Azərbaycan Səmti Müəyyənetmə İdman Federasiyası

Azərbaycan Səmti Müəyyənetmə İdman Federasiyası — Azərbaycanda səmti müəyyənetmə idman növünün inkişafı üçün 2011-ci ildə yaradılmış qurum.

Azərbaycan Səmti Müəyyənetmə İdman Federasiyası
ASMEİF
Loqonun şəkli
Azərbaycan Səmti Müəyyənetmə İdman Federasiyasının logosu
Növü İdman federasiyası
Fəaliyyəti Səmti müəyyənetmə
Yaranma tarixi 2011
Mərkəzi Bakı
Prezident Mirəli Kazımov
Rəsmi veb saytı

Mənzil-qərargahı Bakı şəhərində yerləşən[1] idman federasiyası, 2012-ci ildən etibarən respublika üzrə keçirilən səmti müəyyənetmə çempionatlarının əsas təşkilatçısı, beynəlxalq yarışların isə Azərbaycan üzrə ilk və tək iştirakçısıdır.[2][3][4][5][6] Federasiyaya hazırda Mirəli Kazımov rəhbərlik edir.[7]

Tarixi[redaktə | mənbəni redaktə et]

Əsası Finlandiyada qoyulan və 1977-ci ildən bəri Beynəlxalq Olimpiya Kommitəsi tərəfindən tanınan orienterinq, Azərbaycanda əsasən səmti müəyyənetmə adı ilə bilinir. Sözügedən idman növünün ölkədə inkişafı və geniş vüsət alması 1960-ci illərə təsadüf edir. Belə ki, 1963-cü ildə SSRİ-də keçirilən çempionatda azərbaycanlı atletlər də iştirak etmişdir.[8] Müstəqillik dönəmində ilk ölkə çempionatı 1995-ci ildə keçirimişdir. 2011-ci ildə isə Azərbaycanda səmti müəyyənetmə idman növünün inkişafı, o cümlədən bu idman sahəsinə dair fəaliyyətlərin yerli və beynəlxalq miqyasda koordinasiyası məqsədilə Azərbaycan Səmti Müəyyənetmə İdman Federasiyası (ASMEİF) təsis olunmuşdur.[8]

Federasiya fəaliyyətə başladıqdan qısa müddət sonra, 2012-ci ilin oktyabrında Nabranda Azərbaycanda ilk dəfə səmti müəyyənetmə idman növü üzrə Azərbaycan xalqının ümummilli lideri Heydər Əliyevin xatirəsinə həsr olunmuş Prezident Kuboku uğrunda yarış keçirdi. Yarış zamanı, Azərbaycan tarixində ilk dəfə olaraq, müasir kompüter sistemlərinin tətbiqi ilə hər iştirakçının distant elektron qeydiyyatı baş tutmuşdur.[2]

Fəaliyyəti[redaktə | mənbəni redaktə et]

Beynəlxalq yarışlarda iştirakı[redaktə | mənbəni redaktə et]

Azərbaycan Səmti Müəyyənetmə İdman Federasiyası, Beynəlxalq Səmti Müəyyənetmə Federasiyasının təşkilatçılığı ilə 2013-cü ilin iyulunda Finlandiyada keçirilən səmti müəyyənetmə idman növü üzrə dünya çempionatında iştirakı ilə qlobal miqyasda intensiv fəaliyyətə başladı. Müstəqil Azərbaycanın tarixində ilk dəfə olaraq, azərbaycanlı atletlər Beynəlxalq Səmti Müəyyənetmə Federasiyası tərəfindən dünya çempionatından iştirak üçün dəvət almış və milli yığma 4 idmançı, 1 məşqçidən ibarət heyyətlə sözügedən tədbirdə iştirak etmişdir.[9]

2014-cü ildə, federasiya rəsmiləri Beynəlxalq Səmti Müəyyənetmə Federasiyası və İtaliya Səmti Müəyyənetmə Federasiyası tərəfindən fəal inkişafa istiqamətləndirilmiş seminar və praktik məşğələlərdə və ardınca da İsveçrədə məşqçilik, xəritəçilik və yarış təşkilatçılığı üzrə keçirilən tədris kurslarında iştirak etmişlər.[10] Həmin ilin aprelində Portuqaliyada Avropa Çempionatında, iyulunda isə İtaliyanın Lavarone şəhərində keçirilən səmti müəyyənetmə üzrə dünya çempionatında Azərbaycanı ASMEİF-in atletləri uğurla təmsil etmişlər.[11]

Yerli yarışlarda iştirakı[redaktə | mənbəni redaktə et]

ASMEİF 2012-ci ildən etibarən, Azərbaycanda keçirilən səmti müəyyənetmə üzrə yarışların əsas təşkilatçısıdır. Çoxkateqoriyalı yarışlar əksərən Şabran rayonunun Qalaaltı və Xaçmaz Rayonunun şimal hissəndəki meşə zolaqlarında, zaman-zaman İçərişəhərdə və Binəqədi Rayonu ərazisində keçirilib.[3][4][5][6] 2016-cı ilin iyulunda isə məxsusi olaraq, azyaşlılar üçün Qala Arxeoloji-Etnoqrafik Muzey Kompleksində kiçik bir turnir təşkil edilmiş, həmçinin izahedici dərs və praktiki təlim də keçirilmişdir.[12]

2019-cu ildə, Azərbaycan Ordusunda hərbi qulluqçular arasında növbəti səmti müəyyənetmə yarışlarına start verilmiş və qeyd edilər yarışlarda nəticələrin qiymətləndirilməsində Azərbaycan Səmti Müəyyənetmə İdman Federasiyasının hakimlər komissiyasının üzvləri də iştirak etmişdir.[13]

Xarici əlaqələri[redaktə | mənbəni redaktə et]

Azərbaycan Səmti Müəyyənetmə İdman Federasiyası, 2013-cü ildən Beynəlxalq Səmti Müəyyənetmə Federasiyasının üzvüdür.[14] Bundan əlavə, 2019-cu ildə ASMEİF ilə Türkiyə Səmti Müəyyənetmə Federasiyası arasında təhsil, məşğələ, düşərgə və yarış kimi maddi-texniki məsələlərdə birgə fəaliyyət barədə müqavilə imzalanmışdır.[15]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "Səmti Müəyyənetmə İdman Federasiyasının növbəti hesabat-seçki konfransı keçirilib". azertag.az (az.). Azərbaycan Dövlət İnformasiya Agentliyi. 22 noyabr 2017. 21 noyabr 2020 tarixində arxivləşdirilib. İstifadə tarixi: 21 noyabr 2020.
  2. ↑ 1 2 "Nabranda ümummilli lider Heydər Əliyevin xatirəsinə həsr edilmiş səmti müəyyən etmə idman növü üzrə "Prezident kuboku" turniri başlanmışdır". azertag.az (az.). Azərbaycan Dövlət İnformasiya Agentliyi. 20 oktyabr 2012. 23 noyabr 2020 tarixində arxivləşdirilib. İstifadə tarixi: 23 noyabr 2020.
  3. ↑ 1 2 "Səmti müəyyən etmə idman növü üzrə növbəti respublika çempionatı başa çatıb". trend.az (az.). Trend İnformasiya Agentliyi. 29 Oktyabr 2013. 21 noyabr 2020 tarixində arxivləşdirilib. İstifadə tarixi: 21 noyabr 2020.
  4. ↑ 1 2 "Heydər Əliyevin xatirəsinə həsr olunmuş səmti müəyyən etmə idman növü üzrə Beynəlxalq Kubok yarışı keçirilib". trend.az (az.). Trend İnformasiya Agentliyi. 3 iyun 2014. 21 noyabr 2020 tarixində arxivləşdirilib. İstifadə tarixi: 21 noyabr 2020.
  5. ↑ 1 2 "Azərbaycanda səmti müəyyənetmə üzrə yarışlar keçirilib". trend.az (az.). Trend İnformasiya Agentliyi. 12 may 2015. 21 noyabr 2020 tarixində arxivləşdirilib. İstifadə tarixi: 21 noyabr 2020.
  6. ↑ 1 2 "Səmti müəyyənetmə üzrə Açıq Ölkə Çempionatı keçirilib". trend.az (az.). Trend İnformasiya Agentliyi. 19 oktyabr 2016. 21 noyabr 2020 tarixində arxivləşdirilib. İstifadə tarixi: 21 noyabr 2020.
  7. ↑ "International Orienteering Federation website issues article about Azerbaijani athletes". azertag.az (ingilis). Azərbaycan Dövlət İnformasiya Agentliyi. 20 aprel 2020. 21 noyabr 2020 tarixində arxivləşdirilib. İstifadə tarixi: 21 noyabr 2020.
  8. ↑ 1 2 "Azərbaycanda səmti müəyyən etmə idman növünün perspektivləri müzakirə edilib". trend.az (az.). Trend İnformasiya Agentliyi. 23 oktyabr 2012. 21 noyabr 2020 tarixində arxivləşdirilib. İstifadə tarixi: 21 noyabr 2020.
  9. ↑ "Azərbaycanlı idmançılar ilk dəfə olaraq səmti müəyyən etmə üzrə dünya çempionatında iştirak edəcəklər". azertag.az (az.). Azərbaycan Dövlət İnformasiya Agentliyi. 4 iyul 2014. 21 noyabr 2020 tarixində arxivləşdirilib. İstifadə tarixi: 21 noyabr 2020.
  10. ↑ "Azərbaycan İtaliyada keçiriləcək səmti müəyyən etmə üzrə dünya çempionatında təmsil olunacaqdır". azertag.az (az.). Azərbaycan Dövlət İnformasiya Agentliyi. 3 iyul 2014. 21 noyabr 2020 tarixində arxivləşdirilib. İstifadə tarixi: 21 noyabr 2020.
  11. ↑ "Azerbaijan successful in European Orienteering Championships". azernews.az (ingilis). Azernews. 17 aprel 2014. 21 noyabr 2020 tarixində arxivləşdirilib. İstifadə tarixi: 21 noyabr 2020.
  12. ↑ "Bakıda səmti müəyyənetmə idman növü üzrə təlim və yarış təşkil olunub". azertag.az (az.). Azərbaycan Dövlət İnformasiya Agentliyi. 8 iyul 2016. 21 noyabr 2020 tarixində arxivləşdirilib. İstifadə tarixi: 21 noyabr 2020.
  13. ↑ "Azərbaycan Ordusunda səmti müəyyənetmə yarışları başlayıb". azertag.az (az.). Azərbaycan Dövlət İnformasiya Agentliyi. 27 avqust 2019. 21 noyabr 2020 tarixində arxivləşdirilib. İstifadə tarixi: 21 noyabr 2020.
  14. ↑ "IOF Members". eventor.orienteering.org (ingilis). International Orienteering Federation. 2022-07-02 tarixində arxivləşdirilib. İstifadə tarixi: 21 noyabr 2020.
  15. ↑ "Azərbaycan və Türkiyə səmti müəyyənetmə federasiyaları arasında əməkdaşlıq". allsport.az (az.). 26 dekabr 2019. 21 noyabr 2020 tarixində arxivləşdirilib. İstifadə tarixi: 21 noyabr 2020.