Vadim Xlupyanets

Vadim Vasiloviç Xlupyanets (ukr. Вадим Васильович Хлуп'янець;4 iyun 1996, Donetsk – 15 noyabr 2022, Baxmut^[d], Donetsk vilayəti) — Kiyev Milli Akademik Operetta Teatrında ukraynalı balet artisti və Rusiya-Ukrayna müharibəsinin iştirakçısı. O, Rusiyanın Ukraynaya hücumu zamanı həlak olub.^[1][2][3]

Xlupyanets 4 iyun 1996-cı ildə Donetskdə anadan olub və 91 saylı məktəbdə təhsil alıb.^[2] Donetskin separatçı qüvvələr tərəfindən işğalından sonra onun ailəsi Jitomir vilayətinin Naroditski rayonunun Starıy Doroxin kəndindəki qohumlarının yanına köçüb. O, 2014-cü il iyunun 16-dan mühacir kimi Naroditski qəsəbəsində yaşayıb.^[4][5]

O, Kiyev Xoreoqrafiya Texnikumunu bitirib.^[6] 2015-ci ildə Kiyev Milli Akademik Operetta Teatrında balet artisti kimi işə başlayıb. O, həmçinin idmanla, o cümlədən futbol və şahmatla məşğul olub, teatrın idman həyatında fəal iştirak edib. 2017-ci ildə o, Kiyevdə teatr komandaları arasında keçirilən mini-futbol turnirində ən yaxşı bombardir kimi tanınıb.^[7] Hip-hop musiqisi onun hobbilərindən biri idi.^[2]

Ukraynaya edilən hücumun əvvəlində o, Ukrayna Silahlı Qüvvələri sıralarına qoşulub. Daha sonra isə milli qvardiyanın "Svoboda legion" döyüş bölməsində könüllü olaraq cəbhə bölgələrinə gedib. Maqnumun çağırışı ilə Rubijne, Sievierodonetsk, Lisiçansk və Zaitsevedə oldu.^[2]

Xlupyanets 15 noyabr 2022-ci ildə Baxmut yaxınlığında snayper gülləsindən ölür, ilkin olaraq onun ölüm tarixi 13 noyabr olaraq qeyd edilsə də, sonradan tarix dəqiqləşdirildi.^{[8][9][10][11][12][13][14][15][16]}

Xlupyanetslə vida mərasimi noyabrın 24-də Kiyev Milli Akademik Operetta Teatrının binasında, Vadimin məşq etdiyi, lakin tamaşaçı önündə çıxışının baş tutmadığı italiyalı Matteo Spiazzinin rejissoru olduğu "Balo" tamaşasının premyerası günü baş tutdu (Kollektivin Vadimə həsr etdiyi ilk premyera tamaşası). Mərasimdə mərhumun yaxınları, həmkarları , hərbçilər və sıravi vətəndaşlar da iştirak edib.^[17]

Onun qalıqları Jitomir vilayətinin Starıy Doroxin kəndində dəfn edilib.

Kiyev Milli Akademik Operetta Teatrının balet artisti kimi o, aşağıdakı tamaşalarda iştirak edib:

• İki dovşandan sonra
• Karmen
• İhor Poklandın Belə yəhudi xoşbəxtliyi ndə, rejisssor; Serhi Simian
• 2018 — Damdakı skripkaçı, bəstəkar; C. Bok, rejisssor; Bohdan Strutinski
• 2018 — Mariya Matiosun Moskalitsa sında, rejisssor; Vlada Belozorenko
• 2021 — Oskar Uayldın "Dorian Qreyin portreti" romanı əsasında səhnələşdirilmiş Dorian Grey tamaşasında, rejissor; Vadim Prokopenko.

• 2017 — "Rjaka" tammetrajlı bədii film, rejissoru Dmitri Tomaşpolski^[18]

• Vadym Khlupianets on the DzygaMDB portal
• Артист балету і воїн з Донецька, який загинув під Бахмутом. ВАДИМ ХЛУП'ЯНЕЦЬ. ТАНЕЦЬ З ВОГНЕМ (by Yanina Sokolova)
• 26-year-old artist of the Kyiv Academic Theatre of Operetta Vadym Khlupianets died in the war on the website of Ministry of Culture and Information Policy
• He hung his pointe shoes on a hook and picked up a weapon. The story of the deceased artist from Donetsk Vadym Khlupianets (Svoi city online magazine, 22 Nov. 2022)