Təvəkkül Məmmədov

Təvəkkül Yaqub oğlu Məmmədov (1940, Yarımca) — Sumqayıt Şəhər İcra Hakimiyyətinin sabiq başçısı.

Təvəkkül Məmmədov
Sumqayıt Şəhər İcra Hakimiyyətinin başçısı
28 iyun 2000 – 2 aprel 2003
Əvvəlki	Şakir Abuşov
Sonrakı	Vaqif Əliyev
Şəxsi məlumatlar
Doğum tarixi	1940
Doğum yeri	Yarımca
Partiya	Sovet İttifaqı Kommunist Partiyası (1963–)
Təhsili	Azərbaycan Dövlət Neft və Sənaye Universiteti
Fəaliyyəti	siyasətçi

1940-cı ildə Naxçıvan Muxtar Respublikasının Babək rayonunun Yarımça kəndində anadan olub. Azərbaycan Neft və Kimya İnstitunu və Ali partiya məktəbini bitirib. Bakıda "Zaqfederasiya" gəmi təmiri zavodunda işləyib. Sumqayıt Polimer tikinti materaialları kombinatında növbə rəisliyindən direktor vəzifəsinə kimi yüksəlib. 1976-cı ildən 1981-ci ilədək kombinata rəhbərlik edib.

1981-ci ildə Sumqayıt Şəhər Xalq Deputatları Sovetinin İcraiyyə Komitəsinin sədrinin birinci müavini vəzifəsinə irəli çəkilib. 1982-ci ilin iyun ayında İcraiyyə Komitəsinin sədri seçilib. Bu vəzifədə 1988-ci ilədək çalışır. Sonra 3 saylı evtikmə kombinatının və Məişət kimyası zavodunun direktoru olub. 1995-ci ildən 2000-ci ilə kimi "Azərkimya" Dövlət Şirkətinin birinci vitse-prezidenti işləyib. Dəfələrlə Sumqayıt Şəhər Xalq Deputatları Sovetinin və Azərbaycan SSR Ali Sovetin deputatı olub.^[1]