Artim Şakiri

Artim Şakiri (mak. Артим Шаќири; 23 sentyabr 1973[1][2], Struqa[d]) — yarımmüdafiəçi mövqeyində çıxış etmiş Şimali Makedoniya futbolçusu. Məşqçi. Şimali Makedoniya milli futbol komandasının keçmiş üzvü və kapitanı.

Artim Şakiri
mak. Артим Шаќири
Ümumi məlumatlar
Doğum tarixi 23 sentyabr 1973(1973-09-23)[1][2] (51 yaş)
Doğum yeri
Vətəndaşlığı
Boyu 179 sm
Mövqeyi yarımmüdafiəçi
Karyerası
Gənclik karyerası
Yuqoslaviya Dinamo Livada
Yuqoslaviya Rok
Yuqoslaviya Karaorman
Klub karyerası[* 1]
1991—1994 Şimali Makedoniya Karaorman ? (?)
1994—2000 Şimali Makedoniya Vardar 87 (21)
1997—1998 → İsveç Halmstad 43 (8)
2000 → Almaniya Tennis Borussiya Berlin 14 (0)
2000—2001 Sloveniya HİT-Qoritsa 19 (3)
2001 Sloveniya Korotan 2 (2)
2001—2002 Türkiyə Malatyaspor 23 (3)
2002—2003 Bolqarıstan MOİK Sofiya 20 (5)
2003—2005 İngiltərə Vest Bromviç Albion 28 (1)
2005—2006 Danimarka Olborq 12 (3)
2006 → Finlandiya İnter Turku 5 (3)
2006 İsveçrə Vaduts 10 (0)
2007 Şimali Makedoniya Şkendiya 25 (7)
2008 Albaniya Besa Kavaya 8 (1)
2008—2009 Azərbaycan Qarabağ 22 (7)
Milli yığma[* 2]
1996—2006 Şimali Makedoniya Makedoniya 73 (15)
Məşqçisi olduğu klublar
2012—2013 Şimali Makedoniya Şkendiya
2014—2015 Albaniya Kukesi
2016—2019 Malta Pembruk Atletik
2019—2020 Kosovo Flamurtari
2022 Şimali Makedoniya Şkendiya
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Futbolçu karyerası

[redaktə | mənbəni redaktə et]

Klub karyerası

[redaktə | mənbəni redaktə et]

Artim Şakiri 23 sentyabr 1973-cü ildə Struqa yaxınlığındakı Livada kəndində alban ailəsində anadan olmuşdur.[3][4] Livadanın "Dinamo" komandasının yetirməsidir.[5] Peşəkar karyerasını 1991-ci ildə Struqa şəhərini təmsil edən "Karaorman" klubunda başlayıb. 1992/93 mövsümündə bu komandanın heyətində birinci diviziondan yüksək liqaya vəsiqə qazanıb. Yüksək liqada öz oyunu ilə diqqət çəkməyi bacaran futbolçunu mövsümün sonunda ölkənin aparıcı klubu olan "Vardar" heyətinə qatıb. Vardarın heyətində ölkə çempionatının qızıl (1994/95), gümüş (2000/01) və bürünc (1995/96) mükafatçısı, Makedoniya Kubokunun isə ikiqat (1994/95, 1998/99) qalibi olmuşdur.

1997 və 1998 mövsümlərini icarə əsasında İsveçin "Halmstad" komandasında keçirib. Buradakı ilk mövsümündə ölkə çempionatının qalibi olub. 2000-2001-ci illərdə Sloveniyanın "HİT-Qoritsa" və "Korotan" komandalarında forma geyinib. 2001/02 mövsümünü Türkiyə Super Liqası təmsilçisi olan "Malatyaspor" komandasında keçirib. Burada 23 oyun keçirib, 3 qol vurub. 2002/03 mövsümündə Bolqarıstanın "MOİK Sofiya" klubu ilə ölkə çempionluğu qazanıb. Lakin buna baxmayaq, növbəti mövsüm komandanı tərk edib və Çempionşipdə mübarizə aparan "Vest Bromviç Albion" komandasına keçib. Komanda Çempionşipdə ikinci yeri tutaraq növbəti mövsüm Premyer Liqada çıxış etmək hüququnu qazanıb. 2004/05 mövsümündə əsas heyətə düşməkdə çətinlik çəkib və cəmi 3 oyunda forma geyinib.

2003-2008-ci illər aralığında müvafiq olaraq "Olborq", "İnter Turku", "Vaduts", "Şkendiya" və "Besa Kavaya" komandalarında forma geyinib. 2008-ci ilin yayında Azərbaycanın "Qarabağ" komandasına transfer olunub.[6] Ağdam təmsilçisi mövsümün yekununda ölkə Kubokunun qalibi olub, çempionatı isə beşinci pillədə başa vurub.

Milli karyerası

[redaktə | mənbəni redaktə et]

28 may 1996-cı ildə Bolqarıstan milli komandasına qarşı keçirilmiş yoldaşlıq oyununda Şimali Makedoniya milli futbol komandasının heyətində debüt edib. Şakiri 1996–2006-cı illər aralığında formasını geyindiyi Şimali Makedoniya milli futbol komandasının heyətində ümumilikdə 73 oyun keçirib və 15 qol vurub.

Artim Şakiri Şimali Makedoniya milli futbol komandasının heyətində ən çox oyun keçirmiş altıncı, ən çox qol vurmuş isə dördüncü futbolçudur.[7][8]

Məşqçi karyerası

[redaktə | mənbəni redaktə et]

Artim Şakiri müxtəlif illərdə Şimali Makedoniyanın "Şkendiya", Albaniyanın "Kukesi", Maltanın "Pembruk Atletik" və Kosovonun "Flamurtari" komandalarında baş məşqçi işləyib. "Kukesi" 2014/15 mövsümündə onun rəhbərliyi altında Albaniya çempionatının və Kubokunun gümüş mükafatçısı olub.

Mükafatları

[redaktə | mənbəni redaktə et]
Şimali Makedoniya Vardar
İsveç Halmstad
Bolqarıstan MOİK Sofiya
Azərbaycan Qarabağ

İstinadlar

[redaktə | mənbəni redaktə et]
  1. ↑ 1 2 Artim Sakiri // Transfermarkt (çd.). 2000.
  2. ↑ 1 2 ARTIM SAKIRI // Argentine Soccer Database (isp.).
  3. ↑ "Shaqiri: E ardhmja ime në Angli" (alban). Portalb. 27 December 2012. 24 September 2021 tarixində arxivləşdirilib. İstifadə tarixi: 25 January 2016.
  4. ↑ "Hasi e Shaqiri trajnerët më të mirë shqiptar". alsat-m.tv (alban). 22 December 2014. 25 August 2016 tarixində orijinalından arxivləşdirilib. İstifadə tarixi: 24 August 2016.
  5. ↑ "Artim Shakjiri". macedonianfootball.com. 12 January 2010. 22 April 2016 tarixində arxivləşdirilib. İstifadə tarixi: 10 September 2014.
  6. ↑ "Kapitan, rekordçu, xeyriyyəçi...-Artim Şakiri !". qarabagh.com. 2023-05-29 tarixində arxivləşdirilib. İstifadə tarixi: 2023-06-29.
  7. ↑ Mamrud, Roberto. "(North) Macedonia - Record International Players". RSSSF. 1 December 2022 tarixində arxivləşdirilib. İstifadə tarixi: 2 February 2023.
  8. ↑ "North Macedonia national football team individual records and stats" (ingilis). eu-football.info. 2022-06-09 tarixində arxivləşdirilib. İstifadə tarixi: 2020-07-28.

Xarici keçidlər

[redaktə | mənbəni redaktə et]