Ayya (ukr. Айя, yun. Άγια, krımtat. Ayya, Айя) — Ukraynada, Krımın cənub sahilində, Balaklavanın cənub-şərqində, 13 kilometr uzunluğunda sahil burunu. Ərazi Sevastopolun Balaklavski rayonunun bir hissəsidir. Ayya burnu Krımın cənub sahillərini qərbdən məhdudlaşdırır. Burunun adı yunanca "aios" (άγιος – müqəddəs) sözündəndir. Ehtimal olunur ki, yunanlar bu yerləri müqəddəs hesab etmiş və öz əcdadlarını burada dəfn etmişlər.
Ayya burnu | |
---|---|
Yerləşməsi | |
44°25′36″ şm. e. 33°39′12″ ş. u. | |
Ölkə | |
|
|
Vikianbarda əlaqəli mediafayllar |
Bəzi tədqiqatçılar hesab edirlər ki, Ayya burnu qədim yunan və Roma coğrafiyaçılarının haqqında bəhs etdiyi əfsanəvi Kriumetopondur.[1] Burun "Ayya burnunda fırtına" (1875) rəsm əsərində rəssam İvan Ayvazovski tərəfindən təsvir edilmişdir.
Ayya burnu bölgəsində 1955–1956-cı illərdə S-2 "Sopka" raket sistemi qurulmuşdur. Bu, sonradan qanadlı raketlərin buraxılması üçün yenidən qurulmuşdur. 1990-cı illərin ortalarında Rusiya kompleksi Ukraynaya vermişdir. 2014-cü ildə Rusiya Federasiyasına qayıtmışdır.