Tural Məmmədli (aparıcı)
Tural Telman oğlu Məmmədli (27 iyun 1990, Bakı, Azərbaycan SSR) — azərbaycanlı futbol şərhçisi, jurnalist, televiziya aparıcısı.
| Tural Məmmədli | |
|---|---|
| Tural Telman oğlu Məmmədli | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ → Azərbaycan |
| Milliyyəti | azərbaycanlı |
| İxtisası | jurnalistika |
| Təhsili | Bakı Dövlət Universiteti |
| Fəaliyyət illəri | 2013 – h. h. |
| Tanınır | futbol şərhçisi, televiziya aparıcısı, jurnalist |
Həyatı[redaktə | mənbəni redaktə et]
Tural Məmmədli 27 iyun 1990-cı il Bakı şəhərində anadan olmuşdur. 1996–2007-ci illərdə Bakı şəhərində 20 saylı məktəb-liseydə təhsil alıb. 2007–2011ci illərdə Bakı Dövlət Universitetinin Jurnalistika fakültəsində bakalavr təhsilini başa vurub.
Karyerası[redaktə | mənbəni redaktə et]
2013-cü ildən "İdman TV" telekanalında futbol şərhçisi və xəbər aparıcısı kimi fəaliyyətə başlayıb. Futbol üzrə 2014–2018-ci il dünya çempionatları, 2016–2020-ci il Avropa çempionatları, 2016-cı il Rio Olimpiadası, 2015–2019-cu illərdə Avropa Oyunları, 2017-ci ildə İslam Həmrəyliyi Oyunları, o cümlədən UEFA Çempionlar Liqası və Avroliqa turnirlərinin şərhçisi olub. Müxtəlif vaxtlarda, "Flaqman", "Avropadan futbol", "Peloton" kimi idman proqramlarının aparıcı olub. Azərbaycanda Türkiyə futboluna həsr olunan ilk veriliş "Ay-Ulduzlu Liqa" proqramının həm layihə rəhbəri, həm də aparıcısıdır. 2016-ci ildən 2018-ci ilə kimi "Azərbaycan" televiziyasında yayımlanan "Səhər" analitik-informasiya proqramının aparıcısı olub. 2020-ci ildən etibarən "Azərbaycan" televiziyasında "Aztv-Xəbər"in də aparıcı kimi fəaliyyətə başlayıb. Aparıcısı olduğu proqramlar içində "AzTV"də yayımlanan "Yüksələn Bakı" layihəsi də var. Bundan başqa, Azərbaycanın youtube kanalı "CVN TV"də "Üz-Üzə", "Qabağından yemə", layihələrinin müəlllifi, "Məşhurlar Liqası" proyektinin şərhçisi kimi çalışıb. Hazırda da həm "Azərbaycan" televiziyası, "İdman TV" və "CVN TV"də idman şərhçisi, xəbər və müxtəlif proqramların aparıcısı və müəllifi kimi fəaliyyətini davam etdirir.