Aqiyə Naxçıvanlı

Aqiyə Həbib qızı Naxçıvanlı (11 mart 1950, Vartaşen) — Azərbaycan Respublikası Milli Məclisinin IV, V və VI çağırış deputatı, Azərbaycan Müəllimlər İnstitutunun keçmiş rektoru. Milli Məclisin Ailə, Qadın və Uşaq Məsələləri komitəsinin sədri[1], Azərbaycan Respublikasının əməkdar müəllimi.[2]

Aqiyə Naxçıvanlı
Şəxsi məlumatlar
Doğum tarixi 11 mart 1950(1950-03-11) (73 yaş)
Doğum yeri
Partiya
Təhsili
Elmi fəaliyyəti
Elmi adı professor
Təltifləri "Əməkdə fərqlənməyə görə" medalı "Şöhrət" ordeni "Azərbaycan Xalq Cümhuriyyətinin 100 illiyi" yubiley medalı "Azərbaycan Ordusunun 100 illiyi" yubiley medalı "Azərbaycan Polisinin 100 illiyi" yubiley medalı
Azərbaycan Respublikasının əməkdar müəllimi

Həyatı[redaktə | mənbəni redaktə et]

Aqiyə Naxçıvanlı 11 mart 1950-ci ildə Oğuz şəhərində anadan olub. 1957–1960-cı illərdə Oğuz (Vartaşen) şəhər 1 N-li orta məktəbin şagirdi olub. 1967–1972-ci illərdə M. F. Axundov adına Azərbaycan Pedaqoji Dillər İnstitutunun (Bakı Slavyan Universiteti) tələbəsi olub. 2015-ci ildə Azərbaycan Respublikasının Parlament seçkisində Milli Məclisin deputatı və Milli Məclisin Ailə, qadın və uşaq məsələləri komitəsinin sədri seçilib.

Ailəsi[redaktə | mənbəni redaktə et]

Azərbaycan Respublikası Prezidentinin Administrasiyasının ərazi-təşkilati məsələləri şöbəsi müdirinin sabiq müavini Hüseyn Şərif oğlu Mövsümovla[3] ailəlidir[4], 2 övladı var.

Fəaliyyəti[redaktə | mənbəni redaktə et]

1972-ci ildə təyinatla Oğuz rayon 2 N-li orta məktəbinə rus dili müəllimi göndərilib. Həmin illərdə məktəb – müəllim komsomol təşkilatının sədri seçilib. 1973-cü ildə Oğuz rayonunun Komsomol Komitəsinin məktəbli gənclərlə iş üzrə katibi seçilib. 1974–1977-ci illərdə Oğuz rayonu Komsomol Komitəsinin birinci katibi təyin edilib. 1975–1977-ci illərdə Rayon Partiya Komitəsinin büro üzvü, Rayon Xalq Deputatları Sovetinin deputatı seçilib.

  • 1977-ci ildə Azərbaycan LKGİ (Lenin Kommunist Gənclər Ittifaqının) Mərkəzi Komitəsinin məktəbli-gənclər şöbəsinin müdiri təyin edilib, Komsomolun Mərkəzi komitəsinin plenum üzvü seçilib.
  • 1978–1980-ci illərdə Bakı Ali Partiya məktəbinin müdavimi olub.
  • 1980–1983-cü illərdə Naxçıvan Vilayət Partiya Komitəsinin ümumi şöbəsində təlimatçı vəzifəsində işləyib.
  • 1983-cü ildən 26 Bakı komissarı adına Rayon Partiya Komitəsinin təşkilat şöbəsində təlimatçı vəzifəsində işləyib.
  • 1986–1995-ci illərdə Bakı Ali Partiya məktəbinin "Rus dili və ədəbiyyatı" kafedrasında baş müəllim vəzifəsində işləyib.
  • 1995-ci ildə Bakı Sosial İdarəetmə və Politologiya İnstitutunun "Azərbaycan və rus dili" kafedrasının müdiri vəzifəsində çalışıb.
  • 1996-cı ildə Azərbaycan Respublikası Prezidenti yanında Ali Attestasiya Komissiyasının qərarı ilə fəlsəfə elmləri namizədi alimlik dərəcəsi verilmişdir.
  • 1996–1999-cu illərdə Bakı Sosial İdarəetmə və Politologiya İnstitutunun elmi katibi, Aspirantura şöbəsinin müdiri vəzifəsində çalışıb, eyni zamanda "Fəlsəfə" kafedrasının dosenti olub.
  • 1999–2004-cü illərdə Azərbaycan Respublikası Prezidenti yanında Dövlət İdarəçilik Akademiyasının "Siyasi idarəetmə" fakültəsinin dekanı vəzifəsində çalışıb.
  • 2002-ci ildə elmi pedaqoji fəaliyyətinin 30 illiyi münasibətilə rektorluq tərəfindən təşəkkür elan edilmişdir.
  • 2003-cü ildə Azərbaycan Respublikasının Prezidenti yanında Ali Attestasiya Komissiyasının qərarı ilə "Fəlsəfə və Sosial psixologiya" kafedrasının dosenti elmi adı almışdır.
  • 2004-cü ildə Azərbaycan Respublikasının Prezidenti yanında Ali Attestasiya Komissiyasının qərarı Siyasi elmlər doktoru alimlik dərəcəsi verilmişdir.
  • 2000–2005-ci illərdə Səbail rayon YAP qadınlar şurasının sədr müavini seçilmişdir.
  • 2005-ci ildə Azərbaycan Respublikası Prezidentinin 28 mart, 713 saylı Sərəncamı ilə Azərbaycan Müəllimlər İnstitutunun rektoru vəzifəsinə təyin olunmuşdur.
  • 2007-ci ildə Azərbaycan Respublikasının Prezidenti yanında Ali Attestasiya Komissiyasının qərarı ilə professor elmi adı verilmişdir.
  • 2007-ci ildə Beynəlxalq Kadr Akademiyasının rəyasət heyətinin qərarı ilə "Fəxri akademik" adına layiq görülmüşdür.
  • 2008-ci ildə Nərimanov rayon YAP siyasi şurasının üzvü seçilib.
  • 2010-cu ildə Azərbaycan Respublikasının Parlament seçkisində Milli Məclisin deputatı seçilib. Ehtiyatda olan tibb bacısıdır.
  • 2015-ci ildə Azərbaycan Respublikasının Parlament seçkisində Milli Məclisin deputatı seçilib, Milli Məclisin Ailə, Qadın və Uşaq Məsələləri komitəsinin sədri[1].

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 3 "Milli Məclisin Ailə, qadın və uşaq məsələləri komitəsinin sədri". 2022-08-01 tarixində arxivləşdirilib. İstifadə tarixi: 2019-07-12.
  2. ↑ 1 2 "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin 25 sentyabr 2008-ci il tarixli, 3062 nömrəli Sərəncamı" (az.). e-qanun.az. 2008-09-25. 2020-04-08 tarixində arxivləşdirilib. İstifadə tarixi: 2020-04-08.
  3. ↑ "Prezident göstəriş verdi". 2022-01-05 tarixində arxivləşdirilib. İstifadə tarixi: 2022-08-01.
  4. ↑ "Prezident Administrasiyasında KADR DƏYİŞİKLİYİ — FOTOLAR". 2022-08-01 tarixində arxivləşdirilib. İstifadə tarixi: 2022-08-01.