Türk dünyası coğrafiyası

Türk dünyası coğrafiyası - AMEA akademik H.Ə.Əliyev adına Coğrafiya İnstitutunun nəşri olan “Türk dünyasının coğrafiyası və etnosu”nun I cildi

Türk dünyası coğrafiyası
Türk dünyası coğrafiyası
Müəllif	Akif Əlizadə
Orijinalın dili	Azərbaycanca
Ölkələr	Azərbaycan
Cild	I cild
Səhifə	386

İdeya müəllifi[redaktə | mənbəni redaktə et]

Əsərin ideya müəllifi və məsləhətçisi AMEA-nın prezidenti, akademik Akif Əlizadə, elmi redaktorları akademiklər R.M.Məmmədov və N.Q.Cəfərov, buraxılışına məsul dosent Məhərrəm Həsənovdur. “Türk dünyasının coğrafiyası və etnosu” təkcə Azərbaycanda deyil, bütün Türk dünyası ölkələrində ilk dəfədir ki, belə böyük həcmdə çap edilir.

I cild[redaktə | mənbəni redaktə et]

Fiziki coğrafiya cildi 386 səhifədən ibarət olub təqribən 11 milyon kvadrat metrdən artıq bir ərazinin fiziki coğrafi xüsusiyyətlərinə həsr edilmişdir. Burada Türk dünyasının coğrafi mövqeyi, bəşər sivilizasiyasında çox böyük rolu olan, dünya tarixinin, mədəniyyətinin, ədəbiyyatının, coğrafi biliklərin, folklorunun, elminin formalaşmasında xüsusi yeri olan böyük bir toplumun özünəməxsus xüsusiyyətləri coğrafi baxımdan araşdırılır və ümumiləşdirilir.

Kitabın fəsilləri[redaktə | mənbəni redaktə et]

Fəsillər Türk dünyasının vahid bir coğrafi məkan kimi relyefinin, geoloji quruluşunun, iqliminin, hidrologiyasının, torpaq və bitki örtüyünün, landşaft xüsusiyyətlərinin, ekoloji problemlərinin öyrənilməsinə həsr edilmişdir. Elmi məlumatlarla çox zəngin olan bu kitabda çoxlu sayda xəritələrdən, fotoşəkillərdən, qrafıklərdən istifadə edilmişdir ki, bu da onu daha da oxunaqlı edir. Əsər Türk dünyası ölkələri ilə maraqlanan geniş oxucu kütləsi, dövlət idarəçiliyi təşkilatlarının mütəxəssisləri, müvafiq ali məktəblərin professor-müəllim heyəti, bakalavr və magistr təhsil pillələri, doktorantlar, ayrı-ayrı türk dövlətlərinə səfər etmək istəyən turistlər, həmin ölkələrin turist səyahətlərini təşkil edən turizm şirkətləri üçün böyük elmi mənbə rolunu oynayacaqdır.^[1]

Həmçinin bax[redaktə | mənbəni redaktə et]

• Coğrafiya
• AMEA Coğrafiya İnstitutu

İstinadlar[redaktə | mənbəni redaktə et]