Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.
Portals — ABŞ müğənnisi Melani Martinesin 31 mart 2023-cü ildə Atlantic Records tərəfindən buraxılan üçüncü studiya albomu.[1] Sənətçi üç ilə yaxın fasilədən sonra yeni alter eqosu “çəhrayı pəri” ilə səhnələrə qayıdıb. Melani Martines əvvəlki iki albomunun baş qəhrəmanı olan “Cry Baby”nin artıq öldüyünü bildirib. Müğənni 2023-cü ildə yeni çıxan albomu üçün konsert turları həyata keçirib (“Portals Tour”).
Melani Martines “Portals”dan üç sinql buraxıb: “Death”, “Void” və “Evil”. İlk ikisi Billboard Hot 100 musiqi cərgəsinə daxil olub. Albom ilk həftəsində 142,000 ədəd sataraq komersiya baxımından uğurlu nəticə göstərib.
Melani Martines 2019-cu ildə “K-12” albomunu özünün baş rol oynadığı eyniadlı filmlə birlikdə buraxıb.[2][3][4] Bundan bir il sonra o, 2020-ci ildə “After School” adlı mini-albomunu təqdim edib. Sənətçi elə həmin il bu yeni buraxılışını “K-12” albomuna daxil edərək delüks versiyası ortaya qoyub. Melani xüsusi olaraq qeyd etdi ki, bu yeni buraxılış “K-12” albomunun ümumi hekayə xətti ilə əlaqəli deyil, yəni musiqi vasitəsilə dedikləri hekayəyə töhfə vermir və ya daha da inkişaf etdirmir. İki il fasilə verən Melani Martines 2023-cü ilin fevralında bütün Instagram paylaşımlarını arxivləşdirməyə başlayıb.[5] Müğənni həmçinin Spotify-da yeni mahnısından on iki saniyəlik snippet buraxıb.[6]
2023-cü ilin fevral ayında Melani dumanlı meşədəki bir göbələyin görüntüləndiyi tizer videosunu paylaşıb. Göbələyin gövdəsinə “RIP Crybaby” ifadəsinin həkk olunduğu əks olunub. Arxa fonda isə yeni mahnısından qısa bir parça səslənir.[7] Melani Martines sosial media hesablarında ehtimal ki, yeni həyat və başlanğıcdan xəbər verən, “dölün inkişafı” və “yumurtadan çıxma” temalı qısa tizer videoları yerləşdirib.[8] Videoların birində Melani “çəhrayı pəri” libasında yumurtadan çıxır.[9] Melani bu müddət ərzində rəsmi veb-saytını da yeniləyib. O, yeni albomunu, onunla bağlı məhsullarla birlikdə əvvəlcədən sifariş üçün açıb.[10] “Portals” 31 mart 2023-cü il tarixində işıq üzü görüb.[11]
Tanıtım
Melani Martines albomun buraxılmasından bir neçə həftə əvvəl Cənubi Amerikada albomda yer alacaq mahnıkardan bəzilərini canlı olaraq səsləndirib. O, Cənubi Amerikanın hər üç Lollapalooza festivallarında,[12] həmçinin Festival Estereo Piknik[13] və Santyaqoda solo şousunda çıxış etmişdir.[14]
