Əfqanıstan milli futbol komandası

Əfqanıstan milli futbol komandası (puşt. دافغانستان ملی فوتبال ټیم) — Əfqanıstanı beynəlxalq futbol arenasında təmsil edən və Əfqanıstan Futbol Federasiyası tərəfindən idarə olunan milli komanda. Hazırda baş məşqçisi alman mütəxəssis olan Otto Pfisterdir^[1].

Əfqanıstan Milli Komandası

Assosiasiya	Əfqanıstan Futbol Federasiyası
Sub-konfederasiya	CAFA
Konfederasiya	AFC
Baş məşqçi	Otto Pfister
Kapitan	Fərsad Nur
Ən çox oyun keçirən	Zahob İslam Amiri
Ən çox qol vuran	Balel Arezou
Stadion	Gazi Stadionu
FİFA kodu	AFG
FİFA reytinqi	Əfqanıstan FİFA reytinqi
Ən yüksək FİFA reytinqi	122 (Aprel 2014]])
Ən aşağı FİFA reytinqi	204 (Yanvar 2003)
Elo reytinqi	Əfqanıstan Dünya Elo Reytinqi
Ən yüksək Elo reytinqi	83 (Avqust 1941)
Ən aşağı Elo reytinqi	210 (Noyabr 2010)
Ev forması Səfər forması
İlk beynəlxalq oyunu
İran- Əfqanıstan(0-0)(Kabul, Əfqanıstan-25 avqust,1941)
Ən böyükhesablı qələbəsi
Əfqanıstan- Butan(11-0)(Yeni Dehli, Hindistan-7 dekabr,2011)
Ən böyükhesablı məğlubiyyəti
Türkmənistan- Əfqanıstan(11-0)(Aşqabad, Türkmənistan-19 noyabr,2003)

Tarixi qədim olsa da Əfqanıstan milli futbol komandası bir çox illər ərzində fəaliyyətsiz olmuş^[2]

Əfqanıstan milli futbol komandası hələ 1922-ci ildən mövcud olmuşdur. Lakin ölkənin futbol federasiyası yalnız 1948-ci ildə FİFA-ya üzv ola bilib. 1954-cü ildə isə qurucu üzvlərdən biri kimi Asiya Futbol Konfederasiyasına qatılıb.

1996-2001-ci illərdə ölkədə hakim olan "Taliban" rejiminin təzyiqlərinə məruz qalan milli komanda rəsmi oyunlara çıxmayıb. Nəhayət, 2002-ci ildə Cənubi Koreyada keçirilən Asiya Oyunlarında iştirak edən milli komanda ilk matçında meydan sahibinə 0:2 hesabı ilə məğlub olub. Hazırda bosniya və herseqovinalı baş məşqçi Slaven Slekedziçin çalışdırdığı milli komanda FİFA-nın reytinq cədvəlində 134-cü pillədə yer alıb (2015 sentyabr). Bu siyahıda milli komandanın tarixində ən yüksək göstəricisi 2014-cü ilin aprel ayında qeydə alınmış 122-ci pillədir^[3].

Əfqanıstan millisinin ən böyük uğuru 2013-cü ildə keçirilən Cənubi Asiya Kubokundakı çempionluqdur və bu, həddindən artıq çətin vəziyyətdə olan ölkə üçün dünya çempionluğuna bərabər nailiyyət hesab olunur. Elə həmin il 2013-cü ilin "Qızıl Top" mükafatının təqdimetmə mərasimində Əfqanıstan Futbol Federasiyasının təmsilçisinə FİFA-nın "feyr-pley" mükafatı verilmişdi^[3].

Əfqanıstan milli futbol komandasının ev oyunlarını keçirdiyi əsas stadion "Qazi" stadionudur. Ölkədəki 2-3 beynəlxalq stadiondan biri olan "Qazi" stadionu hazırda azarkeş tutumuna görə (30000 nəfər^[4]) ölkənin ən böyük stadionudur. Burada ilk matç 1 yanvar 1941-ci il tarixində Əfqanıstan və İran milli komandaları arasında keçirilmiş və qarşılaşma 0:0 hesabı ilə başa çatmışdır.

2011-ci ildə meydança bərpa edilib - təbii ot örtüyü süni ot örtüyü ilə dəyişdirilib. Bunda əsas səbəb yay aylarında Əfqanıstanda havaların çox isti keçməsi, eləcə də içməli su problemi idi. 15 dekabr 2011-ci ildə isə Əfqanıstan Milli Olimpiya Komitəsi stadionda açılış mərasimi təşkil etdi. Sözügedən mərasimdə ABŞ-nin bu ölkədəki elçisi Ryan Kroker və Əfqanıstan Milli Olimpiya Komitəsinin prezidenti Məhəmməd Zahir Əkbər kimi şəxslər vardı^[3].

Stadiondan hazırda milli komanda ilə yanaşı, qonşu əyalət və ölkələrin qarşılaşmaları üçün də istifadə olunur^[3].

• Əfqanıstanda futbol
• Əfqan Premyer Liqası
• Əfqanıstan Futbol Federasiyası

Vikianbarda Əfqanıstan milli futbol komandası ilə əlaqəli mediafayllar var.

• Əfqanıstan Futbol Federasiyasının rəsmi saytı Arxivləşdirilib 2007-10-13 at the Wayback Machine
• Official website Arxivləşdirilib 2016-07-01 at the Wayback Machine
• ELORATINGS