Aqop Balyan

Aqop Balyan (erm. Հակոբ Բալյան; 4 avqust 1838, Konstantinopol, Osmanlı imperiyası – 12 noyabr 1875, Paris) — erməni əsilli Balyan ailəsinə mənsub Osmanlı memarı.^[1]

Aqop Balyan
q.erm. Հակոբ Պալեան
Şəxsi məlumatlar
Doğum tarixi	4 avqust 1838(1838-08-04)
Doğum yeri	Konstantinopol, Osmanlı imperiyası
Vəfat tarixi	12 noyabr 1875(1875-11-12) (37 yaşında)
Vəfat yeri	Paris, Paris, İl de Frans, Fransa metropoliyası, Fransa
Dəfn yeri	Per-Laşez qəbiristanlığı
Fəaliyyəti	memar
Atası	Karpet Balyan
Ailəsi	Balyan ailəsi

Saray memarlarından Karpet Balyanın oğlu olub, 4 avqust 1837-ci ildə İstanbulda dünyaya gəldi. İlk təhsilini tamamladıqdan sonra 1855-ci ildə Parisə göndərildi və burada memarlıq təhsili aldı. 1858-ci ildə memarlıq abidələrini araşdırmaq üzrə getdiyi Venesiyada qardaşı Nikoqos bəyin ölüm xəbərini aldı və dərhal İstanbula qayıtdı. Döndükdən sonra atasının yanında çalışdı və burada təcrübə qazandı. 1866-cı ildə atasının vəfatının ardından böyük qardaşı Sarkislə birlikdə saray memarlığına təyin edildi.

Avedis Bahçevanyanın qızı Pembe xanımla evli olub, xanımının 1873-cü ildə doğuş əsnasında vəfat etməsinin ardından öz səhhəti də pisləşmişdir. Bütün işlərdən əlini çəkən Aqop bəy Avropa şəhərlərini gəzməyə başladı və 12 noyabr 1875-ci ildə Parisdə ikən gənc yaşda vəfat etdi.

Teatr və incəsənətə marağı səbəbilə bir çox sənətkarı və ədibi himayə etdiyi bilinir. 1870-ci ildə Ortaköydəki erməni teatrının binasını inşa etdi. Bir çox fransız ədiblərinin əsərlərini erməni dilinə tərcümə etdirmişdir.

• Afife, Batur, Balyan Ailesi. Kişisel Arşivlerde İstanbul Belleği, Taha Toros Arşivi, 1992, s. 1089.
• Barkev Samuelian. Yüksek Lisans Tezi. Balyan Ailesinin 19. Yüzyılda İstanbul’un dönüşümüne Katkıları. İstanbul Üniversitesi, İstanbul 2020.
• Hançer, Ethem. Sultanın Mimarları Balyanlar, Atlas, İstanbul, 177, 96–108.2007