Adilə Əliyeva
Adilə Əliyeva — Fransada yaşayan Azərbaycan əsilli pianoçu.[1]
| Adilə Əliyeva | |
|---|---|
| Adilə Əliyeva | |
 | |
| Doğum yeri | Bakı |
| Vətəndaşlığı | |
| Həyat yoldaşı | Sergey Bespal |
| Milliyyəti | Azərbaycanlı |
| Təhsili | P.İ. Çaykovski adına Moskva Dövlət Konservatoriyası |
| Fəaliyyəti | Fransa Beynəlxalq Musiqi Akademiyasının direktoru |
| Tanınır | Pianoçu |
| Mükafatları |
 |
Həyatı[redaktə | mənbəni redaktə et]
Adilə Əliyeva Bakı şəhərində anadan olub. İlk çıxışı 7 yaşında Leo Qinzburqun dirijorluğu altında keçib. Bülbül adına orta ixtisas musiqi məktəbini bitirəndən sonra P.İ. Çaykovski adına Moskva Dövlət Konservatoriyasına daxil olub, oranı qırmızı diplomla bitirib və aspiranturaya daxil olub. 1980-86-cı illərdə Bakının indiki Yasamal rayonunun deputatı olub.
Fəaliyyəti[redaktə | mənbəni redaktə et]
25 ilə yaxındır ki, Fransanın Annamesse şəhərində yaşayır. O, 50-dən çox ölkənin konsert salonlarında çıxış edib. Dünyanın bir sıra məşhur səsyazma studiyalarında 30-dan artıq kompakt-diski yazılıb, eləcə də 200-dən çox müxtəlif radio və TV-lərdə haqqında mütəmadi xəbərlər, xüsusi verilişlər çəkilib. Bu ölkələrə İngiltərə, Almaniya, Belçika, İsveçrə və s. daxildir. Azərbaycanlı bəstəkarlardan Qara Qarayev, Cövdət Hacıyev, Tofiq Quliyev, Oqtay Rəcəbov, Vaqif Mustafazadə, Arif Məlikov və başqalarının əsərlərini ifa edir.
Adilya Əliyeva Moskva Konservatoriyasından olan professor və solistləri bir araya gətirən "Rusiya ulduzları" nın lideri idi. Adilə Əliyeva Cenevrədə və Annesidə fortepiano professorudur. Yaradıcılıq fəaliyyətində Moskvada Raxmaninov konsertlərinin ən yaxşı ifaçısı müsabiqənin laureatı, Beynəlxalq VILLA-LOBOS müsabiqəsinin laureatı və Zaqafqaziya müsabiqəsinin laureatı olmuşdur.
Azərbaycan musiqisinin dünyada tanınması istiqamətində fəaliyyəti[redaktə | mənbəni redaktə et]
Bütün Avropa və Amerika ölkələrində konsertləri olub. Vatikanda konsertləri təşkil edilib. Haqqında "Musiqidə yaşamaq" adlı bir sənədli film çəkilib. O, bir müddət İsveçrədə də yaşayıb. Həmin dövr ərzində bir çox konsertlərdə ifa edib və Frank Martin kimi helvetik bəstəkarların əsərlərinin səsyazmasında iştirak edib. 30-dan çox kompakt-diskin müəllifidir. İfa etdiyi bəstələrin əksəriyyəti onun üçün bəstələnmişdir.[2]
2001-ci ildən Fransa Beynəlxalq Musiqi Akademiyasının direktoru kimi faəliyyət göstərir, eyni zamanda orada pianinodan dərs deyir. Burada 100-ə yaxın tələbə dərs alır. 1996-cı ildən Fransada hər iki ildən bir adına beynəlxalq müsabiqə keçirilir. Müsabiqə belə adlanır: "Adilə Əliyeva adına pianoçuların beynəlxalq müsabiqəsi". Hər dəfə 255 nəfərə yaxın musiqiçi bu müsabiqədə iştirak edir. Qaliblərin ümumi mükafat fondu 26 min avrodur. Bunun bütün xərcini Fransa dövləti ödəyir.[3]
İstinadlar[redaktə | mənbəni redaktə et]
- ↑ "Bir qərib və "qəribə" həmyerlimiz…". 2018-01-22 tarixində arxivləşdirilib. İstifadə tarixi: 2018-01-11.
- ↑ "Fransada yaşayan və bütün düynada məşhur olan Azərbaycanlı ifaçı Fransa və Azərbaycan şəhərləri arasında çoxtərəfli əlaqələrin inkişaf etdirilməsi təklifini irəli sürüb". 2018-07-04 tarixində arxivləşdirilib. İstifadə tarixi: 2018-01-11.
- ↑ Adilə Əliyeva: "Xaricdə musiqi ifaçılığı həm də diaspor işidir"