakiya 19-cu əsrdə qismən sənayeləşmiş, lakin 20-ci əsrin ikinci yarısında isə tam sənayeləşmiş ölkəyə çevrilmişdir. Kommunist hökuməti ağır və silah sənayesini inkişaf etdirmişdir. 1993-cü ildə Çexoslovakiyaya olan məxməri inqilab və müstəqillikdən sonra sənaye bir qədər zəifləmişdir.

İstinadlar

[redaktə | mənbəni redaktə et]
  1. ↑ "bedekr.cz". 2020-11-27 tarixində orijinalından arxivləşdirilib. İstifadə tarixi: 2016-04-18.
  2. ↑ Slovakia Arxivləşdirilib 2020-04-07 at the Wayback Machine — CIA World Factbook
  3. ↑ Votruba, Martin. "Slovakia's Weather". Slovak Studies Program. University of Pittsburgh. 2012-03-19 tarixində arxivləşdirilib. İstifadə tarixi: 2010-06-11.

Mənbə

[redaktə | mənbəni redaktə et]