İntizam Əhməd oğlu Rəhimov (4 yanvar 1959, Qumlaq, Vartaşen rayonu – 5 iyul 1992, Naxçıvanik, Xocalı rayonu) — Baş leytenant.
İntizam Rəhimov | |
---|---|
Şəxsi məlumatlar | |
Doğum tarixi | 4 yanvar 1959 |
Doğum yeri | |
Vəfat tarixi | 5 iyul 1992 (33 yaşında) |
Vəfat yeri | |
Dəfn yeri | |
Vətəndaşlığı | |
Təhsili | |
Hərbi fəaliyyəti | |
Rütbə | baş leytenant |
Döyüşlər |
İntizam Rəhimov 4 yanvar 1959-cu ildə Oğuz rayonunun Qumlaq kəndində anadan olmuşdur. 1966-1976-cı illərdə həmin kənd məktəbində oxumuşdur. 1978-1980-ci illərdə SSRİ silahlı qüvvələrində xidmət etmişdir. İ.Rəhimov 1982-ci ildə Azərbaycan Pedaqoji İnstitunun hərbi hazırlıq fakultəsinə qəbul olmuş və 1986-cı ildə həmin fakultəni bitirmişdir. 1987-ci ildə Oğuz rayon Padar kənd orta məktəbində, daha sonra isə Tayıflı kənd orta məktəbində gənclərin çağırışa qədər hərbi hazırlıq müəllimi işləmişdir.
Qarabağ müharibəsi başlayanda 1992-ci ilin 14 iyununda İntizam könüllü olaraq vətənin müdafiəsinə yollanmışdır. 1992-ci il "Oğuz yurdu" qəzetində İntizam Rəhimova həsr olunmuş "Yarımçıq qalmış ömür" adlı məqalə dərc olunmuşdur.
1992-ci il iyul ayının 5-də Ağdamın Naxçıvanik kəndi uğrunda gedən döyüşlərdə qəhrəmancasına şəhid olmuşdur.
İntizam Rəhimovun ocağında 3 qız övladı doğulub boya başa çatmışdır.
İntizam Rəhimovun adı əbədiləşdirilmiş, oxuduğu Qumlaq kənd tam orta məktəbi (İ.Rəhimov adına Qumlaq kənd tam orta məktəb) və Oğuz şəhərindəki hərbi komissarlığın yerləşdiyi küçə (İ.Rəhimov küçəsi) İntizam Rəhimovun adını daşıyır.