Azərbaycan-Uruqvay futbol matçlarının siyahısı

Azərbaycan və Uruqvay komandaları indiyədək heç vaxt bir-biri ilə üz-üzə gəlməyib. Lakin bu ölkədən olan futbolçular bizlərə yaxşı tanışdır. Ən azı klublarımızın heyətlərində oynamış uruqvaylılara əsasən müəyyən fikir yürütmək olar. Bu ölkədən Azərbaycana gələnlərin hücumçu olması Tabaresin digər mövqelərlə bağlı nələr çəkdiyinin təcəssümü də sayıla bilər. Vaxtilə "Standard"da parlamış Sebastyan Martines və Anxel Qutyerres, "İnter"in kəşfləri Roman Quello ilə Valter Quqlemon Uruqvay futbolunun nəyə qadir olduğunu ölkəmizdə vurduğu qollarla sübut edib. Sebastyanla Roman artıq okeanın o tayına dönmüş, Anxel "İnter", Valter "Neftçi"də əvvəlki günlərinin nostaljisini yaşayıb. Ötən il Unibank Premyer Liqasının ən yaxşı bombardiri olan Valter 2001-ci ildə Uruqvay milli komandasının şərəfini də qoruyub. O, bu komanda ilə Amerika Kubokunun yarımfinalçısı da olub.