Zaman Novruz

Zaman Novruz(ing. Zaman Nəzərəli oğlu Novruzov; d.7 noyabr 1932, Kürdəmir, Axtaçı k. - ö.14 avqust, 2005, Bakı) — nasir, publisist, Azərbaycan Xalq Yaradıcılığı Akademiyasının biologiya doktoru (1993), 2005-ci ildən Azərbaycan Yazıçılar Birliyinin üzvü.

Zaman Novruzov
Zaman Nəzərəli oğlu Novruzov
Digər adı	Zaman Novruz
Doğum tarixi	7 noyabr 1932
Doğum yeri	Kürdəmir, Axtaçı k.
Vəfat tarixi	14 avqust 2005 (72 yaşında)
Vəfat yeri	Bakı
Vətəndaşlığı	Azərbaycan→ SSRİ
Milliyyəti	azərbaycanlı
Təhsili	Azərbaycan Dövlət Neft-Kimya İnstitunun sənaye iqtisadiyyatı fakültəsi, Azərbaycan Dövlət Universitetinin hüquq fakültəsi
Mükafatları	"Əmək veteranı" və b. medallarla

1932-ci il noyabrın 7-də Azərbaycanda Kürdəmir rayonunun Axtaçı kəndində anadan olub. 1958-ci ildə Sabirabad şəhər orta məkətbini bitirib. 1958-63-cü illərdə Azərbaycan Dövlət Neft-Kimya İnstitunun sənaye iqtisadiyyatı fakültəsində, 1963-69-cu illərdə isə Azərbaycan Dövlət Universitetinin hüquq fakültəsinin axşam şöbəsində təhsil alıb. 1954-59-cu ildə Əmək fəaliyyətinə Azərbaycan Xalq Təsərrüfatı Şurasında mühəndis-texnoloq kimi başayıb. 1959-89-cu ildə Azərbaycan Daxili İşlər Nazirliyində baş exspert, baş müstəndiq, idarə rəisi işləmişdi. 1988-ci ildən Azərbaycan Ovçular Cəmiyyyəti birliyinə sədr seçilən Z.Novruz 1991-1993-cü illərdə Azərbaycan Dövlət Texniki Universitetində professor əvəzi fəaliyyət göstərmişdir. 2005-ci il avqustun 14-də Bakı şəhərində dünyasını dəyişmişdi.

Ədəbi-bədii yaradıcılığa 60-cı illərdən başlamışdır. İlk yazdığı "Lal axan çay" məqaləsi "Azərbaycan gəncləri" qəzetində dərc olunub. Yaradıcılığında bədii publisistikaya xüsusi yer verən verən nasirin dövri mətbuatda 500-dən artıq elmi, elmi-kütləvi məqalələri, publisistik yazıları, hekayə və təmsilləri dərc olunmuşdu. Eyni zamanda bədii fotoqrafiya ilə ardıcıl məşğul olmuş, təbiət və canlı aləm mövzusunda çəkdiyi bədii fotolara görə müsabiqələrdə dəfələrlə mükafat almışdı. Əsərləri rus, türk, ingilis dillərinə tərcümə edilib nəşr olunmuşdur. 1987-ci ildə "Əmək veteranı" və digər medallarla təltif olunmuşdu.

• "Azərbaycan kurortları" (1965);
• "Azərbaycanın canlı sərvətlərivə onun mühafizəsi" (1983);
• "Təbiət səhvləri bağışlamır" (1988);
• "Xəzərin qiymətli sərvəti" (1984);
• "Təbiət qisas alarsa" (1990);
• "Foto çəkməyi necə öyrənməli" (1965);
• "Bədii fotoqrafiya" (1966);
• "Fotolaboratoriyada yaradıcılıq" (1972);
• "Məktəbdə foto dərnəyi" (1967);
• "İstindaq fotoqrafiyası" (1968);
• "Azərbaycan ov ensiklopediyası"
• "Göy-göl" (1969);
• "Sehrli rənglər" (1971);
• "İnsan izləri" (1982);
• "Ovçu çırağı ilə" (1986);
• "Azərbaycanın ov faunası";
• "Ov möcüzələri" (1991);
• "Canavarın yuxusu" (1992);
• "Boz qurda vəsiyyət" (1992);
• "Vaxtsız ölən çaqqal" (1992);
• "Oran, Qutan və Xosunun lətifələri" (1993);
• "Ov və heyvanların davranışı haqqında" (1994);
• "Gümüş-xallı, bığlı-zolaqlı, boz və əyripəncə" (1995);
• "Xosunun 207 lətifəsi" (1995);
• "Ovçu insaf elə" (1991);
• "Bəxt aynası" (2000)

• Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı. Bakı: "Nurlar", 2011.