Vitali Səmədov

Vitali Yunus oğlu Səmədov (24 sentyabr 1919, Nijni Novqorod – 11 noyabr 2015, Moskva) – partiya işçisi, fəlsəfə elmləri namizədi, Azərbaycan SSR EA-nın Tarix və Fəlsəfə İnstitutunun direktoru, Azərbaycan Kommunist partiyasının qurultayında Mərkəzi Komitənin büro üzvü, Azərbaycan KP-nın MK-nin ikinci katibi.^[1]

Vitali Səmədov
rus. Виталий Юнусович Самедов
Azərbaycan Kommunist Partiyası Mərkəzi Komitəsinin ikinci katibi
1952 – 1955
Əvvəlki	Andrey Malyutin
Sonrakı	Vladimir Semiçastnı
Şəxsi məlumatlar
Doğum tarixi	24 sentyabr 1919(1919-09-24)
Doğum yeri	Nijni Novqorod, Nijeqorod quberniyası[d], RSFSR[d]
Vəfat tarixi	11 noyabr 2015(2015-11-11) (96 yaşında)
Vəfat yeri	Moskva, Rusiya
Partiya	Sovet İttifaqı Kommunist Partiyası
Təltifləri

Vitali Yunus oğlu Səmədov 1919-cu il sentyabrın 24-də Moskva şəhərində anadan olub. 1984-cü ildə vəfat edib.^[1]

• 1942-ci ildə Azərbaycan Sənaye İnstitutunun Elektrik Mühəndisliyi fakültəsini bitirmişdir.
• 1947-ci ildə Sovet İttifaqının Kommunist Partiyasının Mərkəzi Komitəsinin Ali Partiya Məktəbində təhsili başa vurub.
• 1948-ci ildə namizədlik dissertasiyasını müdafiə etmişdir.^[1]

• 1942–1944-cü illərdə Azərbaycan SSR XDİK orqanlarına işə göndərilmişdir.
• Azərbaycan Lenin Kommunist Gənclər İttifaqının MK-nın ikinci katibi (1944–1946) olmuşdur.
• 1948-сi ilin avqust ayından Azərbaycan SSR EA-nın Fəlsəfə Sektorunda kiçik elmi işçi vəzifəsində işləmişdir.
• XX əsrin 50-ci illərində akademiya və onun müəssisələrinin partiyaçı kadrlar ilə "doldurulması" prosesi yüksək sürətlə gedirdi. 1951-ci ilin fevralın 16-da Tarix və Fəlsəfə İnstitutunun direktoru vəzifəsinə partiya işçisi, fəlsəfə elmləri namizədi Vitali Səmədovun təyin edilməsi də məhz bununla bağlı idi.
• 1952-ci il iyunun 14-nə kimi Azərbaycan SSR EA-nın Tarix İnstitutunun direktoru olub.^[2]
• 1951-ci ilin iyun ayında o, partiya işinə keçirilərək Azərbaycan KP MK-nin elm və təhsil şöbəsinin müdiri, sonradan 1952-ci ildə Azərbaycan KP-nın MK-nin ikinci katibi seçilmişdir.^[3]
• 1948–1960-cı illərdə elmi-pedaqoji fəaliyyətlə məşğul olmuşdur.
• 1954-cü ildə Azərbaycan Kommunist partiyasının qurultayında Mərkəzi Komitənin büro üzvü seçilmişdir.
• 1954-cü il 4-сü çağırışında SSRİ Ali Sovetinin deputatı seçilmişdir.^[4]
• 1956-cı ildə Azərbaycan Ali Sovetinin Rəyasət Heyətinin üzvü, 1959-cu il çağırışında Azərbaycan Ali Sovetinin deputatı seçilmişdir.
• 1960-cı ildə Sovet İttifaqı Kommunist Partiyası MK yanında Marksizm-Leninizm İnstitutunda (1971-ci ildən marksizm-leninizm tarixi bölməsinin müdiri) işləmişdir.
• 1971-ci ildə SSRİ EA-nın ictimai fikir tarixinə dair Elmi Şurasının üzvü olmuşdur.^[1]

V.Y.Səmədovun əsas tədqiqatları marksizm-leninizm tarixi, ictimai fikir və inqilabi hərəkat tarixi sahəsindədir. Azərbaycan Kommunist Partiyasının tarixi" əsərinin müəlliflərindən biri olub. Əsas əsərləri aşağıdakılardır:

• Роль марксизма в развитии биологической науки [Текст] / В. Самедов ; Акад. наук Азербайдж. ССР. Ин-т философии. - Баку : Изд-во Акад. наук АзССР, 1950 (тип. "Кр. Восток"). — 130 с.
• Распространение марксизма-ленинизма в Азербайджане [Текст]. - Баку : Азернешр, 1962–1966. — 2 т.
• Очерки о творческом характере марксизма-ленинизма [Текст] / Акад. наук Азербайдж. ССР. Ин-т истории и философии. - Баку : Изд-во Акад. наук АзССР, 1952. — 418 с.
• Развитие И. В. Сталиным диалектического и исторического материализма в труде "Марксизм и вопросы языкознания" [Текст] / Акад. наук Азербайдж. ССР. Ин-т истории и философии. - Баку : Изд-во Акад. наук АзССР, 1951. — 118 с.
• Творческая роль марксизма-ленинизма в развитии биологической науки [Текст] / Акад. наук Азербайдж. ССР. Ин-т истории и философии. - Баку : Изд-во Акад. наук АзССР, 1953. — 108 с.

• ÜİK(b)P XIX qurultayı — Sov. İttiffaqının KP (5–14 oktyabr 1952-ci il). Sənədlər və materiallar^{[ölü keçid]}
• SSRİ Ali Sovetinin 4-cü çağırışdan olan deputatlarının siyahısı^{[ölü keçid]}