Aysu Anadolu-qızı Gülməmmədli — Ukrayna ictimai-siyasi xadimi, Ukrayna Qarapapaq Türkləri Milli Şurası Rəyasət Heyətinin Sədri[1]
Aysu Gülməmmədli | |
---|---|
Aysu Anadolu-qızı Gülməmmədli | |
Doğum tarixi | |
Doğum yeri | Kiyev şəhəri, , Ukrayna SSR |
Vətəndaşlığı | |
Fəaliyyəti | Ukrayna Qarapapaq Türkləri Milli Şurası Rəyasət Heyətinin Sədri |
Aysu Gülməmmədli 17 noyabr 1985-cu ildə Ukrayna SSR-in Kiyev şəhərində ziyalı ailəsində anadan olub.
Aysu Gülməmmədli ukrayın, rus, və türk dillərində sərbəst danışır.
Aysu Gülməmmədli ictimai-siyasi fəaliyyətə gənc yaşlarından başlayıb. 2003-cü ildə Viktor Yuşşenkonun islahatçı hərakatını dəstəkləyib. Ukraynada baş verən 2004-cü il Narıncı İnqilabın fəal iştirakçısı olub. 2004-cü il prezident seçkiləri zamanı Viktor Yuşşenkonun Bizim Ukrayna Xalq ittifaqına üzvü kimi ictimai-siyasi proseslərdə yaxından iştirak edib.
25 sentyabr 2011-ci ildə Aysu Gülməmmədlinin təşəbbüsü ilə Krımda, Baxçasaray şəhərində Ukrayna Qarapapaq türklərinin ilk görüşü keçirildi və qərara alındı ki Ukraynada yaşayan Qarpapaq türklərinin vahid ictimai təşkilatı təsis edilsin.
12 dekabr 2011-ci ildə Aysu Gülməmmədlinin təşəbbüsü ilə Kiyev vilayətinin İrpen keçirilən Ukrayna Qarapapaq türklərinin ikinci görüşündə, 18 dekabr 2011-ci il tarixdə Kiyevdə Ukrayna Qarapapaq türklərinin Konfransını çağırmaq barədə qərar qəbul edildi.
18 dekabr 2011-ci ildə, Aysu Gülməmmədlinin təşəbbüsü və Gürcüstan Türkləri Konfederasiyasının təşkilatçılığı ilə Ukrayna Qarapapaq türklərinin Konfransı keçirildi. Konfransda Ukrayna Qarpapaq Türkləri Milli Şurası Təşkilat Komitəsi təsis olundu.
19 dekabr 2011-ci ildə Ukrayna Qarapapaq Türkləri Milli Şurası Təşkilat Komitəsinin birinci iclasında Aysu Gülməmmədli Təşkilat Komitəsinin sədri seçildi.
19 dekabr 2011-ci ildən 17 iyul 2012-ci ilə qədər Ukrayna Qarapapaq Türkləri Milli Şurası Təşkilat Komitəsinin sədri vəzifəsini icra edən Aysu Gülməmmədli Ukrayna Qarapapaq türklərinin təşkilatlanması prosesinə birbaşa rəhbərlik etmişdir.
17 iyul 2012-ci ildə Kiyevdə çağrılan Ukrayna Qarpapaq Türklərinin 1-ci Məclisində Aysu Gülməmmədli yeni təsis edilən Ukrayna Qarapapaq Türkləri Milli Şurası Rəyasət Heyətinin tərkibinə daxil edildi.
18 iyun 2012-ci ildə Ukrayna Qarapapaq Türkləri Milli Şurası Rəyasət Heyətinin birinci iclasında Aysu Gülməmmədli Ukrayna Qarapapaq Türkləri Milli Şurası Rəyasət Heyətinin Sədri seçildi.