Böyük Bermamıt (устар. Бермамыт, Бермамут, карач. — Уллу-Бурмабут) — Böyük Qafqaz sisteminin (Şimali Qafqaz bölgəsi) şimal yamacındakı Qayalı silsiləsində dağ zirvəsi. Qaraçay-Çərkəz Respublikasının, Maloqaraçayevsk rayonunda, Xasaut kəndindən 3 km aralıda yerləşir. Dəniz səviyyəsindən 2592.3 m yüksəklikdədir.
Böyük Bermamıt | |
---|---|
Ümumi məlumatlar | |
Dağ sistemi | Böyük Qafqaz |
Dağ silsiləsi | Qayalı |
Mütləq hündürlüyü | 2592,3 m |
Yerləşməsi | |
43°42′16″ şm. e. 42°26′13″ ş. u. | |
Ölkə | Rusiya |
Region | |
Rayon | |
|
|
|
|
Vikianbarda əlaqəli mediafayllar |
XIX əsrin sonlarında Rusiya imperiyasının cənubunun ətraflı xəritələrindən birində -"Qafqaz bölgəsinin beş verstli xəritəsin"də, həmçinin D.D.Paqirevin "Qafqaz bölgəsinin beş verstlik xəritəsinə əlifba sırası ilə ..." (1913) əsərində, dağın adı "Böyük" və ya "Kiçik" izah edilmədən yalnız Bermamıt kimi göstərilmişdir.[1][2] Aleksandr Selivanovun Böyük Sovet Ensiklopediyasındakı "Terek vilayəti" (1903) məqaləsində oronim başqa cür - Bermamut olaraq göstərilmişdir.[3] Burmabut qaraçayca "bükülmüş uçurum" mənasını verir.
Böyük Bermamıt, Kuma və Malka çayı hövzələrinin yuxarı su hövzəsində yerləşən Qayalı silsiləsinin dağlarından biridir. Böyük Bermamıt dağının dəniz səviyyəsindən hündürlüyü, 1983-cü il ölçülərinə görə 2592,3 m-dir. Dağın zirvəsində dövlət geodeziya şəbəkəsinin məntəqəsi var.[4] Zirvə düz şəkilli zirvəyə malikdir. İlin isti aylarında zirvəyə xırda heyvandarlıqla məşğul olan çobanlar qalxırlar. Yerli əhalinin zirvə ətrafında yaylaq sahələri vardır. Üstəlik zirvəyə aparan yolun rahat olması, yay və yaz aylarında oraya turist axınına səbəb olur.
Böyük Bermamıt dağı XIX əsrin sonlarından bəri müxtəlif xəritələrdə göstərilmişdir, lakin o dövrdə bu bölgənin topoqrafik tədqiqatının dəqiqliyi olduqca aşağı səviyyədə idi. 1913-cü ildə D.D.Paqirevin "Qafqaz bölgəsinin beş verstlik xəritəsinə əlifba sırası ilə ..." əsəri nəşr olundu. Burada Böyük Bermamıt 42-30 uzunluğunda və 43-45 enində (koordinatların müasir təqdimatından fərqli olaraq, bu göstəricidə uzunluq eni qabaqlayırdı və Qrinviçdən deyil, Avropa ilə Amerikanı ayıran meridiandan hesablanmışdı[2]) təyin olundu.[2] "Qafqaz bölgəsinin beş verstli xəritəsində" dağın - 8501 fut hündürlüyü üçün ölçü məlumatları olduqca dəqiq göstərilmişdir (Rusiyada bir fut 0,3048 metrə bərabər idi, Böyük Bermamıtın hündürlüyü təxminən 2591 metr olaraq ölçülmüşdü).[1]