Çingiz Əlioğlu

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Əliyev Çingiz Əli oğlu (29 iyun 1944, Qaryagin) — Azərbaycan şairi, tərcüməçi, Azərbaycan Yazıçılar Birliyinin üzvü (1977), Azərbaycan Respublikasının Əməkdar mədəniyyət işçisi (1991).

Çingiz Əlioğlu
Çingiz Əli oğlu Əliyev
Doğum tarixi	29 iyun 1944(1944-06-29) (80 yaş)
Doğum yeri	Qaryagin, Qaryagin rayonu, Azərbaycan SSR, SSRİ
Milliyyəti	azərbaycanlı
Uşağı	Orman Əliyev
Təhsili	Azərbaycan Dövlət Neft və Sənaye Universiteti
Fəaliyyəti	şair
Üzvlüyü	Azərbaycan Yazıçılar Birliyi
Mükafatları	1991
Vikianbarda əlaqəli mediafayllar

Çingiz Əlioğlu 1944-cü il iyunun 29-da Füzuli şəhərində anadan olmuşdur. Burada B.Sərdarov adına orta məktəbi bitirdikdən sonra M.Əzizbəyov adına Azərbaycan Neft və Kimya İnstitutunun istehsalat proseslərinin avtomatlaşdırılması və texnologiyası fakültəsində təhsil almışdır (1961-1965). Vətəndaş Həmrəyliyi Partiyasının ilk qurucularından və VHP Ali Məclisinin (Ali Şurasının) ilk üzvlərindən biri olub.

Bədii yaradıcılığa "Gənc qələmlər" (1967) toplusunda çıxan "Xatirələr" şerilə başlamışdır. Elə o vaxtdan da fəal ədəbi yaradıcılıqla məşğul olur, dövri mətbuatda şeir, hekayə, ədəbi-bədii tərcümələr və publisistik məqalələrlə müntəzəm çıxış edir.

Əmək fəaliyyətinə "Gənclik" nəşriyyatında redaktor kimi başlamışdır. Orada böyük redaktor (1977-1988), redaksiya müdiri (1988-1991), Azərbaycan Dövlət Nəşriyyatında baş redaktor (1991-1992), Azərbaycan Respublikası Mətbuat və İnformasiya Nazirliyində nəşriyyatlar idarəsinin rəisi vəzifəsində çalışmışdır (1992-.). Gənc şairlərin Ümumittifaq poeziya festivallarında (IV, V, VI) gənc yazıçıların yeddinci Ümumittifaq müşavirəsində və birinci Ümumittifaq toplanışında, Şuşenskoyedə keçirilən yazıçı və tənqidçilərin Ümmuittifaq nəzəri konfranslarında, Krasnoyarsk diyarında, İvanovo-Frankovsk vilayətlərində, Latviya SSR-də keçirilən Sovet ədəbiyyatı günlərində, bir neçə dəfə Moskvada keçirilən Azərbaycan şeiri günlərində, Riqada və Vilnüsdə keçirilən latış, Tilva tərcüməçilərinin beynəlxalq müşavirəsində iştirak etmişdir. Əsərləri keçmiş SSRİ və bir çox Avropa xalqlarının dillərinə tərcümə olunmuşdur. Azərbaycan Yazıçılar İttifaqında gənclərlə iş üzrə komissiyanın üzvüdür.

Beynəlxalq "Kalevala" cəmiyyətinin üzvüdür.

• "Fransisk Skorina" medalı (Belarus), 2015^[1].

Ümumittifaq poeziya müsabiqəsinin üç qalibindən biri kimi "Yunost" jurnalının "Yaşıl yarpaq" mükafatına, Azərbaycan LKGİ MK-nın və Ukrayna KP İvanovo-Frankovsk vilayət komitəsinin fəxri fərmanlarına layiq görülmüşdür. Finlandiya Respublikası Maarif Nazirliyinin təqaüdçüsü (1990).

• 1.Nikbinlik. Bakı: Gənclik, 1969, 28 səh.
• 2.Vağzallar...Yollar... Bakı: Gənclik, 1974, 72 səh.
• 3.Soraqlar sevgi məni. Bakı: Gənclik, 1978, 128 səh.
• 4.Ömür ağacı. Bakı: Yazıçı, 1980, 144 səh.
• 5.Alnından ay doğan adam. Bakı: Yazıçı, 1983, 152 səh.
• 6.Günəşli dayanacaqlar, Bakı: Gənclik, 1984, 200 səh.
• 7.Görüşdən ayrılığa. Bakı: Yazıçı, 1988, 176 səh.
• 8.Tanrını tanı (şeirlər və lirik poemalar). Bakı: Yazıçı, 1991, 336 səh.

(ruscadan)

• 1.İ.Şklyarevski. Quş kölgəsi (povest). Bakı: Gənclik, 1979, 152 səh.
• 2.L.T.Tatyaniçeva. Bir budaq şimşək (Xəlil Rza ilə birgə). Bakı: Gənclik, 1980, 28 səh.
• 3.R.Babloyan. İzsiz bahar (povest və hekayələr). Bakı: Gənclik, 1981, 136 səh.
• 4.Ayven Soutoll. Bəs sabah necə? Bakı: Gənclik, 1986, 250 səh.

1. Gün keçdi (film, 1971)