Solmaz Musayeva

Solmaz Musayeva
Solmaz Qurban qızı Musayeva
Doğum tarixi	28 aprel 1928(1928-04-28)
Doğum yeri	Bakı, Bakı qəzası, Azərbaycan SSR, ZSFSR, SSRİ
Vəfat tarixi	21 oktyabr 2016(2016-10-21) (88 yaşında)
Vətəndaşlığı	Azərbaycan
Fəaliyyəti	rəssam
Təhsili	Muxina ad. Leninqrad Ali Rəssamlıq Məktəbi (1953-55)
Mükafatları

Solmaz Musayeva - Azərbaycan Respublikasının Əməkdar Rəssamı (2007)

Həyatı

Solmaz Qurban qızı Musayeva 1928-ci il aprel ayının 10-da tanınmış ziyalı, yazıçı Qurban Musayevin (xalq yazıçısı Qılman İlkinin böyük qardaşı) ailəsində dünyaya göz açmışdır. 1947-52-ci illərdə Ə.Əzimzadə adına Bakı Rəssamlıq Məktəbində təhsil almışdır. Təhsilini Muxina adına Leninqrad Ali Rəssamlıq Məktəbinin dekorativ-tətbiqi sənət fakültəsində davam etdirmişdir (1953-55-ci illər). 1965-ci ildən Azərbaycan Rəssamlar İttifaqının üzvüdür.

Yaradıcılığı

• 1965-81-ci illərdə A.Şaiq adına Azərbaycan Dövlət Kukla Teatrının quruluşçu rəssamı kimi çalışmışdır.
• 1981-87-ci illərdə isə baş rəssam kimi çalışmış, teatrın Azərbaycan və rus bölmələrində 60-a yaxın tamaşaya səhnə tərtibatı vermişdir. Bunlardan «Malçiş-Kibalçiş» (A.Qaydar), «Bu ev kimin evidir?» (S.Marşak), «Məşədi İbad» (Ü.Hacıbəyli), «Şəngülüm, Şüngülüm, Məngülüm» (Ə.Abbasov), «Cunquş» (X.Əlibəyli), «Qaravəlli» (Anar), «Meşə nağılı» (T.Mütəllibov), «Yumaq top» (F.Sadıq), «Şən ayılar» (V.Rabadan), H.X.Andersenin «Ole Lukoye və yaxud Sehrli çətirlər» (H.X.Andersen), «Cırtdan», «Sehrli nar» (hər ikisi- M.Seyidzadə) və s. tamaşaları qeyd etmək olar.
• 1993-cü ildə rəssamın yaratdığı kuklalar Pakistanda keçirilən Şərq ölkələrinin tətbiqi sənət üzrə festivalında birinci dərəcəli mükafata layiq görülüb.
• 1995-ci ildə rəssamın 25 kukladan ibarət zəngin koloritli «Azərbaycan qadın toyu» kompozisiyası S.Bəhlulzadə adına salonda Novruz sərgisində nümayiş etdirilən zaman sərgidə iştirak edən ulu öndər Heydər Əliyev tərəfindən yüksək qiymət alıb. Həmin əsər Avstraliyada keçirilən Spartakiada zamanı da ekspozisiya olunub.
• 2006-cı ildə 8 mart Qadınlar günü bayramı münasibətilə yaratdığı kompozisiya seçilərək UNESCO Baş qərargahında sərgilənib. Həmçinin "Şuşalı qadına Şirvanlı xanım qonaq gəlib" adlı əsəri UNESCO-nun mənzil-qərargahının daimi eksponatıdır.
• 1974-cü ildə “İlham” kukla cizgi filmi Özbəkistanın paytaxtı Daşkənddə keçirilən beynəlxalq festivalda I dərəcəli diploma layiq görülüb.
• 1976-cı ildə “Göyçək Fatma” kukla cizgi filmi Gürcüstan Rəssamlar İttifaqının xüsusi diplomuna layiq görülüb.
• 1980-ci ildə “Sağ ol, dostum”kukla cizgi filmi İrəvanda mükafata layiq görülüb. Azərbaycanda istehsal olunan ilk kukla cizgi filmlərinin rəssamı olan Solmaz Musayeva bu filmləri rejissor V.Behbudovla birlikdə ərsəyə gətirmişdir.
• 1987-ci ildən etibarən fərdi yaradıcılıqla məşğuldur. Onun yaratdığı 4000-dən artıq etnoqrafik suvenir kuklalar (Azərbaycanın müxtəlif bölgələrinə aid geyimlərdə) muzeylərdə, Azərbaycanda və xarici ölkələrdə şəxsi kolleksiyalarda saxlanılır.

Həmçinin bax

• Rəssam
• Rəssamlıq
• Rəssam emalatxanası (Kurbe)
• Rəssam ömrünün palitrası. Xalq rəssamı Böyükağa Mirzəzadə (film, 2006)

Xarici keçidlər

• Solmaz Musayeva: "Bundan artıq uzun ömür istəmirəm"
• Solmaz Musayeva -85