Xose İqlesias Fernandes

Xose Fernandes İqlesias (isp. José Iglesias Fernández; 23 dekabr 1926^[1], Samora^[d], Kastiliya və Leon – 12 iyul 2007^[2], Qranada, Əndəlüs), Xoseito ləqəbi ilə tanınır ― yarımmüdafiəçi mövqeyində oynamış İspaniya oyunçusu və məşqçi.

Xose İqlesias Fernandes
Ümumi məlumatlar
Doğum tarixi	23 dekabr 1926(1926-12-23)[1]
Doğum yeri	Samora[d], Samora vilayəti[d], Kastiliya və Leon, İspaniya
Vəfat tarixi	12 iyul 2007(2007-07-12)[2] (80 yaşında)
Vəfat yeri	Qranada, Qranada vilayəti[d], Əndəlüs, İspaniya
Vətəndaşlığı	İspaniya
Mövqeyi	cinah yarımmüdafiəçisi[d]
Karyerası
Gənclik karyerası Los Luises Klub karyerası[* 1] 1943—1944 Atletiko Samora həvəskar 1944—1947 Real Valyadolid həvəskar 1947—1949 Salamanka həvəskar 1949—1951 Rasinq Santander 32 (28) 1951—1959 Real Madrid 124 (51) 1959—1960 Levante 25 (10) 1960—1961 Rayo Valyekano 23 (7) Milli yığma[* 2] 1952 İspaniya 1 (0) Məşqçisi olduğu klublar 1963—1965 Selta 1965—1966 Tenerife 1968—1969 Valensiya 1970—1972 Qranada 1972—1973 Kordova 1973—1975 Qranada 1976 Real Mursiya 1976—1978 Alaves 1978—1979 Terrassa 1979–1980 Leqanes 1980 Deportivo La-Korunya 1981—1982 Tenerife
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Doqquz mövsüm ərzində La Liqada ümumlikdə 134 oyuna 54 qol vurmuşdur. O, ən çox 177 rəsmi oyuna 77 qol vurduğu və 10 böyük kubok qazandığı "Real Madrid" klubunun heyətində oyunu ilə tanınır.^[3]

Kastiliya və Leon regionunun Samora şəhərində anadan olmuşdur. O, 1949-cu ildə "Rasinq Santander" klubuna keçməzdən əvvəl müxtəlif komandalarda çıxış etmişdir, onlar içərisində yerli "Ateltiko Samora" da var idi. 1949–50 təsadüf edən ilk mövsümündə o, kantabriyalılara La Liqaya yüksəlməyə kömək etdi. 1951-ci ilin yayında Xoseito "Real Madrid"ə transfer olundu (hər iki klubu təmsil etmiş başqa oyunçu Fransisko Xentodan iki il əvvəl) və təxminən 200 rəsmi oyuna çıxdığı növbəti 8 il ərzində burada oynadı. 1955–59 illəri ərzində o, ard-arda dörd Çempionlar Kubokuna yiyələndi, ümumlikdə o proses ərzində 11 oyuna 6 qol vurdu; buna baxmayaraq, Raymon Kopanın gəlişindən sonra, o, daha az meydana çıxırdı.^[3]

Xoseito 1961-ci ildə "Levante" və "Rayo Vallekano" ilə ikinci divizionda 2 il keçirəndən sonra təxminən 35 yaşında oyunçu karyerasını bitirdi. Növbəti onilliklərdə İspaniya futbolunun hər üç əsas liqa səviyyəsində bir çox klubda məşqçilik etdi, ən yüksək liqada "Valensiya" və "Qranada" (2 mövsüm) klublarını çalışdırmışdır.

İspaniya milli futbol komandasının heyətində o, ilk və yeganə oyununu 28 dekabr 1952-ci ildə Madrid şəhərində keçirilən və 2-2 hesablı bərabərliklə bitən Qərbi Almaniyaya qarşı yoldaşlıq oyununda keçirmişdir.^[4]

Xoseito son altı ildə ikinci dəfə insult keçirdikdən sonra 12 iyul 2007-ci ildə Əndəlusun Qranada şəhərində vəfat etdi. O, 80 yaşında idi.^[5]

Valyadolid

• Tersera divizyonu: 1945–46, 1946–47

Salamanka

• Tersera divizyonu: 1947–48

Rasinq Santander

• Sequnda divizyonu: 1949–50

Real Madrid

• 4 La Liqa: 1953–54, 1954–55, 1956–57, 1957–58
• 4 Çempionlar Kuboku: 1955–56, 1956–57, 1957–58, 1958–59
• 2 Latın Kuboku: 1955, 1957