Azərbaycan Müəllimlər İnstitutunun Salyan filialı

Bu adın digər istifadə formaları üçün bax: Azərbaycan Müəllimlər İnstitutu (dəqiqləşdirmə).

Azərbaycan Müəllimlər İnstitutunun Salyan filialı — Azərbaycan Respublikası Təhsil Nazirliyinin tabeliyində olan ali təhsil müəssisəsi[1].

Azərbaycan Müəllimlər İnstitutunun Salyan filialı
AMİ
Əsası qoyulub 13 iyun 2000
Bağlanıb 24 iyul 2015
Şəhər Salyan
Ölkə

Azərbaycan Müəllimlər İnstitutunun Salyan filialı Azərbaycan Respublikasının Prezidenti Heydər Əliyevin 13 iyun 2000-ci il tarixli 349 nömrəli Fərmanı[2] ilə Salyan Kənd Təsərrüfatı Texnikumunun bazasında yaradılmışdır.

Azərbaycan Respublikası Təhsil Nazirliyinin Dayaq məntəqələri şəbəkəsinin yaradılması barədə 30 noyabr 2000-ci il tarixli əmri əsasında pedaqoji kadrların ixtisasının artırılması məqsədilə AMİ-də və filiallarında dayaq məntəqələrinin dislokasiyası yaradılmış və Salyan filialının dislokasiyasına Salyan, Əli Bayramlı, Neftçala və Hacıqabul rayonları daxil edilmişdir.

2001-ci ildə filialda "Məktəbəqədər təhsilin pedaqogikası və metodikası" kafedrası, həmçinin müəllimlərin yenidən hazırlanması, ixtisasının artırılması və təkmilləşdirilməsi məqsədi ilə fakültələr yaradılmışdır.

2003/2004–cü tədris ilində ixtisasartırma təhsili üzrə 21 qrup fəaliyyət göstərmiş, 520 nəfər müdavim ixtisasını artırmışdır.

2003–cü ildə Tələbə Elmi Cəmiyyəti yaradılmışdır.

3 fevral 2006-cı ildə filialın nəzdində aşağıdakı kafedralar yaradılmışdır:

  1. "Humanitar fənlər və onların tədrisi metodikası";
  2. "Riyaziyyat, təbiət – texniki fənlər və onların tədrisi metodikası".

Filial Azərbaycan Respublikası Prezidentinin 24 iyul 2015-ci il tarixli Sərəncamına əsasən ləğv edilmişdir.[3]

Mənbə[redaktə | mənbəni redaktə et]

İstinadlar[redaktə | mənbəni redaktə et]

  1. ↑ ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı.[ölü keçid]  (az.)
  2. ↑ "Azərbaycan Respublikasında təhsil sisteminin təkmilləşdirilməsi haqqında" Azərbaycan Respublikasının Prezidentinin 13 iyun 2000-ci il tarixli, 349 nömrəli Fərmanı. e-qanun.az Arxivləşdirilib 2014-11-09 at the Wayback Machine  (az.)
  3. ↑ "Mingəçevir Dövlət Universitetinin yaradılması barədə" Arxivləşdirilib 2021-01-18 at the Wayback Machine Azərbaycan Respublikası Prezidentinin 24 iyul 2015-ci il tarixli Sərəncamı. 24.07.2015, president.az  (az.)
Graduation hat.svg Universitet ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.