İsmayıl Qəribli
İsmayıl Cavanşir oğlu Qəribli (10 yanvar 1984, Axaməd, İliç rayonu) — Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyasının sədri (2015-2020-ci illərdə), “Naxçıvan Muxtar Respublikasının Dövlət İmtahan Mərkəzi” publik hüquqi şəxsinin sədri (2020-2023-cü illərdə), Naxçıvan Dövlət Universitetinin Hüquq bölməsinin müdiri,Yeni Azərbaycan Partiyası Naxçıvan Muxtar Respublika Təşkilatı İdarə Heyətinin üzvü, Naxçıvan Muxtar Respublikası Ali Məclisinin VI çağırış deputatı [1].
| İsmayıl Qəribli | |
|---|---|
Vəzifədədir | |
| 22 fevral 2020-ci ildən | |
| Seçki dairəsi | 2020 — 4 saylı Yengicə |
| Əvvəlki | Əmir Babayev |
| Şəxsi məlumatlar | |
| Doğum tarixi | 10 yanvar 1984 (40 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
Həyatı
[redaktə | mənbəni redaktə et]İsmayıl Qəribli 10 yanvar 1984-cü ildə Şərur rayonunun Axaməd kəndində anadan olmuşdur.
2005-ci ildə Bakı Dövlət Universitetinin Hüquq fakültəsini Hüquqşünaslıq ixtisası üzrə bitirmişdir. 2009-cu ildə Naxçıvan Dövlət Universitetinin Magistratura fakültəsini Dövlət hüququ ixtisaslaşması üzrə bitirmişdir. 2014-cü ildə Azərbaycan Respublikasının Prezidenti yanında Dövlət İdarəçilik Akademiyasının Rəhbər kadrların ixtisasının artırılması fakültəsini Dövlət və bələdiyyə idarəetməsi ixtisası üzrə bitirmişdir.
2005–2006-cı illərdə həqiqi hərbi xidmətdə olmuşdur.
2007-ci ilin yanvar-aprel aylarında Azərbaycan Respublikası Mərkəzi Bankının Naxçıvan Muxtar Respublikası İdarəsində sədrin köməkçisi vəzifəsində işləmişdir. 2007–2009-cu illərdə Naxçıvan Muxtar Respublikası Ali Məclisi Aparatının Dövlət quruculuğu, ərazi idarəetmə orqanları, deputatlarla və daimi komissiyalarla iş şöbəsində məsləhətçi, 2009–2015-ci illərdə Ali Məclis Aparatının Qanunçuluq və hüquq mühafizə orqanları ilə iş şöbəsində məsləhətçi və böyük məsləhətçi vəzifələrində işləmişdir.
Naxçıvan Muxtar Respublikası Ali Məclisi Sədrinin 19 oktyabr 2015-ci il tarixli 325–04/S nömrəli sərəncamı ilə İsmayıl Cavanşir oğlu Qəribli Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın sədri vəzifəsinə təyin edilmişdir.[2]
Naxçıvan Muxtar Respublikası Ali Məclisi Sədrinin 21 dekabr 2020-ci il tarixli 49-VI FR nömrəli fərmanı ilə İsmayıl Qəribli Naxçıvan Muxtar Respublikasının Dövlət İmtahan Mərkəzinin sədri vəzifəsinə təyin edilmişdir.[3]
2009-cu ildən Naxçıvan Dövlət Universitetinin Beynəlxalq münasibətlər və hüquq fakültəsinin "Hüquq fənləri" kafedrasında müəllim, 2022-ci ildən baş müəllim işləyir.[4]
İctimai-siyasi fəaliyyəti
[redaktə | mənbəni redaktə et]İsmayıl Qəribli Yeni Azərbaycan Partiyası Naxçıvan Muxtar Respublika Təşkilatının İdarə Heyətinin üzvüdür.
Naxçıvan Muxtar Respublikasının Ali Məclisinin VI çağırış üzvüdür. O, 2020-ci ildə 4 saylı Yengicə seçki dairəsi üzrə seçicilərin 3274-nün və ya 67,2 faiz səsini toplayaraq deputat seçilmişdir.[5]
Hazırda Naxçıvan Ali Məclisinin İnsan hüquqları, beynəlxalq münasibətlər və parlamentlərarası əlaqələr komitəsinin üzvüdür.[6] 1 avqust 2023-cü il tarixdən Naxçıvan Muxtar Respublikası Ali Məclisinin Hüquq siyasəti komitəsinin sədri seçilib[7]
Təltifləri
[redaktə | mənbəni redaktə et]Azərbaycan Respublikasının Prezidentinin 2019-cu il 22 iyun tarixli 1284 nömrəli sərəncamı ilə "Dövlət qulluğunda fərqlənməyə görə" medalı ilə təltif olunmuşdur.[8]
İstinadlar
[redaktə | mənbəni redaktə et]- ↑ İsmayıl Cavanşir oğlu Qəribli
- ↑ "huquqiaktlar". 2023-04-30 tarixində arxivləşdirilib. İstifadə tarixi: 2023-04-27.
- ↑ Şərq qapısı
- ↑ "NDU". 2023-04-30 tarixində arxivləşdirilib. İstifadə tarixi: 2023-04-27.
- ↑ Naxçıvan Muxtar Respublikası Mərkəzi Seçki Komissiyası tərəfindən
- ↑ "ali-meclis-komitelerinin-yeni-sedrleri". 2023-05-01 tarixində arxivləşdirilib. İstifadə tarixi: 2023-04-27.
- ↑ "Naxçıvan Ali Məclisinin komitələrinin yeni tərkibi təsdiq edildi - SİYAHI". Day.Az (rus). 2023-08-01. 2024-04-22 tarixində arxivləşdirilib. İstifadə tarixi: 2024-04-22.
- ↑ "president.az". 2023-04-27 tarixində arxivləşdirilib. İstifadə tarixi: 2023-04-27.