Azərbaycan-Portuqaliya futbol matçlarının siyahısı

Azərbaycan milli komandası indiyədək 4 dəfə Portuqaliya ilə görüşüb ki, bu matçların hamısı tarixi əhəmiyyət kəsb edib. 1999-cu il martın 26-da təsadüf edən ilk matç "Gimaraynş faciəsi"^[1] kimi yadda qalıb. Avro-2000-nin seçmə mərhələsində Gimaraynş şəhərində biabır olan (0:7) Azərbaycan futbolçuları yarım il keçməmiş toparlanaraq Bakıda Luiş Fiqu və komandasını qələbəyə həsrət qoymuşdular – 1:1. Həmin oyundan 1 gün əvvəl 1999-cu il sentyabrın 3-də isə Tofiq Bəhramov adına Respublika Stadionunda tarixi hadisə yaşandı. Matçın gedişində işıqların sönməsi futbolçuları soyunub-geyinmə otağına yolladı. Ertəsi gün isə Zaur Tağızadə rəqibi "işığını söndürdü". Hesabı açan, oyunun sonlarında meydandan qovulan 20 yaşlı istedad bu qolla "Qızıl oğlan" adını qazandı. Portuqaliyalılar isə Luiş Fiqunun qolu ilə 1 xala son dəqiqələrdə sevindilər. Avro-2000-də olduğu kimi, Avro-2008-ində seçmə mərhələsində iki yığma eyni qrupda yer aldı. 2006-cı il oktyabrın 7-dəki matçda millimiz yenə darmadağın oldu – 0:3. Kriştiano Ronaldo 2 qol vursa da, indiyədək hesaba alınmayan 3-cü qolunu xatırlayır: "Karyeramın ən gözəl qolunu Azərbaycana vurdum. Lakin o topu hesaba almadılar". İlk 2 matçda olduğu kimi, 2007-ci ilin oktyabrına təsadüf edən portuqaliyalılarla sonuncu matç da qırmızı vərəqə ilə yadda qaldı. Bu dəfə Ronaldoya dirsək atıb, onu yerə sərən Aslan Kərimov komandamızı azlıqda qoydu və qonaqlar 2 cavabsız qolla Bakını qalib kimi tərk etdilər.

Portuqaliya komandaları ilə Azərbaycanın görüşləri təkcə millinin matçları ilə bitmir. Avrokuboklarda bu ölkənin klubları ilə qarşılaşacaq səviyyədə irəliləyə bilməyən Azərbaycan klublarından fərqli, yığmalar dəfələrlə pireneylilərlə görüşüb. Avro-2000-də U-21 rəqibin gücünə şahid olub – 0:5 və 0:2. U-19 isə 2005-ci ilin payızında aldığı zərbənin (1:5) əvəzini 2010-cu ildə 2:2 etməklə çıxa bildi.

Bundan başqa, Azərbaycanın çimərlik yığması və futzal milliləri də hərəyə 2 dəfə Portuqaliya ilə üz-üzə gəlib. Qumda uduzduqları (4:6 və 2:5) rəqiblə zallardakı matçlarımızda bərabərlik qeydə alınıb. Avro-2010-nun həm seçmə mərhələsində, həm də final mərhələsindəki görüşlər 3:3 hesabı ilə başa çatıb. Sonuncu oyun yarımfinala təsadüf etdiyindən qarşılaşmanın taleyini penaltilər həll edib və Azərbaycan finala çıxa bilməyib.

Ronaldonun həmyerliləri üzərində Azərbaycanın yeganə qələbəsini isə 19 yaşadək qızlardan ibarət yığma əldə edib. Onlar 2008-ci ildə rəqibini 2 cavabsız qolla məğlub ediblər.

Azərbaycan və Portuqaliya futbolları arasında ilk "elçi" Vəli Qasımov olub. 1997/98 mövsümündə "Setubal" klubuna keçən hücumçu iki mövsüm çıxış etdiyi Portuqaliyanın güclülər dəstəsində 41 oyuna 15 qol vurub. Sonradan keçdiyi aşağı dəstə təmsilçisi "İmortal"da 46 qarşılaşmaya 16 qol vurub. Vəlidən əvvəl olmadığı kimi, sonra da "ikinci eşelon" ölkələrinin çempionatlarında oynayan ikinci azərbaycanlı yoxdur. Əvəzində portuqaliyalılar Azərbaycan klublarına gəlməyə başlayıb. Təkcə son mövsüm bu ölkənin iki təmsilçisi Azərbaycanda top qovub. Bunlar "Standard"da çıxış edən Huqo Maçado və "Qəbələ"nin üzvü olan Paulino Tavaresdir.

1. 26.03.1999 Gimaraynş AÇSO Portuqaliya – Azərbaycan 7:0
2. 04.09.1999 Bakı AÇSO Azərbaycan – Portuqaliya 1:1
3. 07.10.2006 Portu AÇSO Portuqaliya – Azərbaycan 3:0
4. 13.10.2007 Bakı AÇSO Azərbaycan – Portuqaliya 0:2
5. 11.09.2012 Braqa DÇSO Portuqaliya – Azərbaycan 3:0
6. 26.03.2013 Bakı DÇSO Azərbaycan – Portuqaliya 0:2
7. 24.03.2021 Portuqaliya DÇSO Portuqaliya – Azərbaycan 1:0
8. 07.09.2021 Bakı DÇSO Azərbaycan – Portuqaliya 0:3

1. 25.03.1999 Gimaraynş AÇSO Portuqaliya – Azərbaycan 5:0
2. 02.09.1999 Bakı AÇSO Azərbaycan – Portuqaliya 0:2
3. 15.10.2013 Bakı AÇSO Azərbaycan – Portuqaliya 0:2
4. 09.09.2014 Rio Mayor AÇSO Portuqaliya – Azərbaycan 3:1

1. 27.09.2005 Beggen, Lüksemburq AÇSO Portuqaliya – Azərbaycan 5:1
2. 11.10.2010 Parşal, Portuqaliya AÇSO Portuqaliya – Azərbaycan 2:2

1. 22.10.2010 Fao AÇSO Portuqaliya – Azərbaycan 2:0
2. 19.03.2015 Bakı, Azərbaycan AÇSO Azərbaycan – Portuqaliya 0:3
3. 05.05.2016 Bakı, Azərbaycan AÇQM Azərbaycan – Portuqaliya 0:5

1. 25.03.2015 Felqeyraş BT Portuqaliya – Azərbaycan 5:0

1. 29.03.2015 Matozinyuş BT Portu (U-16) – Azərbaycan (U-16) 1:1
2. 20.10.2018 Lissabon, Portuqaliya, UEFA Avropa Liqası Sportinq – Qarabağ 2:0
3. 29.11.2018 Bakı, Azərbaycan, UEFA Avropa Liqası Qarabağ – Sportinq 1:6
4. 15.02.2024 Braqa, Portuqaliya, UEFA Avropa Liqası Braqa – Qarabağ 2:4
5. 22.02.2024 Bakı, Azərbaycan, UEFA Avropa Liqası Qarabağ – Braqa 2:3

1. 29.10.2024 Vizel, Portuqaliya AÇSO Portuqaliya - Azərbaycan -:-

1. 02.10.2019 Braqa, Portuqaliya AÇSO Portuqaliya - Azərbaycan 6:0

1. 14.10.2014 Bük, Macarıstan AÇSO Portuqaliya - Azərbaycan 2:0

1. 28.01.2010 Debretsen, Macarıstan AÇSO Portuqaliya – Azərbaycan 3:3
2. 01.02.2012 Zaqreb, Xorvatiya AÇSO Portuqaliya – Azərbaycan 4:1
3. 17.09.2013 Fundau, Portuqaliya YO Portuqaliya – Azərbaycan 1:1
4. 18.09.2013 Kaştelu-Branku, Portuqaliya YO Portuqaliya – Azərbaycan 5:0
5. 25.09.2016 Kali, Kolumbiya DÇ Portuqaliya – Azərbaycan 3:2
6. 06.02.2018 Lyublyana, Sloveniya AÇ Portuqaliya – Azərbaycan 8:1

1. 24.11.2013 Almada, Portuqaliya UK(e.r.) Sportinq – Araz-Naxçıvan 3:6
2. 10.10.2019 Halle, Belçika ÇL Benfika - Araz-Naxçıvan -:-

1. 02.11.2017 Portuqaliya YYOO Portuqaliya (U-17) – Azərbaycan (U-17) 10:0

1. 07.06.2009 İspaniya DÇSO Portuqaliya – Azərbaycan 6:4
2. 16.07.2010 Bibiano, İtaliya AÇSO Portuqaliya – Azərbaycan 5:2
3. 26.06.2015 Bakı, Azərbaycan AO Azərbaycan – Portuqaliya 4:6
4. 11.08.2017 Şiofok, Macarıstan AL Azərbaycan – Portuqaliya 3:9
5. 24.06.2018 Bakı, Azərbaycan AL Azərbaycan – Portuqaliya 0:6
6. 07.09.2018 Algero, İtaliya AÇ Azərbaycan – Portuqaliya 0:9
7. 17.06.2021 Nazare, Portuqaliya DÇSO Azərbaycan – Portuqaliya 2:7
8. 26.06.2021 Nazare, Portuqaliya DÇSO Portuqaliya – Azərbaycan 6:1
9. 28.06.2023 Krakov, Polşa AO, Portuqaliya – Azərbaycan 5:2

1. 06.06.2015 Kataniya, İtaliya AÇL, Braqa – Əmrahbank 4-3

• "32"lər: Ronaldo və "kölgələri"

• Estatísticas na FIFA Arxivləşdirilib 2013-04-25 at Archive.today  (ing.)