Akama məbədi
Akama məbədi (赤間神宮, Akama-cinqu?) – Yaponiyanın Yamaquçi prefekturasının Şimonoseki şəhərində yerləşən şintoist məbədi.[1] Qenpey müharibəsi zamanı öldürülmüş İmperator Antokuya həsr olunmuşdur.[1] Meyci islahatına qədər buddist məbədi olmuşdur.[1]
| Akama məbədi (赤間神宮?) | |
|---|---|
 | |
| 33°57′35″ şm. e. 130°56′54″ ş. u. | |
| Din | |
| Həsr olunub | İmperator Antoku |
| Növü | imperatorluq məbədi |
| Yerləşməsi | |
| Ölkə |
 Yaponiya |
| Prefektura | Yamaquçi |
| Şəhər | Şimonoseki |
| tiki.ne.jp/~akama-jingu/ | |
|
|
|
 Şintoizm terminologiyası | |
Tarixi[redaktə | mənbəni redaktə et]
1185-ci ildə baş verən və Qenpey müharibəsinin həlledici döyüşü olan Dan-no-ura dəniz döyüşündə Minamoto klanına məğlub olan Tayra klanının bir çox üzvü, eləcə də, 7 yaşlı İmperator Antoku suda boğdurularaq öldürülmüşdür.[1] Antokunun nəşi tapılmış və Akamaqesekidə yerləşən bir buddist məbədinin yaxınlığında basdırılmışdır.[1]
1191-ci ildə İmperator Qo-Toba buddist məbədinin adını Amida məbədi olaraq dəyişdirmiş və Antokunun ruhuna dua etmək üçün memorial zalı tikməyi əmr etmişdir.[1] 1875-ci ildə Meyci hökuməti məbədi şintoist məbədinə çevirmiş və adını Akama məbədi olaraq dəyişdirmişdir.[1]
Xüsusiyyətlər[redaktə | mənbəni redaktə et]
Məbəddə saxlanılan ən əhəmiyyətli əşya XIII əsrə aid olan "Heykenin nağılı" əsərinin əlyazmasıdır.[1] Bu əlyazma "Naqato-bon" adı ilə tanınır.[1]
Məbədin illik festivalı hər ilin 7 oktyabr tarixində baş tutsa da, məbəd daha çox hər ilin 23-25 aprel tarixlərində keçirilən Senteysan festivalına görə tanınır.[1] Bu festival İmperator Antokuya ehtiram göstərmək məqsədi ilə baş tutur.[1]
Qalereya[redaktə | mənbəni redaktə et]
-
Məbədin əsas darvazası olan Suyten darvazası.
-
Tayra döyüşçülərinin məzarları.
-
Hayden.
-
İmperator Antokunun mavzoleyi.
İstinadlar[redaktə | mənbəni redaktə et]
Ədəbiyyat[redaktə | mənbəni redaktə et]
- Kodansha Encyclopedia of Japan (ingiliscə). I cild (A–Conso). Tokio: Kodansha. 1983. səh. 40. ISBN 0-87011-621-5. İstifadə tarixi: 18 avqust 2022.