Ağcaqayın

Ağcaqayın
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Malvids Dəstə: Sabunağacıçiçəklilər Fəsilə: Sabunağacıkimilər Yarımfəsilə: Hippocastanoideae Cins: Ağcaqayın
Beynəlxalq elmi adı
Acer L., 1753
Şəkil axtarışı ITIS   28727 NCBI   4022 EOL   37290 FW   54688

Ağcaqayın (lat. Acer) — bitkilər aləminin sabunağacıçiçəklilər dəstəsinin sabunağacıkimilər fəsiləsinə aid bitki cinsi.

Arealı

Avropa, Asiya və Şimali Amerikada geniş yayılmışdır.

Botaniki xarakteristikası

Qarşı-qarşıya düzülən yarpaqları dilimli, nadir hallarda lələkvarı mürəkkəb və ya bütövdür; çiçəkləri salxım, yaxud qalxanabənzər çiçək qrupunda toplanmışdır. Meyvəsi ikiqat qanadlıdır. Avropa, Asiya, Şimali Afrika, Şimali Amerika və Mərkəzi Amerikada 150-dək növü məlumdur. Azərbaycanda 8 növü var. Oduncağından mebel, musiqi alətləri və s. hazırlanır. Ağcaqayın dekorativ və ballı bitkidir. Amerikada bəzi növlərin-dən ağcaqayın şəkəri istehsal olunur.

Azərbaycanda hündürlüyü 30 m-ə, diametri 1 m-ə çatan sivriyarpaq və ya çinarabənzər ağcaqayın (lapan) (lat. Acer platanoides), keçəl ağcaqayın (lat. Acer laetum), çöl ağcaqayını (lat. Acer campestre), məxməri ağcaqayın (lat. Acer velutinum), ağ ağcaqayın (lat. Acer pseudoplatanus), trautfetter ağcaqayını (lat. Acer heldreichii subsp. trautvetteri), Hirkan ağcaqayını (lat. Acer hyrcanum) vənyappaq ağcaqaın (Acer negundo) bitir.

Həmçinin bax

• Semyonov ağcaqayını