VI Məhəmməd

Məhəmməd VI bən Əl-Həsən (ərəb. الملك محمد السادس للمغرب‎‎‎; 21 avqust 1963^[1][2][…], Rabat) — 1999-cu ildən Mərakeşin kralı.

VI Məhəmməd
ərəb. محمد السادس بن الحسن/ Mohammed VI ibn hassan‎
Mərakeş kralı
Vəzifədədir
23 iyul 1999-cu ildən
Şəxsi məlumatlar
Doğum tarixi	21 avqust 1963 (61 yaş)
Doğum yeri	Rabat, Mərakeş
Fəaliyyəti	Kral, monarx, siyasətçi, hərbi lider[d]
Həyat yoldaşı	Lalla Salma
Ailəsi	Ələvilər sülaləsi
Dini	Müsəlman
Vikianbarda əlaqəli mediafayllar

Məhəmməd VI bən Əl-Xəsən 21 avqust 1963-cü ildə Mərakeşin paytaxtı Rabat şəhərində anadan olmuşdur. Ələvilər sülaləsinə aiddir. 2002-ci ilin martında 24 yaşlı İT mütəxəssisi Lalla Salma adlı xanımla evlənib. 2018-ci ildə onlar boşandılar, cütlüyün yollarının ayrılmasına nəyin səbəb olduğu bilinmir.^[3]

Mərakeş kralı II Həsənin böyük oğludur. Ailədə ikinci uşaqdır. 1999-cu ildə atasının ölümündən sonra Məhəmmədin inauqurasiyası keçirilib və orada onu əhaliyə iqtisadiyyatı inkişaf etdirəcəyi vədlərinə görə “yoxsulların kralı” kimi təqdim ediblər. Ələvilər sülaləsinin 18-ci kralıdır. Ələvilər sülaləsi 1666-cı ildən başlayaraq Mərakeşin hakimiyyətini öz əllərində saxlayırlar.

VI Məhəmməd 2,5 milyard dollarlıq sərvəti ilə dünyanın ən varlı monarxlarından biri hesab olunur və iqtisadiyyatın bütün aparıcı sahələrini öz əlində cəmləşdirib. Onun qarajında “Maybach”, “Aston Martin”, “Ferrari” və onlarla digər dəbdəbəli və tuninq avtomobillər var. Dəyəri 1,2 milyon dollar olan brilyantlarla bəzədilmiş ağ qızıldan saat taxan monarx 12 sarayın saxlanmasına külli miqdarda pul xərcləyir, üç ulduzlu “Mişlen” restoranlarda şam edir, xarici səfərlərə 300 nəfərin müşayiəti ilə gedir. Monarxın özünün xərcləri Mərakeş vergi ödəyicilərinə ildə 353 milyon dollara başa gəlir ki, bu da Britaniya kraliçası II Yelizavetanın xərclərindən 18 dəfə çoxdur.^[3]