Hilal İmanzadə
| Hilal İmanzadə | |
|---|---|
| Fayl:HilalImanzade.jpg | |
| Şəxsi məlumatlar | |
| Doğum tarixi | |
| Doğum yeri | Beyləqan, Azərbaycan |
| Vəfat tarixi | (24 yaşında) |
| Vəfat yeri | Cəbrayıl, Azərbaycan |
| Dəfn yeri | Beyləqan, Azərbaycan |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti |
 Silahlı Qüvvələr |
| Qoşun növü |
 Xüsusi Təyinatlı Qüvvələr |
| Xidmət illəri | 2016 - 2020 |
| Rütbəsi |
 Gizir |
| Döyüşlər | Vətən müharibəsi |
| Təltifləri |
  |
Hilal İmanzadə (tam adı: Hilal Sabir oğlu İmanzadə; 23 Dekabr 1995; Beyləqan, Azərbaycan — 01 Oktyabr 2020; Cəbrayıl, Azərbaycan) — Azərbaycan Silahlı Qüvvələrinin çavuşu, Vətən müharibəsinin şəhidi.
Həyatı
Hilal İmanzadə 1995-ci il 23 Dekabr Beyləqan rayonunun Mil qəsəbəsində, Sabir İmanzadənin ailəsində anadan olub.[1] 2002-2013-ci illərdə Sabunçu rayonunun 215 nömrəli tam orta məktəbində təhsil alıb. Subay idi.
Hərbi xidməti
Hilal İmanzadə 2013-2015-ci illərdə Azərbaycan Respublikası Dövlət Sərhəd Xidmətinin "N" saylı hərbi hissəsində müddətli həqiqi hərbi xidmətini bitirmişdir. Hərbiyə olan həvəsi onu yenidən hərbiyə yönəltmişdir. 2016-cı ildə Azərbaycan Respublikası Daxili Qoşunlarının Xüsusi Təyinatlı Dəstəsində hərbi xidmətə başlayıb. 2019-cu ildə Türkiyə Silahlı Qüvvələrində snayper kursunda iştirak edib və 14 ölkənin xüsusi təyinatlıları içərisində 1-ci yeri qazanıb. Sonda xidmətlərinə görə 2020-ci ildə Xüsusi Təyinatlı Qüvvələrə seçilib.
Hilal İmanzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib. Snayper kimi düşmənin qorxulu yuxusuna çevrilib. Dörd gün ağır döyüşlərdə düşmənin xeyli sayda canlı qüvvəsini məhv edib. Cəbrayıl rayonu istiqamətində oktyabrın 1-də səhər saatlarında yanına düşən mərminin qəlpələrindən yaralanaraq şəhidlik zirvəsinə ucalıb. Beyləqan rayonu şəhidlər xiyabanında dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi vəzifə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Hilal İmanzadə ölümündən sonra "Vətən uğrunda" medalı və "Cəbrayılın azad olunmasına görə" medalı ilə təltif edildi.[2]
Təltifləri
— "Vətən uğrunda" medalı (ölümündən sonra)
— "Cəbrayılın azad olunmasına görə" medalı (ölümündən sonra)
İstinadlar
- ↑ "Vətən müharibəsində şəhid olan hərbi qulluqçuların siyahısı" (PDF) ( (az.)). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
- ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı" ( (az.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
- 23 dekabrda doğulanlar
- 1995-ci ildə doğulanlar
- 24 yaşında vəfat edənlər
- 1 oktyabrda vəfat edənlər
- 2020-ci ildə vəfat edənlər
- Azərbaycan Silahlı Qüvvələrinin gizirləri
- "Vətən uğrunda" medalı ilə təltif edilənlər
- "Cəbrayılın azad olunmasına görə" medalı ilə təltif edilənlər
- Əlifba sırasına görə hərbi xadimlər
- Cəbrayıl rayonunda vəfat edənlər