Arzu Şirinova
Arzu Xasay qızı Şirinova (d.26.05.1961, Bakı, Azərbaycan) — jurnalist.
| Arzu Şirinova | |
|---|---|
| Doğum tarixi | |
| Doğum yeri | Bakı |
| Vətəndaşlığı |
 Azərbaycan |
| İxtisası | jurnalist |
| Təhsili | Azərbaycan Dövlət Universiteti |
Həyatı
[redaktə | mənbəni redaktə et]Şirinova Arzu Xasay qızı 1961-ci il may ayının 26-da Bakı şəhərində ziyalı ailəsində anadan olmuşdur. 1978-ci ildə Qubadlı rayonunda orta təhsilini başa vurduqdan sonra babası, mərhum xalq yazışısı Əli Vəliyevin yolunu getmək, jurnalist kimi fəaliyyət göstərmək məqsədilə Azərbaycan Dövlət Universitetinin jurnalistika fakültəsinin qiyabi şöbəsinə daxil olmuş və 1985-ci ildə isə ali məktəbi bitirmişdir.
Fəaliyyəti
[redaktə | mənbəni redaktə et]Arzu Şirinova qiyabi təhsil aldığı müddətdə, eyni zamanda, əmək fəaliyyətinə başlamış və Qubadlı rayonunda nəşr olunan "Avanqard" qəzetində işləmişdir. Həmin illərdə "Azərbaycan qadını" jurnalı, "Azərbaycan gəncliyi" və "Bakı" qəzetlərində publisistik məqalələri, oçerkləri və hekayələri dərc olunur. "Olaylar" İnformasiya Agentliyində parlament müxbiri, "7 gün", "Teleskop", "Karvan", "Yeni Zaman", "Hürriyyət" qəzetlərində redaktor vəzifəsində çalışmışdır. Hazırda "Xalq Cəbhəsi" qəzetində redaktor vəzifəsində fəaliyyət göstərir. Arzu Şirinova publisistik, təhlili və köşə yazılarında Azərbaycan dövlətinin milli maraqlarını qoruyan yazılara, işğal altında olan torpaqlarımızın azad edilməsində milli vətənpərvərlik ruhunun yüksəldilməsilə bağlı məqalələrə, Güney Azərbaycan, Azərbaycanın Türk Dünyasında yeri və rolu, ölkəmizin inkişafı, dünyaya inteqrasiyası kimi məqalələrə üstünlük vermişdir.
2011-ci ildə Arzu Şirinovanın müəllifi olduğu "Cənnətin işğalı" adlı kitabı nəşr olunmuşdur.[1]
Məqalələri
[redaktə | mənbəni redaktə et]- Qərəzin ünvanı
- Yurdun qisası
- İtirilmiş ziyalılar
- Nə deyərlər?
- Ziyanlı insanlar
- Bir dəstə qızılgül…
- Uşaqlıq illərimin Şuşası[2]
Mükafatları
[redaktə | mənbəni redaktə et]- 2011-ci ildə Azərbaycan mətbuatında xidmətlərinə görə Mətbuat Şurasının təsis etdiyi Ali Media mükafatına layiq görülüb.
- 2015-ci ildə İlham Əliyevin sərəncamı ilə "Tərəqqi" medalı ilə təltif edilib.
İstinadlar
[redaktə | mənbəni redaktə et]- ↑ "Arzu Şirinovayla müsahibə". 2019-05-12 tarixində orijinalından arxivləşdirilib. İstifadə tarixi: 2018-06-28.
- ↑ "Yazarın məqalələri". 2017-09-23 tarixində orijinalından arxivləşdirilib. İstifadə tarixi: 2018-06-28.
Xarici keçidlər
[redaktə | mənbəni redaktə et]Azərbaycan Respublikası Prezidentinin Sərəncamı