Başqırdıstan Dram Teatrı
Başqırdıstan Dram Teatrı (tam adı: Məjit Qafuri adına Başqırdıstan Dram Teatrı; başq. Мәжит Ғафури исемендәге Башҡорт дәүләт академия драма театры) — Rusiya Federasiyasının Başqırdıstan Respublikasının paytaxtı olan Ufa şəhərində fəaliyyət göstərən dram teatrı[1].
| Başqırdıstan Dram Teatrı | |
|---|---|
| başq. Мәжит Ғафури исемендәге Башҡорт дәүләт академия драма театры | |
 | |
| Ümumi məlumatlar | |
| Əvvəlki adı | 1-ci Başqırdıstan Dövlət Teatrı |
| Teatrın tipi | Akademik |
| Əsası qoyulub | 4 dekabr 1919 |
| Yerləşməsi | |
| 54°43′07″ şm. e. 55°56′26″ ş. u. | |
| Ölkə | |
| Yerləşir | Ufa |
| Ünvan |
 Rusiya, Ufa şəhəri, Zəki Validi küçəsi, 34. |
|
|
|
| bashdram.ru | |
 Vikianbarda əlaqəli mediafayllar | |
.svg)
Tarixi[redaktə | mənbəni redaktə et]
Teatrın əsası 4 dekabr 1919-cu ildə Sterlitamakda 1-ci Başqırdıstan Dövlət Teatrı kimi qoyulmuşdur[1]. İlk bədii rejissoru və direktoru V.Q. Murtazin-İmanski olmuşdur[2][3].
1922-ci ildən Ufaya köçürülmüş, Ufa Dövlət nümunəvi teatrının tatar-başqırd truppası ilə birləşdirilmişdir[1].
Burada başqırd və tatar müəlliflərinin pyesləri, həmçinin rus və dünya klassiklərinin əsərləri tamaşaya qoyulurdu[1].
1929-1930-cu illər teatr üçün dönüş mövsümü olmuşdur. Belə ki, həmin mövsümdə teatr başqırd ədəbi dilinə keçmiş və Moskvadakı Malı Teatr ilə yaradıcılıq əməkdaşlığı haqqında müqavilə bağlamışdır[1].
Teatrın tarixində V.Q. Murtazin-İmanski, Z.İ. Bikbulatova, T.M. Biktaşeva, L.V. Valiyev, V.Q. Qalimov, T.Q. İmaşev, R.V. İsrafilov, M.A. Maqadeyev, A.K. Mübarəkov, Ş.M. Murtazina, A.Q. Sadıkova, R.S. Sırtlanov, Q.R. Şamukov, X.Q. Yarullin və başqalarının böyük rolu olmuşdur[1].
1935-ci ildən akademik dram teatrı statusuna malikdir[3]. 1971-ci ildən başqırd mütəfəkkiri Məjit Qafurinin adını daşıyır[1]. Teatrın qarşısında Məjit Qafurinin abidəsi qoyulub.
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ 1 2 3 4 5 6 7 Başqırdıstan Dram Teatrı Arxivləşdirilib 2022-08-18 at the Wayback Machine. ensiklopediya.gov.az (az.)
- ↑ "История театра". 2013-12-03 tarixində arxivləşdirilib. İstifadə tarixi: 2017-09-05.
- ↑ 1 2 "Башкирский академический театр драмы имени Мажита Гафури". 2013-03-04 tarixində orijinalından arxivləşdirilib. İstifadə tarixi: 2017-09-05.
Xarici keçidlər[redaktə | mənbəni redaktə et]
- bashdram.ru — Başqırdıstan Dram Teatrının rəsmi saytı
- Саитов Х. С. Башкирский театр драмы.// Статья в Башкирской энциклопедии[ölü keçid] (rus.)