Vidadi Paşayev
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
 | Bu məqaləni vikiləşdirmək lazımdır. |
Vidadi Paşayev (5 sentyabr 1943, Yardımlı rayonu – 11 aprel 1991, Bakı) — şair, yazıçı, tərcüməçi, kinossenarist, redaktor
| Vidadi Paşayev | |
|---|---|
| Vidadi Abbas oğlu Paşayev | |
 | |
| Doğum tarixi | 5 sentyabr 1943 |
| Doğum yeri | |
| Vəfat tarixi | 11 aprel 1991 (47 yaşında) |
| Vəfat yeri | |
| Vəfat səbəbi | xəstəlik |
| Dəfn yeri | |
| Milliyyəti | Azərbaycanlı |
| Həyat yoldaşı | Zenfira Paşayeva |
| Uşaqları | Gülər Əhmədova, Nabat Nəzərova |
| Fəaliyyəti | şair, tərcüməçi |
| Təhsili | |
Həyatı
[redaktə | mənbəni redaktə et]Vidadi Abbas oğlu Paşayev 1943-cü il sentyabr ayının 5-də Yardımlı rayonunda anadan olmuşdur. Gəncə şəhərində məktəbi qızıl medalla bitirdikdən sonra Azərbaycan Dövlət Universitetinin Filologiya fakültəsinə daxil olmuşdur. Moskvada Sergey Gerasimov adına Ümum-Rusiya Dövlət Kinematoqrafiya İnstitutunda (rus. Всероссийский государственный институт кинематографии имени С. А. Герасимова) təhsil almış və pedaqoji fəaliyyət göstərmişdir. Uzun müddət "Azərbaycanfilm" kinostudiyasında ssenarist, redaktor vəzifələrində çalışmışdır. Bakı, Moskva və Gəncədə yaşayıb fəaliyyət göstərmişdir. Vidadi Paşayev 1991-ci ildə Bakıda vəfat etmiş və Gəncədə dəfn edilmişdir.[1]
Fəaliyyəti
[redaktə | mənbəni redaktə et]Vidadi Paşayev "Qobustan" jurnalında məsul katib[2], "Gənclik" nəşriyyatında baş redaktor (1970)[3], Azərbaycan Dövlət Radio və Televiziyasında İncəsənət və Radio teatrı şöbəsinin müdiri, Sergey Gerasimov adına Ümum-Rusiya Dövlət Kinematoqrafiya İnstitutunda müəllim, "Mozalan" satirik jurnalında bir sıra filmlərin ssenari müəllifi və ya redaktoru, "Azərbaycanfilm" kinostudiyasında bir sıra qısametrajlı, sənədli, elmi-kütləvi filmlərin müəllifi və ya redaktoru, "Aldanmış ulduzlar" operasının librettosunun müəllifi olmuşdur[4]. Bəzi şeirləri, hekayələri "Uzun ayrılığın sonu vüsaldır" kitabında toplanmışdır.[5]
Tərcümələri
[redaktə | mənbəni redaktə et]Fransız yazıçısı Stendalın "Vanina Vanini" povestini, polyak yazıçı Yanuş Pşimanovskinin "Dörd tankçı və it" povestini Azərbaycan dilinə tərcümə etmişdir.[6]
Filmoqrafiya
[redaktə | mənbəni redaktə et]- ATU və ya pa ATU nnan (film, 1971)
- Əhvalipürsanlıq, yaxud qəbiristanlıq[1] (film, 1972)
- Odlar yurdunun qızları (film, 1972)
- Naxışların yaddaşı (elmi-kütləvi film, 1973)
- Sehrli sandıq (film, 1973)
- Səhhət (film, 1976)
- Yaz harada, biz orada (film, 1978)
- Hava, od, su, torpaq (film, 1979)
- Bir səfərin izi ilə (film, 1980)
- Antipod və ya Məşədi İbad (film, 1980)
- Mirzə Kazım bəy (film, 1983)
- Köç (film, 1983)
- Harayacan qaçacaqlar (film, 1983)
- Mübadilə (film, 1983)
- Sehrli naxışlar (applikasiya filmi, 1984)
- Sən saydığını say (film, 1983)
- Himayədar (film, 1983)
- Metamarfoza (film, 1983)
- Orijinal üsul (film, 1983)
- Bəxtəvər (film, 1984)
- Son damla (film, 1984)
- Yarış (film, 1984)
- Nəticə (film, Mozalan N°85, 1984)
- Uğurlu təyinat (film, 1984)
- Xəbərdarlıq (film, 1984)
- Damğa (film, 1984)
- Nəticə (film, Mozalan N87, 1984)
- Örtülü bazar (film, 1984)
- İbrət dərsi (film, 1984)
- Eksperiment (film, 1984)
- Alayarımçıq (film, 1984)
- Dad (film, 1984)
- Bais (film, 1985)
- Gözdən iraq (film, 1985)
- Daş yaddaş (film, 1985)
- Arşınmalçı (film,1985)
- "Çexski" unitaz (film, 1985)
- Dairə (film, 1985)
- Nəticə (film, Mozalan N94, 1985)
- Foto həvəskarı (film, 1985)
- Bəlkə (film, 1985)
- Cinayətin astanası (film, 1985)
- Sınaq (film, 1985)
- Cazibə qüvvəsi (film, 1985)
- Sökmək asandır (film, 1985)
- Adsız su (film, 1985)
- Üzr istəyirəm (film, 1985)
Mətninin müəllifi olduğu mahnılar
[redaktə | mənbəni redaktə et]- "Alma almaya bənzər"[2] — Flora Kərimova
Haqqında olan televiziya verilişləri
[redaktə | mənbəni redaktə et]- Tökülən Yarpaqların Qoxusu (Lider TV 2001) – youtube linki
İstinadlar
[redaktə | mənbəni redaktə et]- ↑ "Arxivlənmiş surət". 2023-12-28 tarixində arxivləşdirilib. İstifadə tarixi: 2023-12-28.
- ↑ "Onun ölüm xəbəri məni sarsıtdı – Anar yazır..." 2024-01-19 tarixində arxivləşdirilib. İstifadə tarixi: 2024-01-19.
- ↑ "Məmməd İsmayıl, Düşmənlər içində dost gəzmək dərdi..." 2024-01-19 tarixində arxivləşdirilib. İstifadə tarixi: 2024-01-19.
- ↑ "Aldanmış ulduzlar (opera)". 2024-01-19 tarixində arxivləşdirilib. İstifadə tarixi: 2024-01-19.
- ↑ Vidadi, Paşayev. "Zirvələr, enişlər - Vidadi Paşayev". 2023-12-30 tarixində arxivləşdirilib. İstifadə tarixi: 2023-12-30.
- ↑ "Nəriman Əbdülrəhmanlı, Tökülən yarpaqların qoxusu". 2023-09-24 tarixində arxivləşdirilib. İstifadə tarixi: 2023-12-28.