Nəzər Heydərov

Nəzər Heydərov
Nəzər Heydər oğlu Heydərov
Fayl:Nəzər Heydərov.jpg
Azərbaycan SSR Ali Soveti Rəyasət Heyətinin sədri
18 may 1949 – 9 mart 1954
Əvvəlki	Mirbəşir Qasımov
Sonrakı	Mirzə İbrahimov
Şəxsi məlumatlar
Doğum tarixi	1896
Doğum yeri	Gürcülü, Cəbrayıl qəzası, Yelizavetpol quberniyası
Vəfat tarixi	30 dekabr 1968
Vəfat yeri	Bakı, Azərbaycan SSR
Dəfn yeri	Fəxri Xiyaban
Milliyyəti	azərbaycanlı
Partiya	Kommunist partiyası
Təhsili	Ümumittifaq Sənaye Akademiyası[d] (1928–), Moskva Neft İnstitutu[d] (–1931)
Fəaliyyəti	siyasətçi, neftçi
Atası	Heydər Heydərov
Uşaqları	Arif Heydərov, Qaçay Heydərov
Təltifləri
Vikianbarda əlaqəli mediafayllar

Nəzər Heydərov (tam adı: Heydərov Nəzər Heydər oğlu; 29 mart 1896, Gürcülü, Zəngəzur qəzası – 30 dekabr 1968, Bakı) — dövlət xadimi, Azərbaycan SSR Ali Soveti Rəyasət Heyətinin sədri, SSR Ali Soveti Rəyasət Heyətinin sədrinin müavini.

Həyatı

Nəzər Heydərov 1896-cı ildə Gürcülü kəndidə dünyaya gəlib. 1913-1918-ci illərdə "Balaxanı neft" mədənlərində işləyib. Qubadlı rayonunun inqlab komitəsinin, qəza partiya komitəsinin katibi və İcraiyyə Komitəsinin sədri, AK(b)P MK–nın məsul təlimatçısı, Ağdaş və Şuşa rayon İcraiyyə Komitəsinin sədri, eyni zamanda DQMV MİK–in sədr müavini olub. 1927-1928-ci illərdə Azərbaycan SSR Ali XTS-də məsul vəzifədə çalışıb. 1931-ci ildə Moskva Sənaye Akademiyasını, eyni zamanda Neft İnstitutunu bitirdikdən sonra 1949-cu ilədək Azərbaycanda neft sənayesində, o cümlədən "Əzizbəyov" trestinin müdiri, Azneft Birliyinin rəisi və s. işləyib. 1949-1954-cü illərdə Azərbaycan SSR Ali Soveti Rəyasət Heyətinin sədri, SSR Ali Soveti Rəyasət Heyətinin sədrinin müavini olub. "Aznefttextəhcizat" idarəsinin rəis müavini işləyib. "Zəngəzur dağlarında" kitabının müəllifidir. 1960–cı ildə təqaüdə çıxıb.

Nəzər Heydərov 30 dekabr 1968-ci ildə Bakıda dünyasını dəyişib.

• Arif Heydərovun və Qaçay Heydərovun atasıdır.