Milli bomba (film, 2004)

Milli bomba
Fayl:Milli Bomba (2003).JPG
Janr	komediya filmi
Rejissor	Vaqif Mustafayev
Ssenari müəllifi	Vaqif Mustafayev
Baş rolda	Yaşar Nuri
Operator	Lomer Axvlediani
Bəstəkar	Giya Kançeli
İlk baxış tarixi	2004
Ölkə	Rusiya
Dil	rus dili
IMDb	ID0418001

Məzmun

Film kino sənətindən bəhs edir. Hadisələr 1991-ci ildə baş verir. Yaşlı montajçı(Avtandil Maxaradze) qocaldığı üçün kinostudiyadakı işindən azad olunur. Ancaq o, işini yarımçıq qoymaq istəmir, pul əldə etmək üçün evini satmağa məcbur olur. Lakin evi satın alan bildirir ki, o pulu yalnız rəhmətə gedəndən sonra ala biləcək...

Film Haqqında

• Azərbaycan filmə 300 min dollar ayırmışdır.
• Valeri Kiçin (Rossiyskaya qazeta) “Qafqaz aksentli rus izi – “bomba” partladılana qədər müsabiqə sakit və sönük keçirdi” sərlövhəli məqaləsində Vaqif Mustafayevin peşəkarlıqla çəkdiyi ekran əsərini yüksək qiymətləndirib. Onun fikrincə, Vaqif Mustafayevin müştərək Azərbaycan-Rusiya məhsulu olan “Milli Bomba”sı artıq göstərilmiş filmlər arasında, şübhəsiz, ən yaxşı və sözsüz, mükafatlara layiq filmdir”. V.Kiçin filmi təhlil edərək yazır ki, “ümumiyyətlə, bu film ideyalar kəhkəşanıdır, elə ideyalar ki, onların hər biri heç də az istedadı olmayan müəlliflərin ayrıca filmi üçün kifayət edərdi”. Məqalədə deyilir: ““Milli Bomba” xalqların keçmiş “qardaşcasına dostluğuna” yasin oxumaqdır: burada sovet psixologiyasının “əlacsız izi” var və şanlı Bakı sakinləri ilə yanaşı, gürcülər, qazaxlar, taciklər, yəhudilər də görünür. Burada zurna-qaval çalır, buynuzdan şərab və stəkandan acqarına araq içirlər. Filmdə vaxtilə sahmanlanmış məişətin hənirtisi nəzərə çarpır. İndi onları yenidən heç cürə birləşdirə bilmirlər”.
• Filmin yaradılması ideyası 1991-ci ildə insanların adət etdikləri ənənəvi həyat tərzinin axarının pozulduğu və insanları yeni həyatla ayaqlaşa bilmədikləri bir dövrdə meydana gəlib.

Festivallar və Mükafatlar

1)2004-cü ildə Smolenskdə(Rusiya) MDB və Baltikyanı Ölkələrin Beynəlxalq “Yeni Kino – XXI Əsr” Kinofestivalı

• Film baş Mükafat–Qran Pri almışdır.
• Ən yaxşı kişi roluna görə aktyor Avtandil Maxaradzeyə Mükafat verilmişdir.
• Bəstəkar Giya Kançeliyə xüsusi Mükafat verilmişdir.

2)Novqorodda(Rusiya) “Gülümsə, Rusiya” Komediya Filmləri Festivalı

• Filmə baş Mükafat verilmişdir.

3)2007-ci ildə Varnada(Bolqarıstan) XV Beynəlxalq "Məhəbbət Dəlilikdir" kinofestivalı

• Filmə "Acı Piyalə" Mükafatı verilmişdir.

Namizəd

1)2004-cü ildə Moskva(Rusiya) Beynəlxalq Kinofestivalı

• Film "Qızıl Müqəddəs Georgi" Mükafatına namizəd olmuşdur.

Filmin Heyəti

Filmin üzərində İşləyənlər

Quruluşçu Rejissor : Vaqif Mustafayev

Ssenari Müəllifi : Elçin, Vaqif Mustafayev

Quruluşçu Operator : Lomer Axvlediani, Cimşer Kristesaşvili

Quruluşçu Rəssam : Ağarəhim Əliyev

Bəstəkar : Giya Kançeli

Prodüser : Valeri Ruzin

Rollarda

Avtandil Maxaradze-Montajçı

Lətifə Əliyeva

Arzu Hüseynov-Montajçının oğlu

Yaşar Nuri-Prodüser

Nuriyyə Əhmədova-Montajçının arvadı

Səidə Quliyeva-Əbdülqəninin qızı

Şəfiqə Qasımova

Murad Dadaşov-Montajçı (gənc)

Bəhram Bağırzadə

Əjdər Həmidov-Məmməd

Mənsur Məmmədov

Oqtay Mirqasımov

Gülşad Baxşıyeva

Arif Qasımov

Kazım Abdullayev

Leonid Kuravlyov

Həmçinin Bax

• Portal:Azərbaycan Kinosu

Xarici Keçid

Filmin Videosu

Filmdən Fraqment

YouTube

• Fraqmenti İzlə sayt YouTube