Respublika Təhsil Şurası

"Respublika Təhsil Şurası" İctimai Birliyi
Növü	İctimai Birlik
Yaranma tarixi	24 sentyabr, 1998
Qeydiyyat tarixi	25 may, 2001
Mərkəzi	Azərbaycan
Sədr	Mehdi-zadə Samir Ramiz oğlu
Üzvləri	138 nəfər (aprel, 2021)

"Respublika Təhsil Şurası" İctimai Birliyi (ing. Council of Education Social Consolidation) — Azərbaycan Respublikasının təhsil sahəsində fəaliyyət göstərən, ümumi maraqlar əsasında birləşmiş, könüllülük, üzvlərinin hüquq bərabərliyi prinsipləri əsasında yaradılan ictimai birlikdir.

Tarixi

"Respublika Təhsil Şurası" İctimai Birliyi — 24 sentyabr 1998-ci ildə, Azərbaycan müəllimlərinin XI qurultayı zamanı Ümummilli Lider Heydər Əliyevin təklifi ilə yaradılmışdır. Birlik öz fəaliyyətini Azərbaycan Respublikasının Konstitusiyası, "Qeyri hökumət təşkilatları (ictimai birliklər və fondlar) haqqında" Azərbaycan Respublikası Qanununu, həmçinin öz Nizamnaməsi əsasında qurur. "Respublika Təhsil Şurası" İctimai Birliyi 25 may 2001-ci ildə Azərbaycan Respublikası Ədliyyə Nazirliyi tərəfindən dövlət qeydiyyatına alınıb. Qeydiyyat № 1353.

Məqsəd və vəzifələri

Respublika Təhsil Şurasının əsas məqsədi — Azərbaycan Respublikasında Təhsil sisteminin bütün pillə və mərhələlərində təlim və tərbiyə işinin, ictimai tərbiyənin, pedaqoji və elmi pedaqoji kadr hazırlığının, ixtisasartırma və yenidənhazırlanmanın, pedaqoqika və psixologiya elmlərinin milli və ümumbəşəri dəyərlər, qabaqcıl dünya elmi-nəzəri fikir və təcrübi nailiyyətləri nəzərə alaraq demokratik və humanist prinsiplərlə inkişafına nail olmaqdır. Şura bu məqsədlərə nail olmaq üçün aşağıda göstərilən vəzifələri yerinə yetirmək əzmindədir:

• Dövlətin təhsil sahəsində siyasətinin düzgün elmi-metodiki və hüquqi əsaslarla həyata keçirilməsi, ali icra orqanlarına təkliflər vermək;
• Respublikada təhsil sisteminin inkişafı və yeniləşdirilməsi, humanistləşdirilməsi, demokratikləşdirilməsi, ictimai-pedaqoji fikrin və milli tərbiyənin (ekoloji, fiziki, iqtisadi, hüquqi, estetik, əxlaqi-mənəvi və s.) insan azadlıqları və ictimai özünüidarə orqanlarının təhsil işində əlaqəlik və razılığın əldə edilməsi;
• Təhsil işçilərinin Respublika Qurultayının, Təhsil İslahatı Proqramının qərar və müddəalarının, dövlətin təhsil sahəsində göstərişlərinin, qabaqcıl pedaqoji ideyaların həyata keçirilməsinə ictimaiyyətin və ictimai qurumların səfərbər edilməsi;
• Təhsilin ümumi vəziyyətinə, təhsil orqanlarının təhsillə əlaqədar cəmiyyətlərin, mərkəzlərin, birliklərin fəaliyyətlərinə ictimai qiymətin verilməsi, təhsil müəssisələrinin ictimai akkreditasiyadan keçirilməsi;
• Təhsil sisteminin təkmilləşdirilməsinə yönəldilmiş sosial təşəbbüslərin və novasiyaların müdafiəsi və onlara ictimai qiymətin verilməsi;
• Təhsil sahəsində araşdırmaların, proqram və dərsliklərin, elmi-nəzəri və praktik əhəmiyyətli nəşrlərin müzakirəsi və onlara ictimai qiymətin verilməsi;
• Müəllim yaradıcılığ və qabaqcıl pedaqoji təcrübənin öyrənilməsi və yayılması üçün təkliflərin verilməsi, müsabiqələrin keçirilməsi;
• Təhsil üzrə konsepsiyaların və təhsil işçilərinin Respublika qurultaylarının hazırlanması və həyata keçirilməsi;
• Təhsil sistemi və təhsil iştirakçılarına xidmət məqsədilə kurslar, araşdırma və məsləhət mərkəzləri, eksperimental təhsil müəssisələri yaradılması, tədris-metodik kompleksi təlimatı fəaliyyəti göstərilməsi;
• Xarici ölkələrin təhsil təcrübəsinin öyrənilməsi, beynəlxalq pedaqoji əlaqələrin inkişaf etdirilməsi, beynəlxalq tədbirlərdə iştirak;
• Geniş ictimaiyyətin, o cümlədən gənclərin və valideynlərin ekoloji, pedaqoji biliklərə yiyələndirilməsi və ekoloji mədəniyyətin formalaşdırılması;
• Ölkədə, ayrı-ayrı bölgələrdə təhsilin inkişafının köklü məsələlərinə baxılması və təkliflər hazırlanması;
• Dövlət orqanları tərəfindən hazırlanmış təhsilə aid normativ aktların və layihələrinin öyrənilməsi və onların həyata keçirilməsi;
• Birlik özünün nəşr orqanını yaradır, qəzet, kitablar, dərsliklər, jurnallar, broşuralar və digər tədrisdə və metodiki məsələlərin həlli üçün istifadə olunan materialların nəşri ilə məşğul olur.

Strukturu

"Respublika Təhsil Şurası" İctimai Birliyinin ali orqanı ildə bir dəfədən az olmayaraq çağırılan Ümumi Yığıncaqdır. Birliyə daxil olmaq istəyən şəxslər icra orqanına yazılı şəkildə müraciət edir. Nəzarət-Təftiş komissiyası Birliyin vəzifəli şəxslərinin və üzvlərinin fəaliyyətinin Nizamnaməyə uyğun olması, Birliyin maliyyə fəaliyyəti üzərində nəzarəti həyata keçirir. Birliyin fəaliyyətinə cari rəhbərliyi icra orqanı həyata keçirir. Birliyin icra orqanları aşağıdakılardır:

• İdarə Heyəti
• Nəzarət-Təftiş Komissiyası

"Respublika Təhsil Şurası" İctimai Birliyinin sədri

• 1998–2018 — Professor, Ağayev Əjdər Əbdülhüseyn oğlu
• 2021-ci ildən — Mehdi-zadə Samir Ramiz oğlu

Fəaliyyət

Layihələr

• "İbtidai sinif şagirdlərinin valideynləri üçün pedaqoji-psixoloji məsləhət mərkəzinin yaradılması"
• "Təhsil və zaman" mövzusunda dəyirmi masalar
• "Pedaqoji mətbuat və müasir müəllim" mövzusunda dəyirmi masalar
• "Qabaqcıl müəllimlərin Birinci Respublika Forumu" — 2016-cı il.
• "Qabaqcıl müəllimlərin İkinci Respublika Forumu"
• Məktəbəqədər təhsil işçilərinin Birinci Respublika Forumu — 2016-cı il.
• İbtidai sinif müəllimlərinin Birinci Respublika Forumu
• "İbtidai sinif müəllimlərinə fəal təlim metodlarının öyrədilməsi və pedaqoji prosesə tətbiqi üzrə işin təşkili" — 2009-cu il.
• "Pedaqoji elm və pedaqoji proses" mövzusunda elmi-təcrübi konfrans — 2013-cü il.
• "Pedaqoji mətbuat və müasir müəllim" elmi-təcrübi konfrans
• "Musiqiçi kadrların hazırlanmasının elmi-metodiki əsasları" — 2011-ci il.
• "Qabaqcıl müəllimlərin iş təcrübəsinin öyrənilməsi və yayılması" layihəsi
• "Qabaqcıl məktəblərin iş təcrübəsinin öyrənilməsi və yayılması" layihəsi
• "Region məktəbləri ilə tanışlıq" layihəsi
• "Məktəbdə təlim keyfiyyətinin yüksəldilməsi problemi" elmi-təcrübi konfrans
• "Təlim-tərbiyə prosesi: ənənə və müasirlik, innovasiyalar, kreativ düşüncənin formalaşdırılması" elmi-təcrübi konfrans — 2016-cı il.

Xaricdə təmsilçilik

Beynəlxalq layihələr

• "Beynəlxalq təcrübə mübadiləsi təlim keyfiyyətini yüksəldən vasitə kimi" mövzusunda Beynəlxalq layihə. Layihənin təşkil olunduğu tarixlər: 2014–2018-ci illər. Layihənin təşkil olunduğu ölkələr: Gürcüstan-Ukrayna-Bakı. Tərəfdaş — ABŞ Qarabağ fondu.

• "Qarabağ həqiqətlərinin böyüyən nəslə çatdırılmasının elmi-metodiki məsələləri" Beynəlxalq elmi-praktik konfrans — 2015-ci il.

Beynəlxalq tərəfdaşlar

• Lvov Vilayət Elm və Təhsil Departamenti
• Ukrayna Milli Elmlər Akademiyası Təhsil Menecmenti İnstitutu
• İvano-Frankovsk Vilayət Elm və Təhsil Departamenti

Təşkilatın nəşrləri

• "Övladınızın dünyasına bələdsinizmi?"
• "Uşağınız birinci sinfə hazırlaşırsa"
• "Yaradıcılıq axtarışları"
• "Müasir dərs, yeni yanaşmalar"
• "İbtidai sinifdə tərbiyə işinin planlaşdırılması və onun həyata keçirilməsi metodikası"

Təşkilatın 2002-ci ildən "Təhsil və zaman" adlı qəzeti nəşr olunur.

"Respublika Təhsil Şurası" sosial şəbəkələrdə

"Respublika Təhsil Şurası" İB-nin Facebook səhifəsi

Xarici keçidlər

• Respublika Təhsil Şurasına yeni sədr və katib seçildi
• Azərbaycan müəllimlərinin XI qurultayı
• Respublika qəzeti, 11 dekabr 2016-cı il
• Samir Mehdi-zadə Respublika Təhsil Şurasının sədri seçilib
• Təhsil və Zaman qəzeti