Xəyal Əliyev (idmançı)

Xəyal Fəxri oğlu Əliyev (15 mart 2006[1]) — Azərbaycan muay tay döyüşçüsü. O, 2022-ci il gənclər arasında Dünya və Avropa çempionu, 2023 Avropa Oyunlarının bürünc mükafatçısıdır.

Xəyal Əliyev
Şəxsi məlumatlar
Vətəndaşlığı
Doğum tarixi 15 mart 2006(2006-03-15)[1] (18 yaş)
İdman növü Muay Tay
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Xəyal Fəxri oğlu Əliyev 2006-cı il martın 15-də anadan olub. Bakının Binəqədi rayonundakı 283 nömrəli tam orta məktəbin 6-cı sinif şagirdi olarkən Avropa Muaytay Federasiyasının təşkil etdiyi turnirdə 34 kq çəki dərəcəsində birinci olub. 2016 və 2018-ci Türkiyədə təşkil olunan Gənclərin Dünya Kubokunun qalibi olub. 2019-cu ildə İranda təşkil edilən beynəlxalq bir turnirdə birinci olub. Xəyal Əliyev 2019-cu ilin sonunda Türkiyənin Antalya şəhərində keçirilən gənclər arasında dünya çempionatında üçüncü olub.[2]

2022-ci ilin fevral ayında 283 nömrəli tam orta məktəbin 10-cu sinif şagirdi olaraq Türkiyənin İstanbul şəhərində keçirilən gənclər arasında Avropa çempionatında qızıl medal qazanmışdır.[3][4] Həmin ilin avqustunda Malayziyanın paytaxtı Kuala-Lumpurda Xəyal Əliyev 60 kq çəki dərəcəsində gənclər arasında dünya çempionu olub.[5]

2023-cü ilin iyununda Krakovda keçirilən III Avropa Oyunlarında iştirak edib. Bu oyunlar Əliyevin karyerasında böyüklər arasında keçirilən ilk yarışlar idi. Bu oyunlarda 67 kq çəki dərəcəsində 1/4 finalda gürcüstanlı Giorgiy Klein üzərində erkən qələbə qazanaraq yarımfinala yüksəlib.[6] Burada, yerli boksçu Oskar Sigertə uduzaraq oyunların bürünc mükafatçısı olub.[7]

İstinadlar

[redaktə | mənbəni redaktə et]
  1. ↑ 1 2 Профиль Хаяла Алиева.
  2. ↑ "Paytaxt məktəblisi Avropa çempionu oldu" (az.). Elm və Təhsil Nazirliyi (Azərbaycan). 2023-06-25 tarixində arxivləşdirilib. İstifadə tarixi: 2024-08-02.
  3. ↑ "Azərbaycan muay-tayçıları Avropa çempionatında doqquz medal qazanıblar". https://azerbaijan-news.az (az.). 1970-01-01. 2023-06-25 tarixində arxivləşdirilib. İstifadə tarixi: 2024-08-03.
  4. ↑ "Bakı şəhəri üzrə Təhsil idarəsi". Elm və Təhsil Nazirliyi (az.). 2024-08-01 tarixində arxivləşdirilib. İstifadə tarixi: 2024-08-03.
  5. ↑ "İdmançılarımız muay-tay üzrə gənclər arasında keçirilən dünya çempionatında uğurla çıxış ediblər". 21.08.2022. 2022-08-22 tarixində arxivləşdirilib. İstifadə tarixi: 3 avqust 2024.
  6. ↑ "Азер Гасансой: Команда отличилась на своих первых взрослых соревнованиях". www.azerisport.com (rus). 2023-06-26 tarixində arxivləşdirilib. İstifadə tarixi: 2024-08-03.
  7. ↑ "Azerbaijani Muay Thai fighter clinches European Games bronze". Azertag. 26 iyun 2023. 2023-06-26 tarixində arxivləşdirilib. İstifadə tarixi: 3 avqust 2024.