Yunis Səfərov

Səfərov Yunis Baxşəli oğlu (15 may 1926, Şərur rayonu, Naxçıvan MSSR – 27 mart 1994, Naxçıvan) – həkim-baytar, pedaqoq, baytarlıq elmləri doktoru (1964), professor (1964).^[1]

Yunis Səfərov
Yunis Baxşəli oğlu Səfərov
Doğum tarixi	15 may 1926
Doğum yeri	Şərur rayonunun Xanlıqlar kəndi
Vəfat tarixi	28 mart 1994 (67 yaşında)
Vəfat yeri	Naxçıvan şəhəri
Atası	Baxşəli
Təhsili	Azərbaycan Dövlət Aqrar Universiteti
Fəaliyyəti	alim
Elmi dərəcəsi	baytarlıq elmləri doktoru[d]
Mükafatları

1926-cı ildə Şərur rayonunun Xanlıqlar kəndində anadan olub. 1950-ci ildə Azərbaycan Kənd Təsərrüfatı İnstitutunun (indiki Kənd Təsərrüfatı Akademiyası) baytarlıq fakültəsini, 1953-cü ildə isə keçmiş Ümumittifaq Eksperimental Baytarlıq İnstitutunun (Moskva) aspiranturasını bitirmişdir.^[1]

• 1964-1971-ci illərdə Kənd Təsərrüfatı İnstitutunda baytarlıq fakültəsinin dekanı olub.
• 1971-1977-ci illərdə Epizootologiya və Mikrobiologiya kafedrasının müdiri olub.
• 1977-1994-cü illərdə Naxçıvan Dövlət Universitetində Zoologiya kafedrasının müdiri işləmişdir.
• Elmi tədqiqatlarının əsasını heyvanlarda, xüsusilə qoyunlarda, habelə xəzdərili heyvanlarda (qunduzlar) və quşlarda yoluxucu xəstəliklərin(enterotoksemiya, bruselyoz) öyrənilməsi, onlara qarşı müalicə-profilaktika və peyvənd materiallarının (vaksinlər) hazırlanması təşkil edir.
• Yunanıstanda keçirilən Beynəlxalq mikrobiologiya konqresinin vitse-prezidenti seçilmişdir. Elmi kadrlar hazırlanmasında xidməti var.^[1]

200-dən çox elmi əsərin, o cümlədən 4 monoqrafiyanın, 14 dərslik və tədris-metodiki vəsaitin müəllifidir. Bir neçə müəlliflik şəhadətnaməsi almışdır.^[1]

“Şərəf nişanı” ordeni ilə təltif olunmuşdur.^[1]

1. ↑ ^{1 2 3 4 5} Naxçıvan Ensiklopediyası. II cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 260-261. ISBN 5-8066-1468-9.