Əmmar Nəqşəvani

Seyid Əmmar Nəqşəvani olaraq tanınan Seyid Dr. Əmmar əl-Nəqşəvani (ərəb. عمار النقشواني‎) Britaniya-İraq əsilli intellektual elm adamı, müəllif və natiq.[1]

Seyid Əmmar Nəqşəvani
السيد عمار النقشواني
Seyid Əmmar Nəqşəvani
Seyid Əmmar Nəqşəvani
Doğum tarixi
Vətəndaşlığı İngiltərə İngiltərə
Milliyyəti azərbaycanlı
Atası Emad Nəqşəvani
Elm sahəsi İslam hüququ
Elmi dərəcəsi doktor
Elmi adı akademik
İş yeri
Alma-mater
Təhsili London Universitet Kolleci
Tanınır 2014-cü il 500 ən nüfuzlu müsəlmandan biri
Seyid Əmmarın rəsmi saytı
Vikianbarın loqosu Vikianbarda əlaqəli mediafayllar

Nəqşəvani 2014-cü ildə 500 ən nüfuzlu müsəlman siyahısına daxil edilmişdir. [2] Kolumbiya Universitetinin Orta Şərq İnstitutu və Kembric Universitetinin İslam Araşdırmaları Mərkəzində ziyarətçi elm adamı olmuşdur. Daha əvvəl Hartford Seminariyasında İslam hüququ məktəbləri və Şiə araşdırmaları, dialoquna aid olan İmam Əli kürsüsünü icra etmişdir.

Həyatı və təhsili[redaktə | mənbəni redaktə et]

Nəqşəvani böyük Ayətullah Əbu əl-Qasim əl-Xoyinin Kufədəki nümayəndəsi olaraq vəzifəsini yerinə yetirən Höccətülislam Mürtəza Nəqşəvaninin (vəf.1990-cı il) oğlu Emad Nəqşəvaninin ailəsində anadan olub.[3] Anası mərhum şeyx Məhəmməd-Təqi əl-İrəvaninin qızıdır. Ata tərəfdən etnik azərbaycanlı olaraq yeddinci şiə imamı Musa əl-Kazım vasitəsilə Məhəmmədin nəslindən olduğunu iddia edir.[4] Dayısı Baqir əl-İrəvani Nəcəfin İslam seminariyasında bir fəqih və müəllimdir. 1987-ci ildə ailəsi İngiltərəyə, Birləşmiş Krallığa köçmüşdür.[5]

Təhsili[redaktə | mənbəni redaktə et]

Nəqşəvani London Universitet Kollecində təhsil aldı və 2003-cü ildə psixologiya və hüquq ixtisası üzrə lisenziyasını aldı, eyni zamanda London İqtisadiyyat və Siyasi Elmlər Məktəbində bir illik diplom kursu üzrə təhsil aldı. [6] Ondan sonra magistr dərəcəsini Tehrandakı Şəhid Beheşti Universitetindən və doktorluq dərəcəsini Ekseter Universitetindən almışdır.

Quran perspektivi ilə İslam və insan haqları, İslam və plüralizm, cinsiyyət araşdırmaları mövzularına aid dərslər keçirmişdir.

Təşəbbüslər[redaktə | mənbəni redaktə et]

Nəqşəvani Amerika Ümumdünya Müsəlman Birliyi (UMAA) üçün Birləşmiş Millətlər Təşkilatında xüsusi nümayəndəsi olaraq xidmət edir. Bu rolda qadın hüquqları təşəbbüslərini, sosial inkişafı və dini tolerantlığı təbliğ edir. Nəqşəvani bu mövqedən mədəni irsin, tarixi sənət və memarlığın, qədim ədəbiyyatın qorunması üçün istifadə edir. UMAA-ya qoşulmazdan əvvəl Nəqşəvani İngiltərədəki Kembric Universitetində İslam tədqiqatlarının ziyarətçi alimi kimi çalışmışdır. Bu vəzifədə, bir sıra akademik forumlarda müzakirə etdiyi qədim İslam mətnlərinə dair geniş araşdırma və akademik təhlillər aparmışdır.[6][5][7][8][4]

Karyera[redaktə | mənbəni redaktə et]

2014-cü ildə Nəqşəvani "Təbliğçilər və Ruhani Rəhbərlər" təbəqəsindəki 500 Ən Nüfuzlu Müsəlman (ilk dəfə 2009-cu ildə yayımlanan illik bir nəşr olan The Muslim 500 olaraq da bilinir) siyahısına daxil edildi. [9]

Kembric Universiteti Nəqşəvani İslam tədqiqatlarında ziyarətçi alim olaraq çalışmış və şiə tarixi mətnlərinin qabaqcıl araşdırmaları və akademik təhlillərini aparmışdır.

Hartford seminariyası Nəqşəvani Hartford Seminariyasındakı şiə araşdırmalarında İmam Əli açılış kürsüsünün sədri oldu.

Kolumbiya Universiteti 2016-cı ildə Kolumbiya Universiteti doktor Nəqşəvaninin ziyarətçi alim olaraq xidmət edəcəyini açıqladı.

Harvard Universiteti Doktor Nəqşəvani Harvard Kennedi Məktəbinin Belfer Elm və Beynəlxalq Əlaqələr Mərkəzində İran layihəsinin əlaqələndiricisidir. Diqqəti İslam siyasətinə, eləcə də Orta Şərqdə münaqişə və sülh quruculuğuna yönəlib.


Peşəkar əlaqələr[redaktə | mənbəni redaktə et]

  • Şimali Amerika İslam və Müsəlman Araşdırmaları Birliyi (NAAIMS)
  • Britaniya İslam Araşdırmaları Birliyi (BRAIS)
  • Amerika Tarix Dərnəyi
  • Orta Şərq Araşdırmaları Dərnəyi (MESA)
  • Amerika Din Akademiyası

Kitablar[redaktə | mənbəni redaktə et]

  • Hujr Ibn Adi: A Victim of Terror. Birmingham: Sun Behind the Cloud Publications. 14 June 2013. ASIN B00KNAX64E.

Suriyadakı əhəmiyyətli bir ziyarətgah dağıldıqdan sonra Nəqşəvani yuxarıdakı kitabında "Hucr ibni Adi əl-Kindi (vəf.660-cı il) Məhəmmədin səhabəsi idi. Əməvi xəlifəsi I Müaviyə tərəfindən sarsılmaz olduğuna və şiələrin ilk imamı olan Əlini dəstək və tərifinə görə edama məhkum edildi. "

İstinadlar[redaktə | mənbəni redaktə et]

  1. ↑ "Seyed Ammar Nakhjavani | Belfer Center for Science and International Affairs". www.belfercenter.org (ingilis). 2022-09-10 tarixində arxivləşdirilib. İstifadə tarixi: 2018-04-02.
  2. ↑ "The 500 Most Influential Muslims". 12 May 2018 tarixində arxivləşdirilib. İstifadə tarixi: 12 February 2014.
  3. ↑ Sobhani, Jafar. Yadnameh, Ayatollah Uzma Khoei [Memories, Grand Ayatollah Khoei] (fars). 179. 2022-07-23 tarixində arxivləşdirilib. İstifadə tarixi: 2020-08-30.
  4. ↑ 1 2 Tribune.com.pk. "In conversation with Sayed Ammar Nakshawani on Karachi, peace and unity". The Express Tribune (ingilis). 2017-10-23. İstifadə tarixi: 2020-04-17.
  5. ↑ 1 2 "Profile: Sayed Ammar Nakshawani". Universal Muslim Association of America. 12 April 2013 tarixində orijinalından arxivləşdirilib. İstifadə tarixi: 31 July 2014.
  6. ↑ 1 2 "Crossroads of Islamic Divisions". www.nyu.edu. Shuruq. 25 April 2009 tarixində orijinalından arxivləşdirilib. İstifadə tarixi: 31 July 2014.
  7. ↑ "Ammar Nakshawani". The Muslim 500 (ingilis). 2022-01-22 tarixində arxivləşdirilib. İstifadə tarixi: 2020-04-17.
  8. ↑ "Sayed Ammar Nakshawani". Al-Islam.org (ingilis). 2021-10-20 tarixində arxivləşdirilib. İstifadə tarixi: 2020-04-17.
  9. ↑ "The 500 Most Influential Muslims". 12 May 2018 tarixində arxivləşdirilib. İstifadə tarixi: 12 February 2014.

Xarici keçidlər[redaktə | mənbəni redaktə et]

Vikianbarda Əmmar Nəqşəvani ilə əlaqəli mediafayllar var.